SAN JUAN 11:8 - Chatino Tataltepec

⁸ Li' nguxacui̱ ngu' bi' cha' ji'i̱: ―Mstru ―nacui̱ ngu'―, ná sa'ni ngua bi' lo'o ngua ti' ngu' judío bi' cu̱ ngu' quee jinu'u̱ cha' cujuii ngu' jinu'u̱, ngua ti' ngu'. ¿Ha cua tsaa ti nu'u̱ nde jua chaca quiya'? ―nacui̱ ngu'.

SAN JUAN 11:8 Iomraidhean Croise

SAN MATEO 23:7

La cui' jua'a̱, si tyacua tya'a ñati̱ lo'o ngu' bi' nde calle, lo'o chcui' ñati̱ bi' lo'o ngu', na cua'ni chi̱ ñati̱ loo nti' ngu' fariseo bi'; jua'a̱ cua nti' ngu' cha' ñacui̱ ñati̱ ji'i̱, cha' mstru laca ngu'. Jua'a̱ nti' ngu' bi'.

SAN MATEO 23:8

’Pana cu'ma̱ ni, ná tso'o si ñacui̱ ngu' ji'i̱ ma̱ cha' mstru laca ma̱; tso'o la si sca ti cha' ntsu'u tyiquee ma̱ lo'o tya'a ma̱, cha' sca ti mstru ntsu'u ji'i̱ ma̱, bi' laca Cristo.

SAN JUAN 10:31

Chaca quiya' ngusñi nu ngu' judío bi' quee cha' cu̱ ngu' ji'i̱ Jesús, cujuii ngu' ji'i̱.

SAN JUAN 10:39

Chaca quiya' ngua'ni cuayá' ngu' si caca taya' ngu' ji'i̱ Jesús. Li' nga'aa ndyanu yu, laja ti ngu' ngutu'u yu ngulaá yu ji'i̱ ngu'.

SAN JUAN 11:19

Lo'o li' quiña'a̱ ngu' quichi̱ tonu bi' ndyaa cha' xtyucua ngu' ji'i̱ Marta lo'o ji'i̱ María cha' ngujuii tya'a ngula ngu'.

SAN JUAN 4:31

Laja li' ndu̱ ñati̱ nu ndyaca tsa'a̱ ji'i̱, tya'na nchcui' ngu' lo'o Jesús cha' cacu yu xi tyaja. ―Mstru ―nacui̱ ngu'―, cacu nu'u̱ xi.

SAN JUAN 8:59

Li' ngusñi ngu' quee cha' cu̱ ngu' ji'i̱ Jesús cujuii ngu' ji'i̱ li', pana ndyu'u cuatsi' yu ji'i̱ ngu'. Ngutu'u yu ne' laa bi', nteje tacui yu cla'be su ndi'i̱ ñati̱ ndyaa yu li'.

LOS HECHOS 20:24

Pana ná ntsi̱i̱ na' xqui'ya cha' nu nchcui' ngu' bi', ná ndu'ni cha' jna' masi cujuii ngu' jna'. Sca ti cha' nti' na', cha' tso'o ti tye cña nu nda ycui' Jesús jna', cha' ta na' cha' tso'o ji'i̱ ycui' Ndyosi lo'o xa' ñati̱, cha' ntsu'u tsa tyiquee Ni ña'a̱ Ni ji'i̱ ñati̱ chalyuu.