SAN JUAN 11:47 - Chatino Tataltepec

⁴⁷ Bi' cha' nu ngu' sti jo'ó nu laca loo lo'o ngu' fariseo bi', nguxana nxi'ya ngu' ji'i̱ lcaa ngu' tisiya, cha' tyu'u ti'i̱ ngu'. Lo'o li' nchcui' ngu' lo'o tya'a ngu': ―¿Ñi'ya̱ cua'ni na juani? ―nacui̱ ngu'―. Quiña'a̱ tsa cha' tlyu ndyu'ni nu qui'yu bi'.

SAN JUAN 11:47 Iomraidhean Croise

SAN MATEO 26:3

La cui' tyempo nu nchcui' Jesús, li' ndyu'u ti'i̱ tyu̱u̱ tya'a sti jo'ó nu laca loo lo'o mstru cha' jo'ó lo'o ngu' cusu' ji'i̱ ngu' judío; ndyu'u ti'i̱ ngu' slo Caifás nu laca xu'na lcaa sti jo'ó jua.

SAN MATEO 5:22

Pana quiña'a̱ la cha' chcui' na' lo'o ma̱ juani: masi ca ti'í ti' ngu' ji'i̱ tya'a ñati̱, li' ntsu'u cha' chcube' ngu' bi'; masi na chcui' ti ngu' cha' cuxi ji'i̱ tya'a ñati̱, ntsu'u cha' tsaa ngu' bi' slo ngu' nu laca loo ca Jerusalén, cha' caca cuayá' ji'i̱ ngu' cajua li'. Lo'o jua'a̱ si ñacui̱ ngu' ji'i̱ tya'a ñati̱: “¡Na ple tsa nu'u̱! ¡Na tonto tsa hique nu'u̱!” lo'o ñasi̱' tsa ngu' ji'i̱ tya'a ñati̱, li' nga'a̱ cha' tsaa ngu' bi' ca bilyaa su ná tye cha' tyaqui̱ quii'.

SAN MARCOS 14:1

Tya lyiji tya tyucuaa tsa̱ cha' caca ta'a pascua, li' ndyaca ta'a su ndacu ngu' xlyá nu ná ndya' lo'o scua̱ tiye'. Nclyana sti jo'ó nu laca loo, nclyana mstru cha' jo'ó, ñi'ya̱ nu cua'ni ngu' cha' caca tejeya' ngu' ji'i̱ Jesús cuaana ti, cha' cujuii ngu' ji'i̱.

SAN LUCAS 22:2

Lo'o nu ngu' sti jo'ó nu laca loo lo'o mstru cha' jo'ó bi' ni, nclyana ngu' ñi'ya̱ caca cha' cujuii ngu' ji'i̱ Jesús, masi ntsi̱i̱ ngu' ji'i̱ ñati̱ quichi̱.

SAN JUAN 11:57

Ndube tsa ti' ngu' cha' lo'o nu ngu' sti jo'ó nu laca loo bi', lo'o ngu' fariseo, cua ngulo ngu' cña ji'i̱ lcaa ngu' quichi̱; nacui̱ sti jo'ó cha' lo'o caja cha' ji'i̱ ngu' macala ntsu'u Jesús, hora ti ntsu'u cha' cacha' ngu' ji'i̱ ngu' nu laca loo. Li' tsaa ngu' policía xñi ngu' ji'i̱ Jesús, nti' ngu' nu laca loo bi'.

SAN JUAN 12:19

Li' nchcui' ngu' fariseo lo'o tya'a ngu': ―Ña'a̱ ma̱ ji'i̱ yu bi'. ¿Ñi'ya̱ cua'ni na juani? Ná caca ji'na tsiya' ti tacu̱' na cha' ji'i̱ yu bi'. Tyucui ña'a̱ chalyuu ngusñi ngu' cha' ji'i̱ yu juani.

SAN JUAN 2:11

Ca quichi̱ Caná nde loyuu su cuentya Galilea ngua cha' bi' lo'o nguxana ngua'ni Jesús cha' tlyu cuentya ji'i̱ ycui' Ndyosi. Lo'o cha' tlyu bi' ngulu'u loo ycui' Jesús ji'i̱ ngu', cha' ña'a̱ ngu' cha' tlyu tsa cha' nu ntsu'u ji'i̱ ycui' yu. Bi' cha' nguxana ngu' nu ndyaca tsa'a̱ ji'i̱ yu, jlya ti' ngu' ji'i̱ ycui' ca Jesús.

SAN JUAN 6:2

Tsa tlyu ti ndyaa lca'a̱ quiña'a̱ ñati̱ ji'i̱ yu, bi' ñati̱ laca nu cua na'a̱ cña tonu nu ngua'ni yu lo'o ngua'ni yu cha' ndyaca tso'o ngu' quicha.

SAN JUAN 7:32

Cua ndyuna ngu' fariseo ña'a̱ cha' nu nchcui' ngu' quichi̱ ji'i̱ Jesús. Bi' cha' ngulo ngu' cña ji'i̱ policía ne' laa cha' tsaa ngu' taya' ngu' ji'i̱ Jesús. Jua'a̱ ngua'ni sti jo'ó nu laca loo lo'o nu ngu' fariseo bi'.

SAN JUAN 7:45

Chaca quiya' ndyaa nu policía ne' laa bi' slo sti jo'ó nu laca loo, slo ngu' fariseo. Li' nchcuane ngu' ji'i̱ policía: ―¿Ni cha' laca ná lo'o yu bi' lijya̱ ma̱ slo cua?

LOS HECHOS 5:21

Ndaquiya' ngu' bi' ji'i̱ cha' nu nchcui' xca̱ bi' lo'o ngu'; bi' cha' lo'o nguxee, li' ndyatí̱ ngu' bi' ndyaa ngu' ne' laa tonu cha' culu'u ngu' cha' bi' ji'i̱ ñati̱ nu ndi'i̱ ca bi'. Li' ndyaa xu'na sti jo'ó lo'o ngu' tya'a ndya'a̱ yu, ngulo yu cña cha' tyu'u ti'i̱ lcaa ngu' cusu', lcaa nu laca loo ji'i̱ ngu' Israel. Cuati ngulo yu cña cha' tsaa ngu', tsaa culo ngu' ji'i̱ ngu' nu ntsu'u ne' chcua̱ bi', cha' tya̱a̱ ngu' bi' slo yu.

LOS HECHOS 5:24

Ngulacua tsa ti' sti jo'ó lo'o nu laca loo ji'i̱ ngu' policía nu nga'a̱ cua̱, nu lo'o ndyuna ngu' cha' nga'aa ntsu'u preso bi'.