SAN JUAN 11:24 - Chatino Tataltepec

²⁴ ―Jlo ti' na' cha' chaca quiya' tyu'ú yu bi' nu lo'o tyu'ú lcaa jyo'o lo'o cua tye ti chalyuu ―nacui̱ Marta.

SAN JUAN 11:24 Iomraidhean Croise

SAN LUCAS 14:14

Li' tso'o tsa tyi'i̱ ma̱ chalyuu si jua'a̱ cua'ni ma̱, cha' nu ngu' quicha bi' ni, ná caja ñi'ya̱ nu tya ngu' cha' tso'o ji'i̱ ma̱. Pana tiya' la caja cha' tso'o ji'i̱ ma̱, nu lo'o tyu'ú ma̱ chaca quiya' lo'o lcaa ngu' jyo'o nu ngua tso'o cresiya ji'i̱ ngu' cuentya ji'i̱ ycui' Ndyosi lo'o tya nguti'i̱ ngu' chalyuu.

SAN JUAN 11:23

Li' nguxacui̱ Jesús cha' ji'i̱ Marta bi': ―Tyu'ú tya'a ngula nu'u̱ chaca quiya'.

SAN JUAN 6:39

Na cua nti' Sti na' cha' ná chcuna' ni sca ñati̱ nu cua ngusñi cha' 'na. Lo'o li' cua'ni na' cha' tyu'ú ngu' chaca quiya' lo'o cua tye ti chalyuu ―nacui̱―.

SAN JUAN 6:40

Nde laca cña nu nti' Sti na' nu cua nda jna' lijya̱a̱ cha' caca: cua nti' Ni cha' ná tye chalyuu su tyi'i̱ ngu' lo'o Ni, lcaa ñati̱ nu ndyuloo jna' cha' laca̱ Sñi' Ni, lcaa ñati̱ nu xñi cha' jna'. Lo'o li' chañi cha' cua'ni na' cha' tyu'ú ngu' chaca quiya' lo'o cua tye ti chalyuu.

LOS HECHOS 24:15

Ñi'ya̱ nu jlya ti' ngu' judío re, jua'a̱ jlya ti' na'. Chañi cha' cua'ni ycui' Ndyosi cha' tyu'ú lcaa jyo'o chaca quiya', masi ñati̱ tso'o ngua jyo'o bi', masi ñati̱ cuxi ngua ngu';

HEBREOS 11:35

Lo'o jua'a̱ nu ngu' cuna'a̱ ni, xa' ndyalaa nu qui'yu ji'i̱ ngu' ña'a̱ lu'ú ti ngu', xqui'ya cha' jlya ti' ngu' cha' caca ji'i̱ ycui' Ndyosi cua'ni lyaá Ni ji'i̱ ngu', masi cua ngujuii ngu' tsaca quiya'. Ti'í tsa ngujui'i̱ ngu' cuxi ji'i̱ xa' la tya'a ngu' bi'. Si cua nguta'a̱chu̱' ngu' bi' ji'i̱ ycui' Ndyosi, cua ngulaá ngu' ji'i̱ ngu' cuxi bi' li', cha' nga'aa ngujui'i̱ ngu' cuxi ji'i̱ ngu' bi'; pana ná ntaja'a̱ ngu' bi' tya'a̱chu̱' ngu' ji'i̱ Ni, cha' tyu'u laja ti ngu' jua'a̱. Ndu̱ ti' ngu' bi' ni jacua' ca̱a̱ Ni ca̱qui'ya Ni ji'i̱ ngu', cha' ta chaca chalyuu tso'o la ji'i̱ ngu'.