SAN JUAN 11:16 - Chatino Tataltepec

¹⁶ Li' nchcui' Tomás nu Culaca' lo'o tya'a ndyaca tsa'a̱ ji'i̱ Jesús: ―Tyaa na lo'o nu cusu' lacua, cha' stu'ba ti cajaa na lo'o ―nacui̱ Tomás.

SAN JUAN 11:16 Iomraidhean Croise

SAN MATEO 10:3

lo'o jua'a̱ ngusubi yu ji'i̱ Felipe, lo'o ji'i̱ Bartolomé, lo'o ji'i̱ Tomás, lo'o ji'i̱ Mateo nu ngusñi cñi cña loo ngu' clyo; lo'o jua'a̱ ngusubi yu ji'i̱ Jacobo sñi' Alfeo, lo'o ji'i̱ Lebeo nu lo'o ndu'ni ngu' Tadeo ji'i̱;

SAN MATEO 26:35

Li' xa' nchcui' Pedro: ―Masi ntsu'u cha' cajaa na' stu'ba ti lo'o nu'u̱, ná chcui' na' lo'o ñati̱ cha' ná nslo na' jinu'u̱ ―nacui̱ Pedro li'. Lo'o la cui' jua'a̱ cha' nguxacui̱ xa' la ngu' nu ndyaca tsa'a̱ ji'i̱ Jesús li'.

SAN MARCOS 3:18

lo'o jua'a̱ ngusubi yu ji'i̱ Andrés, lo'o ji'i̱ Felipe, lo'o ji'i̱ Bartolomé, lo'o ji'i̱ Mateo, lo'o ji'i̱ Tomás, lo'o ji'i̱ xa' Jacobo sñi' Alfeo, lo'o ji'i̱ Tadeo, lo'o ji'i̱ xa' Simón nu ntsu'u cha' ji'i̱ lo'o ngu' cananista;

SAN LUCAS 22:33

―Cusu' ―nacui̱ Simón li'―, ná ndu'ni cha' jna' masi tsa'a̱ lo'o nu'u̱ ne' chcua̱, masi cajaa na' lo'o nu'u̱ ―nacui̱ ji'i̱ Jesús.

SAN LUCAS 6:15

jua'a̱ Mateo, jua'a̱ Tomás, jua'a̱ chaca Jacobo sñi' Alfeo, jua'a̱ chaca Simón nu laca ji'i̱ taju ngu' cananista,

SAN JUAN 11:15

Tso'o ti nti' na' cha' ná nguti'i̱ na' nde jua lo'o ngujuii yu. Juani taca tyu'u tso'o cha' ji'i̱ ycui' ma̱, taca xñi tso'o la ma̱ cha' jna' ―nacui̱―. Tyaa na ca su nscua jyo'o.

SAN JUAN 11:8

Li' nguxacui̱ ngu' bi' cha' ji'i̱: ―Mstru ―nacui̱ ngu'―, ná sa'ni ngua bi' lo'o ngua ti' ngu' judío bi' cu̱ ngu' quee jinu'u̱ cha' cujuii ngu' jinu'u̱, ngua ti' ngu'. ¿Ha cua tsaa ti nu'u̱ nde jua chaca quiya'? ―nacui̱ ngu'.

SAN JUAN 13:37

Li' nchcuane Pedro ji'i̱ yu: ―¿Ni cha' laca ná nti' nu'u̱ cha' tya'a̱ na' lo'o nu'u̱ ca su tsaa nu'u̱ juani ti? ―nacui̱―. Cajaa na' si caca clyaá ycui' nu'u̱.

SAN JUAN 14:5

―Cusu' ―nacui̱ Tomás―, ná jlo ti' ya macala tsaa nu'u̱. ¿Ñi'ya̱ cua'ni ya cha' quije tyucui̱i̱ bi' ji'i̱ ya? ―nacui̱ ji'i̱ Jesús.

SAN JUAN 21:2

Tsa tlyu ti ndyaa Simón Pedro, lo'o Tomás nu Culaca', lo'o Natanael ngu' quichi̱ Cana, sca quichi̱ nu ndi'i̱ nde loyuu su cuentya Galilea; lo'o sñi' Zebedeo, lo'o tya tyucuaa tya'a ngu' nu ngua tsa'a̱ ji'i̱ Jesús, ndyaa ngu' to' tayu' bi'.

LOS HECHOS 1:13

Yala ti ndyalaa ngu' quichi̱ bi', li' ndyaa ngu' ni'i̱ tucua ba'a su ndi'i̱ ngu': ndyaa Pedro, lo'o Jacobo, lo'o Juan, lo'o Andrés, lo'o Felipe, lo'o Tomás, lo'o Bartolomé, lo'o Mateo, lo'o chaca Jacobo sñi' Alfeo, lo'o Simón nu ngua sca ngu' ji'i̱ taju cananista, lo'o Judas tya'a Jacobo.