SAN JUAN 11:19 - Chatino Tataltepec

¹⁹ Lo'o li' quiña'a̱ ngu' quichi̱ tonu bi' ndyaa cha' xtyucua ngu' ji'i̱ Marta lo'o ji'i̱ María cha' ngujuii tya'a ngula ngu'.

SAN JUAN 11:19 Iomraidhean Croise

SAN LUCAS 10:39

Lo'o jua'a̱ ntsu'u sca tya'a ngula Marta nu naa María. Hora ti ndyaca'a̱ nu María bi' cacua ti slo Jesús cha' cuna cha' nu chcui' yu;

SAN LUCAS 10:42

Pana tya lijyi sca cha' nu tso'o cua'ni nu'u̱, sca cha' nu ndulo la; bi' laca cha' nu cua nti' María cua'ni juani. Cua ndyu'ni cho' sca cña nu tso'o la, lo'o ná ntsu'u cha' xlyaá xa' ñati̱ cña bi' ji'i̱ cho'.

SAN JUAN 1:19

Nda Juan cha' lo'o tyu̱u̱ tya'a sti jo'ó lo'o ngu' xirta; ngutu'u ngu' nde quichi̱ Jerusalén, ndyalaa ngu' su ndi'i̱ nu Juan bi' li'. Cua ngulo ngu' judío nu ndi'i̱ ca bi' cña ji'i̱ ngu' bi', cha' ca̱a̱ ngu' slo Juan cha' xcuane ngu' ji'i̱ Juan tilaca laca.

SAN JUAN 11:1

Ndi'i̱ sca nu qui'yu nu naa Lázaro. Quicha tsa bi'. Ngu' quichi̱ Betania laca, lo'o jua'a̱ María lo'o Marta laca tya'a ngula nu qui'yu bi'.

SAN JUAN 11:31

Lo'o nu ngu' judío nu ndi'i̱ nxtyucua ji'i̱ María ni'i̱ ni, lo'o na'a̱ ngu' cha' tsa tsiya' ca ngutu'u María ndyaa, li' ndyaa lca'a̱ ngu' ji'i̱ cho'; ngua ti' ngu' cha' to' cuaá ndyaa cho' cha' cunaa cho'.

SAN JUAN 11:33

Xñi'i̱ tsa ñaa xtyi'i Jesús li', ndube tsa ti' yu cha' ndyunaa María, lo'o jua'a̱ ngusi'ya tsa ngu' judío tya'a ndya'a̱ María.

SAN JUAN 11:36

―Tyaca'a tsa jyo'o bi' ji'i̱ Jesús, ntsu'u tsa tyiquee yu ña'a̱ yu ji'i̱ ―nacui̱ ngu' judío bi'.

SAN JUAN 11:45

Lo'o li' quiña'a̱ tya'a ngu' judío bi' jlya ti' ngu' ji'i̱ Jesús, ñati̱ nu ndi'i̱ nxtyucua ji'i̱ María tsa̱ la, cha' cua na'a̱ ngu' cha' tlyu nu ngua'ni ca ti Jesús cuentya ji'i̱ ycui' Ndyosi.

SAN JUAN 11:8

Li' nguxacui̱ ngu' bi' cha' ji'i̱: ―Mstru ―nacui̱ ngu'―, ná sa'ni ngua bi' lo'o ngua ti' ngu' judío bi' cu̱ ngu' quee jinu'u̱ cha' cujuii ngu' jinu'u̱, ngua ti' ngu'. ¿Ha cua tsaa ti nu'u̱ nde jua chaca quiya'? ―nacui̱ ngu'.

ROMANOS 12:15

Cua'ni chaa ti' ma̱ lo'o xa' ñati̱, nu lo'o ña'a̱ ma̱ ji'i̱ ngu' cha' chaa ti' ngu' ndi'i̱ ngu'; lo'o jua'a̱ tso'o si caca xñi'i̱ ti' ma̱ lo'o ngu', nu lo'o ña'a̱ ma̱ cha' xñi'i̱ ti ti' ngu' ndi'i̱ ngu'. Cua'ni ma̱ cha' caca stu'ba tyiquee ma̱ lo'o xa' ñati̱.

2 CORINTIOS 1:4

Nu nxtyucua Ni ji'na ni, jua'a̱ ndu'ni Ni cha' tiya' la taca xtyucua na ji'i̱ xa' ñati̱, nu lo'o tyacua cua ña'a̱ ca cha' ti'í ji'i̱ ngu'; ñi'ya̱ lo'o nguxtyucua ycui' Ndyosi ji'na, la cui' jua'a̱ taca xtyucua na ji'i̱ xa' ñati̱ li'.

1 TESALONICENSES 4:18

Bi' cha' lacua, ta ma̱ cha' bi' lo'o ngu' tya'a ma̱, cha' tso'o ti caca tyiquee lcaa ma̱.

1 TESALONICENSES 5:11

Laja lo'o ndu̱ ti' na ji'i̱ Jesús, tya culu'u ma̱ cha' bi' ji'i̱ nu xa' la ngu' tya'a ma̱, cha' caca tlyu la tyiquee ma̱ li'. Jlo ti' na' cha' jua'a̱ ndu'ni ma̱ tu'ni.