SAN JUAN 10:3 - Chatino Tataltepec

³ Nslo nu ntsu'u cua̱ to' lo'o ji'i̱ xu'na xlya', bi' cha' nda chacuayá' ndyatí̱ yu bi' ne' lo'o ―nacui̱ Jesús―. Nslo xlya' xtyi'i xu'na ni'; lo'o nxi'ya yu ji'i̱ xlya' ji'i̱ ycui' ca, lijya̱ ni' slo yu, ndya'a̱ lo'o yu ji'i̱ xlya' bi' li'.

SAN JUAN 10:3 Iomraidhean Croise

SAN JUAN 10:14

’Tso'o tsa ña'a̱si̱i̱ na' ji'i̱ xlya' 'na. Nslo na' ji'i̱ ñati̱ jna', lo'o jua'a̱ cua ngui'i̱ ñati̱ bi' jna'.

SAN JUAN 10:16

Tya ntsu'u la xa' ñati̱ 'na nu ndi'i̱ xa' quichi̱, nu ná stu'ba nga'a̱ lo'o taju ñati̱ re; nga'a̱ cha' tsa'a na' tsaqui'ya na' ji'i̱ ngu' bi', cha' lo'o ngu' bi' tya̱a̱ ngu' ca ne' lo'o re. Lo'o li' cuna ngu' cha' nu chcui' na' lo'o ngu'; caca ngu' sca ti taju ñati̱ 'na, lo'o jua'a̱ caca na' nu sca ti Xu'na ngu' ―nacui̱ Jesús―.

SAN JUAN 10:4

Lo'o cua ngutu'u lcaa xlya' nde liya', li' nde loo la ntyucua nu laca xu'na ni', nde chu̱' la lca'a̱ xlya' ji'i̱ yu, cha' nduna ni' lo'o nxi'ya xu'na ni' ji'i̱ ni'.

SAN JUAN 10:9

Nu nga'a̱ to' lo'o, tso'o tsa ña'a̱si̱i̱ ji'i̱ xlya' ji'i̱; lo'o jua'a̱ na', tso'o tsa ña'a̱si̱i̱ na' ji'i̱ ñati̱ 'na ―nacui̱ Jesús―. Taca tyeje tacui ngu' cha' tyatí̱ ngu' ne' lo'o su nga'a̱ na', cha' ná caca cuxi ji'i̱ ngu' bi' li'. Tso'o ti tyatí̱ ngu' ne' lo'o su nga'a̱ na', tso'o ti tyu'u ngu' chaca quiya', ñi'ya̱ nu ndu'ni xlya'. Caja ñi'ya̱ tyiji̱ yu'u ji'i̱ ngu' bi' li', ñi'ya̱ laca lo'o ndyiji na ndacu xlya'.

SAN JUAN 6:37

Lcaa ñati̱ nu cua nda Sti na' jna', ngu' nu ngusñi cha' jna' ni, caca ngu' bi' ñati̱ 'na li'. Tucuá na' cha' ji'i̱ ngu' bi', ná culo'o na' ji'i̱ ngu' cha' tyaa ngu' chaca se'i̱.

SAN JUAN 6:45

Ndi'ya̱ nchcui' sca cha' nu nguscua sca jyo'o cusu' lo quityi nu ngua sa'ni: “Ycui' Ndyosi laca nu culu'u cha' ji'i̱ ycui' Ni ji'i̱ ñati̱”, nacui̱ quityi bi'. Bi' cha' ñati̱ 'na caca lcaa ñati̱ nu taquiya' cha' ji'i̱ ycui' Ndyosi Sti na', lcaa ñati̱ nu caca tsa'a̱ cha' nu culu'u Ni ji'i̱ ngu'.

ROMANOS 8:30

Jua'a̱ ngua ti' Ni tya clyo la cha' caca na, bi' cha' ngusubi Ni ji'na. Nu lo'o cua ngusubi Ni ji'na, li' ngua'ni Ni cha' caca tso'o cresiya ji'na cuentya ji'i̱ Ni; nu lo'o ndye caca tso'o cresiya ji'na, li' ta Ni su tyi'i̱ na ca su tlyu ca su ntucua ycui' Ni.

1 CORINTIOS 16:9

Tso'o tsa ndyaca 'na su ndi'i̱ na' quichi̱ re, cha' ntsu'u tsa ngu' quichi̱ nu tso'o tsa ndaca'a̱ jyaca̱ lo'o nchcui' na' lo'o ngu', masi ña'a̱ ti ntsu'u tsa ñati̱ nu nxu̱u̱ tya'a lo'o na'.

FILIPENSES 4:3

Lo'o nu'u̱ nu tso'o tsa tya'a ndya'a̱ na cña, cua nti' na' cha' xtyucua nu'u̱ ji'i̱ tyucuaa ma' cusu' bi', cha' taca ca tso'o tyiquee ngu' bi' lo'o tya'a ngu'. Tyucuaa ma' cusu' bi' cua ngua'ni tsa ngu' cña cha' cañi la cha' tso'o ji'i̱ Jesús nquicha'; stu'ba ti ngua'ni ngu' bi' cña lo'o na', lo'o Clemente, lo'o xa' la ngu' tya'a ndya'a̱ ya cña. Cua nscua xtañi lcaa ngu' bi' lo quityi ji'i̱ ycui' Ndyosi, nu nscua xtañi ñati̱ nu caja chalyuu nu ná nga'a̱ cha' tye ji'i̱.

COLOSENSES 4:3

La cui' tyempo bi' jña ma̱ cha' clyu ti' ji'i̱ ycui' Ndyosi cuentya ji'i̱ ya cha' caja la juersa ji'i̱ ya, cha' chcui' ya cha' tso'o ji'i̱ Cristo lo'o xa' la ñati̱, cha' cuna ngu' cha' bi' masi bilya caja ñi'ya̱ nu cuna ngu' cha' bi' yala la; xqui'ya cha' cua nchcui' tsa na' lo'o ngu' jua'a̱, bi' cha' ntsu'u na' ne' chcua̱ juani.

2 TIMOTEO 2:19

Liñi tsa laca cha' nu nchcui' ycui' Ndyosi; cua'ni Ni cha' ná xtyanu na cha' bi', si jlya ti' na cha' nu nchcui' ycui' Ndyosi ndi'ya̱: “Cua nslo ycui' nu Xu'na na tilaca laca ñati̱ ji'i̱ Ni”. Lo'o chaca cha' nchcui' ndi'ya̱: “Cua ña'a̱ ca ñati̱ nu ntsu'u cha' ji'i̱ lo'o Cristo ni, ntsu'u cha' xtyanu ngu' bi' lcaa cha' cuxi”. Jua'a̱ nacui̱ quityi ji'i̱ ycui' Ndyosi.

1 PEDRO 1:12

Pana ná nquije cha' bi' ji'i̱ ngu' bi' li'; sca ti cha' nchcui' ycui' Ni lo'o ngu' bi', cha' si'i ycui' ngu' bi' laca nu ca cuayá' tso'o ti' ñi'ya̱ caca cha' bi' tyempo nde loo la. Pana cu'ma̱ ni, nu lijya̱ chalyuu nde loo la ji'i̱ ngu' jyo'o bi', nchca cuayá' ti' ma̱ juani, xqui'ya cha' cua ndyuna ma̱ lcaa cha' tlyu nu ngua'ni Jesucristo. Cua ndacha' liñi ya cha' bi' ji'i̱ ma̱; chacuayá' ji'i̱ Xtyi'i ycui' Ndyosi ngulu'u ya cha' bi' ji'i̱ ma̱, cha' cua nda ycui' Ndyosi Xtyi'i ycui' Ni lijya̱ lo ya nde chalyuu. Lo'o jua'a̱ lcaa xca̱ ji'i̱ ycui' Ni nu ndi'i̱ slo Ni, lcaa ngu' bi' nti' tsa ngu' ca cuayá' ti' ngu' lcaa cha' nu ngua ji'i̱ Cristo lo'o ñaa yu nde chalyuu.

1 JUAN 4:6

Pana ñati̱ ji'i̱ ycui' Ndyosi laca na. Nu lo'o ntsu'u cha' ji'i̱ ñati̱ lo'o ycui' Ndyosi, cuna ngu' lcaa cha' nu chcui' na lo'o ngu' li'; ñati̱ nu ná ntsu'u cha' ji'i̱ lo'o ycui' Ndyosi tsiya' ti, bi' ñati̱ laca nu ná nduna cha' nu nchcui' na. Jua'a̱ taca quijeloo cha' ji'na tilaca laca nu ntsu'u cha' liñi ji'i̱, tilaca laca nu ntsu'u cha' cuiñi ji'i̱.

3 JUAN 1:14

tso'o la yala ti ca̱a̱ na' ca su ndi'i̱ nu'u̱ cha' ycui' ca na' ta na' xi cha' lo'o nu'u̱.

APOCALIPSIS 20:15

Lo'o li' xcua̱a̱ Ni ji'i̱ cua ña'a̱ ca ñati̱ nu ná nscua xtañi lo quityi ji'i̱ ycui' Ni, tyaa ngu' nde lo tayu' ca su ntsu'u quii' bi', cha' ndacha' quityi bi' tilaca laca ñati̱ nu ná nga'a̱ cha' tye chalyuu ji'i̱.

APOCALIPSIS 3:20

Cua'a̱ jyaca̱ ma̱: Cua ndyalaa na' nde slo cu'ma̱; ndu̱ ti na' nchcui' na' lo'o ma̱ juani, cha' cua ña'a̱ ca ñati̱ nu tucuá cha' 'na, tyanu na' slo ngu' bi' li'; tyi'i̱ na' slo ngu' bi', tso'o tsa tyu'u cha' jna' lo'o ngu' bi' li'.

APOCALIPSIS 7:17

Ña'a̱si̱i̱ nu ñi'ya̱ ña'a̱ xlya' bi' ji'i̱ ngu', cha' ndi'i̱ Ni la cui' ca su ntucua ycui' Ndyosi loo; bi' laca nu tsalo'o ji'i̱ ngu' su caja hitya co'o ngu' cha' caja chalyuu cucui ji'i̱ ngu' li'. Lo'o jua'a̱ xquityi Ni hitya cloo ngu' cha' nga'aa cunaa ngu' li'.