SAN JUAN 10:5 - Chatino Tataltepec

⁵ Ná ndyu'u lca'a̱ ni' ji'i̱ xa' ñati̱; lo'o nduna ni' cha' nu nchcui' xa' ñati̱ lo'o ni', xna ni' li', cha' ná nslo ni' xtyi'i xa' ñati̱.

SAN JUAN 10:5 Iomraidhean Croise

SAN MARCOS 4:24

Tya ngulu'u la xi Jesús ji'i̱ ngu' li': ―Taquiya' tso'o ma̱ ji'i̱ cha' nu nchcui' na' lo'o ma̱ juani ―nacui̱ Jesús―. Ñi'ya̱ nu ndu'ni ma̱ lo'o xa' ñati̱, la cui' jua'a̱ cua'ni ycui' Ndyosi lo'o ma̱ li'. Lo'o jua'a̱ lo'o cuna tso'o ma̱ cha' jna', quiña'a̱ la cha' tso'o tyu'u ne' cresiya ji'i̱ ma̱ li'.

SAN LUCAS 8:18

’Bi' cha' cua'a̱ tso'o jyaca̱ ma̱. Nu ñati̱ nu jlya ti' cha' nu ndyaca tsa'a̱ ngu' ji'i̱ Ni ni, tya ta la ycui' Ndyosi cha' lo'o ngu' bi'; pana ñati̱ nu ná jlya ti', nu ná nti' ca tsa'a̱ ngu', cua'ni ycui' Ni cha' ná caca ji'i̱ ngu' bi' ca tsa'a̱ ngu' cha' ji'i̱ ycui' Ni tsiya' ti.

SAN JUAN 10:16

Tya ntsu'u la xa' ñati̱ 'na nu ndi'i̱ xa' quichi̱, nu ná stu'ba nga'a̱ lo'o taju ñati̱ re; nga'a̱ cha' tsa'a na' tsaqui'ya na' ji'i̱ ngu' bi', cha' lo'o ngu' bi' tya̱a̱ ngu' ca ne' lo'o re. Lo'o li' cuna ngu' cha' nu chcui' na' lo'o ngu'; caca ngu' sca ti taju ñati̱ 'na, lo'o jua'a̱ caca na' nu sca ti Xu'na ngu' ―nacui̱ Jesús―.

SAN JUAN 10:4

Lo'o cua ngutu'u lcaa xlya' nde liya', li' nde loo la ntyucua nu laca xu'na ni', nde chu̱' la lca'a̱ xlya' ji'i̱ yu, cha' nduna ni' lo'o nxi'ya xu'na ni' ji'i̱ ni'.

2 TIMOTEO 4:3

cha' ca nde loo la nga'aa tyaja'a̱ ngu' cuna ngu' cha' tso'o bi' li'; culana ngu' ji'i̱ quiña'a̱ xa' la ñati̱ nu culu'u ji'i̱ ngu' lcua ti cha' cuxi nu ndiya la ti' ngu' bi' cuna ngu'.

1 JUAN 2:19

Tya clyo ndyu'u ti'i̱ nu ngu' cuiñi bi' lo'o na, lo'o li' ngutu'u ngu' bi' ndyaa ngu'; si'i ñati̱ tya'a ntsu'u cha' ji'na lo'o Jesucristo laca ngu' bi'. Si chañi cha' tya'a ndya'a̱ na laca ngu' bi', cua ndyanu ngu' lo'o na nquicha'; pana ngutu'u ngu' bi', cha' taca ca cuayá' ti' na cha' si'i lcaa ñati̱ nu ndyu'u ti'i̱ lo'o na laca tya'a ngusñi na cha' ji'i̱ Jesucristo.

1 JUAN 2:21

Cua nscua na' quityi re, xqui'ya cha' nchca cuayá' ti' ma̱ ña'a̱ cha' liñi nu ntsu'u ji'i̱ Cristo. Si'i cha' ná jlo ti' ma̱ cha' liñi bi'; cua jlo ti' ma̱ ña'a̱ cha' liñi nu nchcui' na, cha' si'i cha' cuiñi ti laca cha' bi'.

APOCALIPSIS 2:2

Cua jlo ti' na' lcaa ña'a̱ nu ndu'ni ma̱, nacui̱ Jesús. Jlo ti' na' cha' ndalo tsa tyiquee ma̱, masi ndyiji tsa cha' ti'í ji'i̱ ma̱ cha' ndacu̱' ma̱ cha' ji'i̱ ngu' xña'a̱, nacui̱ Ni. Lo'o jua'a̱ jlo ti' na' cha' ná ndalo ma̱ tsiya' ti ji'i̱ ñati̱ cuxi. Cua ngua'ni cuayá' ma̱ ji'i̱ ñati̱ nu nacui̱ cha' cua nda na' ji'i̱ ycui' ngu' lijya̱ slo ma̱, masi ná nda na' ji'i̱ ngu' bi' lijya̱; cua nquijeloo cha' ji'i̱ ma̱ cha' cuiñi ngu' bi', nacui̱ Ni.