SAN JUAN 10:6 - Chatino Tataltepec

⁶ Bi' ngua sca cha' nu nchcui' ne' ti Jesús lo'o ngu', pana ná ngua cuayá' ti' ngu' tsiya' ti ñi'ya̱ ndyu'u cha' nu nchcui' Jesús lo'o ngu' li'.

SAN JUAN 10:6 Iomraidhean Croise

SAN MATEO 13:34

Ngulu'u Jesús ji'i̱ nu quiña'a̱ tsa ñati̱ nu ndi'i̱ cajua jua'a̱, cha' xcui' cui̱i̱ ti nchcui' Jesús lo'o ngu' bi'; ná ngulu'u yu ni sca cha' ji'i̱ ñati̱ bi' si ná lo'o sca cui̱i̱ nda yu.

SAN MATEO 13:51

’¿Ha ngua cuayá' ti' ma̱ lcaa cha' nu ngulu'u ca na' ji'i̱ ma̱ juani? ―nacui̱ Jesús ji'i̱ ngu' li'. ―Ngua cuayá' ti' ya ―nacui̱ ngu' ji'i̱.

SAN MARCOS 4:34

Xcui' lo'o cui̱i̱ ti ngulu'u Jesús ji'i̱ ñati̱ quiña'a̱, masi ná nda tso'o ngu' cuentya ñi'ya̱ cha' nda cui̱i̱ bi'; pana tiya' la ngulu'u tso'o yu cha' bi' ji'i̱ nu ngu' nu ndyaca tsa'a̱ ji'i̱ yu.

SAN JUAN 16:25

’Xcui' cui̱i̱ ti nda na' lo'o ma̱ ―nacui̱ Jesús―, cha' caca cuayá' ti' ma̱ scaa cha'; pana tyalaa sca tsa̱ lo'o nga'aa si'i cui̱i̱ ti chcui' na' lo'o ma̱ li', liñi ti ta na' cha' lo'o ma̱ cha' ji'i̱ ycui' Ndyosi Sti na'.

SAN JUAN 16:29

Li' nchcui' ngu' nu ndyaca tsa'a̱ bi' lo'o Jesús: ―Tso'o tsa nchca cuayá' ti' ya cha' nu nda nu'u̱ lo'o ya juani ―nacui̱ ngu' ji'i̱―, nga'aa si'i ñi'ya̱ nchcui' sca cui̱i̱ ti nda nu'u̱ cha',

SAN JUAN 6:52

Li' nguxana ngu' judío bi', lye tsa nxlyú ngu' cha' hichu̱' tya'a ngu'. ―¿Ñi'ya̱ cua'ni nu jua si ta yu cuaña' ycui' ca yu cha' cacu na?― nacui̱ ngu' ji'i̱ tya'a ngu'.

SAN JUAN 6:60

Lo'o ndyuna tyu̱u̱ tya'a ñati̱ nu ndyaca tsa'a̱ ji'i̱ Jesús cha' nu nchcui' yu, li' nacui̱ ngu' bi': ―Tlyu tsa cha' nchcui' nu cusu' re lo'o na. Tso'o la si nga'aa cuna na cha' bi' tsiya' ti.

SAN JUAN 7:36

¿Ñi'ya̱ nti' yu jua cha' nchcui' yu ndi'ya̱: “Tsaana ma̱ jna' macala su ndi'i̱ na', lo'o ná quije na' ji'i̱ ma̱ tsiya' ti, cha' ná caja chacuayá' tyalaa ma̱ ca su tyi'i̱ na' li'”? ―nacui̱ ngu'.

SAN JUAN 8:27

Ná ngua cuayá' ti' ngu' cha' nu nchcui' Jesús lo'o ngu' cha' ji'i̱ ycui' Ndyosi Sti yu.

SAN JUAN 8:43

¿Ni cha' laca ná ndaca'a̱ jyaca̱ ma̱ ji'i̱ cha' nu nchcui' na' lo'o ma̱? ―nacui̱ Jesús ji'i̱ ngu' li'―. Ná nchca ji'i̱ ma̱ tsiya' ti caca cuayá' ti' ma̱ cha' nu nda na' lo'o ma̱ ―nacui̱ yu ji'i̱ ngu' judío bi'―.

1 CORINTIOS 2:14

Pana ñati̱ nu ná stu'ba cha' ji'i̱ lo'o ycui' Ndyosi ni, ná taca ca cuayá' ti' ngu' bi' ni sca cña nu ndu'ni ycui' Ndyosi cuentya ji'i̱ Xtyi'i ycui' Ni; ná nchca ca cuayá' ti' ngu' bi' ji'i̱ cha' bi' tsiya' ti. Sca ti si ntsu'u Xtyi'i ycui' Ndyosi ne' cresiya ji'na, li' caca cuayá' ti' na ni cha' laca bi', bi' cha' ná sca cha' laca nti' ngu' bi'.

2 PEDRO 2:22

Lo'o ña'a̱ na ji'i̱ ñati̱ nu cua nguxtyanu cha' ji'i̱ Cristo, li' caca cuayá' ti' na cha' liñi tsa ndyu'u cha' nu nchcui' ngu' ndi'ya̱: “Sca xne' nu ndyacui̱ na nu ndyacu ni', hora ti tsaa ni' cacu ni' na nu ndyacui̱ ni' chaca quiya'. Lo'o jua'a̱ sca cube' tana ni, lo'o cua ndyaata ni' chcu, hora ti xtyu̱u̱ ni' ca su ntsu'u nana' cha' xtyii ni' chaca quiya'.”

1 JUAN 5:20

Cua jlo ti' na cha' cua ya̱a̱ nu sca ti Sñi' ycui' Ndyosi nde lo yuu chalyuu, lo'o jua'a̱ cua nda bi' chacuayá' cha' caca tyu'u cha' ji'na lo'o ycui' Ndyosi. Chañi cha' stu'ba ntsu'u tyiquee na lo'o ycui' Ndyosi juani, xqui'ya cha' stu'ba ntsu'u tyiquee na lo'o Jesucristo nu laca Sñi' ycui' ca Ni. Chañi cha' ycui' Ndyosi tsiya' ti laca nu Jesús bi', lo'o jua'a̱ chañi cha' ná nga'a̱ cha' tye chalyuu cucui nu ta Ni ji'na.