SAN JUAN 11:26 - Chatino Tataltepec

²⁶ Lo'o jua'a̱ lcaa ñati̱ nu tso'o ti ndi̱'i̱ tyiquee cha' ngusñi ngu' cha' jna', ná nscua cha' cajaa ngu' bi' tsiya' ti. ¿Ha jlya ti' nu'u̱ cha' bi'?

SAN JUAN 11:26 Iomraidhean Croise

SAN MATEO 26:53

¿Ha ná jlo ti' nu'u̱ cha' si jña na' ji'i̱ Sti na', hora ti culo ycui' Ni cña cha' ca̱a̱ tii tyucuaa tya'a taju xca̱ ji'i̱ Ni, cha' xtyucua xca̱ bi' 'na?

SAN MATEO 9:28

Lo'o cua ndyalaa Jesús ndyatí̱ ni'i̱ ji'i̱, lo'o nu ngu' cuityi̱' bi' lijya̱ ngu' cacua la slo yu. Nchcui' Jesús lo'o ngu' bi' li': ―¿Ha jlya ti' ma̱ cha' caca jna' cua'ni na' cha' tyaca tso'o ma̱? ―nacui̱ yu ji'i̱ ngu'. ―Jlya ti' ya, cusu' ―nacui̱ nu ngu' cuityi̱' bi' ji'i̱.

SAN MARCOS 9:23

―¿Ni cha' laca nacui̱ nu'u̱ 'na jua'a̱, si nchca 'na? ―nacui̱ Jesús ji'i̱―. Lcaa lo cña nchca ji'i̱ sca ñati̱ nu jlya ti' ji'i̱ ycui' Ndyosi ―nacui̱.

SAN JUAN 10:28

Ná nga'a̱ cha' tye chalyuu nu ta na' ji'i̱ ngu' bi', ná chcuna' cresiya ji'i̱ ngu' li'. Ná tucui caca ji'i̱ xlyaá ji'i̱ ñati̱ bi' 'na, cha' tso'o tsa ña'a̱si̱i̱ na' ji'i̱ ñati̱ bi' ―nacui̱ Jesús―.

SAN JUAN 14:10

¿Ha ná jlya ti' ma̱ cha' stu'ba ntsu'u cha' 'na lo'o ycui' Ndyosi Sti' na'? Lo'o jua'a̱ lcaa hora ndi'i̱ ycui' Ndyosi Sti na' lo'o na' ―nacui̱―. Si'i cha' nu ngulo hique ti na' nu nchcui' na' lo'o ma̱; stu'ba ntsu'u cha' ji'i̱ Sti na' lo'o na', lo'o ycui' Ni laca nu nclyo cña 'na, ñi'ya̱ nu cua'ni na'.

SAN JUAN 4:14

Lo'o co'o ngu' hitya nu ta na', nga'aa tyucua nguityi ngu' tsiya' ti li' ―nacui̱―. Ta na' sca lo hitya co'o ngu' nu cua'ni cu'ú cresiya ji'i̱ ngu'. Ndi'ya̱ laca bi': ñi'ya̱ si laca sca su̱u̱ hitya nde ne' cresiya ji'i̱ ngu', jua'a̱ ná nga'a̱ cha' tye chalyuu ji'i̱ ngu' li'.

SAN JUAN 5:24

’Liñi tsa cha' nu ta na' lo'o ma̱ juani: Cua ña'a̱ ca ñati̱ nu taquiya' ji'i̱ lcaa cha' nu chcui' na' lo'o ngu', lcaa ñati̱ nu jlya ti' ji'i̱ ycui' Ndyosi Sti na' nu nda jna' lijya̱a̱, bi' ngu' laca nu ná nga'a̱ cha' tye chalyuu tso'o nu ta ycui' Ndyosi ji'i̱ ngu' bi'. Ná cua'ni cuayá' Ni ji'i̱ ngu' bi', ná nscua cha' cajaa ngu' bi'; lcaa tyempo tyi'i̱ ngu' bi' lo'o ycui' Ndyosi ―nacui̱ Jesús ji'i̱ ngu'―.

SAN JUAN 6:47

Liñi tsa cha' nu nda na' lo'o ma̱ juani, cha' ñati̱ nu ngusñi cha' ji'i̱ ycui' Ndyosi ni, cua laca ngujui chalyuu nu ná nga'a̱ cha' tye ji'i̱ ngu' ―nacui̱―.

SAN JUAN 9:35

Li' ngujui cha' ji'i̱ Jesús, ndyuna yu cha' ngulo'o ngu' ji'i̱ nu qui'yu bi' ne' laa. Lo'o ngujyacua Jesús ji'i̱, nchcuane yu ji'i̱ li': ―¿Ha jlya ca ti' nu'u̱ ji'i̱ ycui' nu cua lijya̱ chalyuu cha' caca ñati̱? ―nacui̱ Jesús ji'i̱.

ROMANOS 8:13

Chcuna' chalyuu ji'i̱ ma̱ si xcui' culana ma̱ ji'i̱ cha' cuxi lo'o ndi'i̱ ma̱ chalyuu; pana chacuayá' ji'i̱ Xtyi'i ycui' Ni taca tyiji̱loo ma̱ ji'i̱ cha' cuxi nu ntsu'u ji'i̱ ma̱, cha' nga'aa cua'ni la ma̱ ji'i̱. Caja chalyuu nu ná nga'a̱ cha' tye ji'i̱ ma̱ li'.