SAN JUAN 11:53 - Chatino Tataltepec

⁵³ Lo'o li' nguxana nchcui' ngu' nu laca cña lo'o tya'a ngu' ñi'ya̱ nu caca cujuii ngu' ji'i̱ Jesús;

SAN JUAN 11:53 Iomraidhean Croise

SAN MATEO 12:14

Lo'o li' ngua ñasi̱' tsa nu ngu' fariseo bi' ji'i̱ yu, ndu'u ngu', ndyaa ngu'; ngua ti' ngu' si caja ñi'ya̱ caca cua'ni tye ngu' cha' ji'i̱ Jesús li'.

SAN MATEO 16:21

Lo'o tyempo bi' nguxana Jesús ngulu'u yu ji'i̱ ngu' cha' ntsu'u cha' tsaa yu nde quichi̱ Jerusalén. Pana ca quichi̱ bi' tyacua cha' ti'í ji'i̱ yu xqui'ya cha' xcube' tsa ngu' cusu' bi' ji'i̱ yu; jua'a̱ sti jo'ó nu laca loo, lo'o mstru cha' jo'ó, lcaa ngu' bi' xcube' ngu' ji'i̱ yu ña'a̱ cuayá' nu cujuii ngu' ji'i̱ yu. Pana tyu'ú yu chaca quiya' tsa̱ nchca tyuna, nacui̱ yu.

SAN MATEO 22:46

Ná ntsu'u ni sca ñati̱ ca bi' nu ngua ji'i̱ xacui̱ cha' ji'i̱ Jesús li'. Lo'o jua'a̱ xa' la tsa̱ nde loo la nga'aa nchcuane ngu' cha' ji'i̱ yu tsiya' ti, cha' ntsi̱i̱ ngu' ji'i̱, ñi'ya̱ nu xacui̱ Jesús cha' ji'i̱ ngu'.

SAN MATEO 26:4

Li' ngua'ni stu'ba ngu' cha' ji'i̱ ngu' lo'o tya'a ngu' ñi'ya̱ nu cua'ni ngu' cha' tejeya' ngu' ji'i̱ Jesús cuaana ti, cha' cujuii ngu' ji'i̱.

SAN MATEO 26:59

Lo'o li' lcaa ngu' tisiya, lo'o lcaa sti jo'ó nu laca loo, lo'o lcaa ngu' cusu' bi', nclyana ngu' ñi'ya̱ ca sta ngu' qui'ya ji'i̱ Jesús, cha' nti' tsa ngu' cujuii ngu' ji'i̱. Pana ná ndu'u tucua ñati̱ nu cujuii cuañi' ji'i̱ yu cuentya ji'i̱ ngu' nu laca loo bi'.

SAN MARCOS 14:1

Tya lyiji tya tyucuaa tsa̱ cha' caca ta'a pascua, li' ndyaca ta'a su ndacu ngu' xlyá nu ná ndya' lo'o scua̱ tiye'. Nclyana sti jo'ó nu laca loo, nclyana mstru cha' jo'ó, ñi'ya̱ nu cua'ni ngu' cha' caca tejeya' ngu' ji'i̱ Jesús cuaana ti, cha' cujuii ngu' ji'i̱.

SAN MARCOS 3:6

Lo'o ndu'u nu ngu' fariseo ne' laa bi', li' ndyaa ngu' cha' chcui' ngu' lo'o taju ngu' nu cuentya ji'i̱ rey Herodes; chcui' ngu' ñi'ya̱ cua'ni ngu' cha' caca cujuii ngu' ji'i̱ Jesús.

SAN JUAN 11:47

Bi' cha' nu ngu' sti jo'ó nu laca loo lo'o ngu' fariseo bi', nguxana nxi'ya ngu' ji'i̱ lcaa ngu' tisiya, cha' tyu'u ti'i̱ ngu'. Lo'o li' nchcui' ngu' lo'o tya'a ngu': ―¿Ñi'ya̱ cua'ni na juani? ―nacui̱ ngu'―. Quiña'a̱ tsa cha' tlyu ndyu'ni nu qui'yu bi'.

SAN JUAN 12:10

Lo'o li' ngua'ni stu'ba sti jo'ó nu laca loo cha' ji'i̱ ngu' lo'o tya'a ngu', cha' lo'o ji'i̱ Lázaro cujuii ngu',

SAN JUAN 7:1

Tiya' la li' xcui' nde loyuu su cuentya Galilea ndya'a̱ Jesús; nga'aa ndya'a̱ yu loyuu su cuentya Judea bi', cha' nti' tsa ngu' bi' cujuii ngu' ji'i̱.

LOS HECHOS 5:33

Lye tsa ngunasi̱' ngu' cusu' li', lo'o ndyuna ngu' cha' nu nchcui' Pedro lo'o ngu'; nti' tsa ngu' cujuii ngu' ji'i̱ ngu' nu ngua tsa'a̱ ji'i̱ Jesucristo bi' li'.

LOS HECHOS 9:23

Cua nteje tacui tyu̱u̱ tsa̱, li' nguane ngu' judío ji'i̱ tya'a ngu' cha' cujuii ngu' ji'i̱ Saulo.