SAN JUAN 11:44 - Chatino Tataltepec

⁴⁴ Li' ngutu'u nu ngua jyo'o bi'; ña'a̱ ti tya ngüixi̱i̱ late' ngati̱ tyucui ña'a̱ hichu̱', ña'a̱ ti tya ndyacu̱' chaca late' loo. ―Xati̱' clya ma̱ late' nu ntsu'u chu̱' yu cua ―nacui̱ Jesús ji'i̱ ngu'―, cha' ta ma̱ chacuayá' tya'a̱ yu.

SAN JUAN 11:44 Iomraidhean Croise

SAN MARCOS 5:43

Lye nchcui' Jesús lo'o ngu' bi', cha' ná chcui' ngu' lo'o xa' ñati̱ ñi'ya̱ ngua cha' ndyaca tso'o nu piti bi'. Li' ngulo yu cña ji'i̱ ngu' cha' ta xi na cacu nu piti bi'.

SAN LUCAS 19:20

Li' ndyalaa chaca msu bi': “Cusu'”, nacui̱, “nde ñaalo'o na' cñi jinu'u̱, cha' cua nguxco'o tso'o na' ji'i̱ ne' sca pañito.

SAN LUCAS 7:15

Hora ti ndaca'a̱ nu ngua jyo'o bi', nguxana nchcui' yu lo'o ngu' li'. Xa' ndya Jesús ji'i̱ nu qui'yu cuañi' bi' ji'i̱ xtya'a̱ yu li'.

SAN JUAN 10:30

Lo'o jua'a̱ stu'ba ntsu'u cha' ji'i̱ ycui' Ndyosi Sti na' lo'o na' ―nacui̱ Jesús.

SAN JUAN 11:39

―Clyatsu' ma̱ quee cua ―nacui̱ Jesús. Li' nchcui' Marta tya'a ngula jyo'o bi' lo'o Jesús: ―Tyucu̱ tsa xtyi'i caca si tyu'utsu' quee cua, cusu' ―nacui̱―. Cua jacua tsa̱ nguatsi' jyo'o re.

SAN JUAN 11:43

Li' cui̱i̱ tsa nchcui' Jesús: ―Lázaro, tyu'u nu'u̱ su ntsu'u nu'u̱ ndacua, tya̱a̱ nu'u̱ nde liya' re.

SAN JUAN 19:40

Ngusta ngu' na tyixi xtyi'i bi' lo sca late' lati loo, li' ngüixi̱i̱ ngu' late' bi' tyucui ña'a̱ hichu̱' jyo'o Jesús, ñi'ya̱ nu ndu'ni ngu' judío nu lo'o nxatsi' ngu' ji'i̱ jyo'o nu ndyijii ji'i̱ ngu'.

SAN JUAN 20:5

Li' nguxña'a̱ yu ne' tyuquee bi', na'a̱ yu cha' tya ntsiya late' lati loo nu ngüixi̱i̱ ngu' chu̱' jyo'o, pana ná ndyaa yu ca ne' tyuquee bi'.

SAN JUAN 20:7

Lo'o jua'a̱ na'a̱ Pedro late' nu ndyacu̱' loo jyo'o, nguxcu̱' ti late' bi', ntsiya chaca se'i̱; nga'aa ntsiya lo'o late' lati loo nu ngüixi̱i̱ chu̱' jyo'o, ycui' ti late' bi' ntsiya.

SAN JUAN 5:21

Xa' ta ycui' Ndyosi chalyuu ji'i̱ ngu' chaca quiya', ji'i̱ cua ña'a̱ ca ñati̱ nu nti' Ni cha' ta Ni chalyuu ji'i̱; lo'o jua'a̱ la cui' cña ndu'ni na' nu laca̱ Sñi' ycui' Ni, ta na' chaca chalyuu ji'i̱ lcua ti ñati̱ nu nti' na' cha' ta̱ ji'i̱ ―nacui̱ Jesús ji'i̱ ngu'―.

SAN JUAN 5:25

Lo'o jua'a̱ ta na' chaca cha' liñi lo'o ma̱ ―nacui̱―. Cua ngulala ti hora, cua la cui' hora ndyalaa juani, cha' xi'ya na' nu laca̱ Sñi' ycui' Ndyosi ji'i̱ lcaa ñati̱ nu ndi'i̱ chalyuu; ñi'ya̱ laca si na cua ngujuii ngu' laca, xqui'ya cha' cuxi nu ntsu'u ji'i̱ ngu'. Lo'o cuna ngu' bi' cha' nu chcui' na' lo'o ngu', li' caja chalyuu tso'o ji'i̱ ngu', lcaa ñati̱ nu xñi cha' jna' ―nacui̱ Jesús ji'i̱ ngu'―.

FILIPENSES 3:21

Xcutsa'a̱ Ni ji'i̱ tyucui ña'a̱ na li', cha' caca na ñi'ya̱ laca ycui' Ni. Quicha ti ti' tyucui ña'a̱ na juani, pana ycui' Ndyosi ni, tso'o tsa ña'a̱ tyucui ña'a̱ Ni; la cui' jua'a̱ caca tyucui ña'a̱ na nde loo la li'. Taca ji'i̱ Ni culo Ni cña ji'i̱ lcaa lo na nu ntsu'u chalyuu, lo'o jua'a̱ taca ji'i̱ Ni xcutsa'a̱ Ni ji'i̱ tyucui ña'a̱ na tsiya' ti.

APOCALIPSIS 1:18

Ycui' Ni nu lu'ú ca laca na' ―nacui̱ Ni―. Cua ngujuii na' nu ngua li', pana xa' ndyu'ú na' chaca quiya', lo'o juani nga'aa tye cha' lu'ú na'. Na' nclyu̱ cña lo'o ndyijii ñati̱, jua'a̱ la cui' na' nclyu̱ cña macala su tyaa cresiya ji'i̱ ngu'.