SAN JUAN 10:40 - Chatino Tataltepec

⁴⁰ Li' ndyaa Jesús chaca quiya', ndyaa chaca tsu' sta'a̱ Jordán ca su ngutu̱ Juan ntyucuatya ji'i̱ ngu' tya clyo. Nde bi' nguti'i̱ yu, lo'o jua'a̱ ndya'a̱ tsa ngu' slo.

SAN JUAN 10:40 Iomraidhean Croise

SAN JUAN 1:28

Jua'a̱ ngua nde loyuu su cuentya Betábara, ca su ndu̱ Juan ntyucuatya ji'i̱ ngu'. Nde chaca tsu' sta'a̱ Jordán ntsu'u Betábara bi'.

SAN JUAN 11:54

bi' cha' nga'aa ndyaa Jesús su ndi'i̱ ngu' judío, ngutu'u yu loyuu bi', ndyaa yu chaca loyuu su tyijyu' la xi, ca to' yuu btyi. Ndyalaa yu sca quichi̱ su naa Efraín li', ca bi' nguti'i̱ Jesús lo'o ngu' nu ndyaca tsa'a̱ ji'i̱.

SAN JUAN 11:7

Tiya' la, li' nacui̱ Jesús ji'i̱ ñati̱ nu ndyaca tsa'a̱ ji'i̱: ―Tyaa na xtyu̱u̱ na nde loyuu su cuentya Judea ―nacui̱.

SAN JUAN 3:26

Bi' cha' ya̱a̱ ngu' slo Juan cha' chcui' ngu' lo'o: ―Mstru ―nacui̱ ngu'―, nu ñati̱ nu ya̱a̱ slo nu'u̱ nde chaca tsu' sta'a̱ Jordán tya tsubi' la, la cui' nu nacui̱ nu'u̱ cha' loo la laca ycui' yu, cua ndyalaa yu bi' ntyucuatya yu ji'i̱ ñati̱ nde tsu' re juani. Ndya'a̱ tsa ngu' slo.

SAN JUAN 7:1

Tiya' la li' xcui' nde loyuu su cuentya Galilea ndya'a̱ Jesús; nga'aa ndya'a̱ yu loyuu su cuentya Judea bi', cha' nti' tsa ngu' bi' cujuii ngu' ji'i̱.