SAN JUAN 10:16 - Chatino Tataltepec

¹⁶ Tya ntsu'u la xa' ñati̱ 'na nu ndi'i̱ xa' quichi̱, nu ná stu'ba nga'a̱ lo'o taju ñati̱ re; nga'a̱ cha' tsa'a na' tsaqui'ya na' ji'i̱ ngu' bi', cha' lo'o ngu' bi' tya̱a̱ ngu' ca ne' lo'o re. Lo'o li' cuna ngu' cha' nu chcui' na' lo'o ngu'; caca ngu' sca ti taju ñati̱ 'na, lo'o jua'a̱ caca na' nu sca ti Xu'na ngu' ―nacui̱ Jesús―.

SAN JUAN 10:16 Iomraidhean Croise

SAN MATEO 17:5

Pana laja lo'o nchcui' Pedro, li' ndu'u tucua sca coo nu ngati̱ tsa ña'a̱, nu ndubi tsa ña'a̱, ngüixi̱i̱ chu̱' ngu', tyucui ña'a̱ su ndu̱ ngu'. Li' nguañi xtyi'i sca ñati̱. Hora ti ngua cuayá' ti' ngu' bi', cha' nchcui' ycui' Ndyosi lo'o ngu' laja coo bi': ―La cui' yu re laca Sñi' na', tyaca'a tsa yu 'na ―nacui̱ Ni―. Tso'o tsa ntsu'u tyiquee na' ña'a̱ na' ji'i̱ yu. Cua'a̱ tso'o jyaca̱ ma̱ ji'i̱ lcaa cha' nu chcui' Sñi' na' re lo'o ma̱.

SAN LUCAS 15:8

Nda Jesús chaca cui̱i̱ lo'o ngu' li': ―¿Ñi'ya̱ cua'ni sca nu cuna'a̱ nu ntsu'u tii tya'a cñi plata ji'i̱? Si nguna' sca cñi plata bi' ji'i̱, ¿ñi'ya̱ cua'ni li'? Nti' na' cha' cua'a̱ ma' xi quii' cha' culaja tso'o ni'i̱ bi', ña'a̱ cuayá' nu quije cñi bi' ji'i̱.

SAN JUAN 10:11

Tso'o tsa ña'a̱si̱i̱ na' ji'i̱ xlya' 'na. Ycui' ca na' tyaja'a̱ Na' caja̱a̱ cha' ná cajaa xlya' jna', cha' ntsu'u tsa tyiquee na' ña'a̱ na' ji'i̱ ngu' ―nacui̱―.

SAN JUAN 10:2

Nde to' lo'o ndyatí̱ nu laca xu'na xlya' bi'.

SAN JUAN 10:27

Ñi'ya̱ ndu'ni xlya', jua'a̱ nduna ñati̱ 'na jna' lo'o nchcui' na' lo'o ngu'. Cua nslo na' ji'i̱ ngu', cua ndya'a̱ ngu' lo'o na'.

SAN JUAN 10:3

Nslo nu ntsu'u cua̱ to' lo'o ji'i̱ xu'na xlya', bi' cha' nda chacuayá' ndyatí̱ yu bi' ne' lo'o ―nacui̱ Jesús―. Nslo xlya' xtyi'i xu'na ni'; lo'o nxi'ya yu ji'i̱ xlya' ji'i̱ ycui' ca, lijya̱ ni' slo yu, ndya'a̱ lo'o yu ji'i̱ xlya' bi' li'.

SAN JUAN 10:4

Lo'o cua ngutu'u lcaa xlya' nde liya', li' nde loo la ntyucua nu laca xu'na ni', nde chu̱' la lca'a̱ xlya' ji'i̱ yu, cha' nduna ni' lo'o nxi'ya xu'na ni' ji'i̱ ni'.

SAN JUAN 10:5

Ná ndyu'u lca'a̱ ni' ji'i̱ xa' ñati̱; lo'o nduna ni' cha' nu nchcui' xa' ñati̱ lo'o ni', xna ni' li', cha' ná nslo ni' xtyi'i xa' ñati̱.

SAN JUAN 11:52

masi cajaa Jesús cuentya ji'i̱ lcaa ñati̱ lcua ti ña'a̱ chalyuu, cha' stu'ba ti caca tyiquee lcaa ñati̱ nu jlya ti' ji'i̱ ycui' Ndyosi, ngu' nu cua ngusubi ycui' Ndyosi ji'i̱ cha' caca ngu' sñi' Ni.

SAN JUAN 17:20

’Si'i sca ti ji'i̱ ngu' nu cua ngusñi cha' 'na chcui' na' lo'o nu'u̱ ―nacui̱ Jesús ji'i̱ ycui' Ndyosi Sti yu―, lo'o chcui' na' cha' ji'i̱ lcaa ñati̱ nu xñi cha' jna' ca tiya' la, nu lo'o chcui' ngu' lo'o ñati̱ bi'; lo'o cha' ji'i̱ ñati̱ bi' chcui' na' lo'o nu'u̱ juani ―nacui̱―.

SAN JUAN 6:37

Lcaa ñati̱ nu cua nda Sti na' jna', ngu' nu ngusñi cha' jna' ni, caca ngu' bi' ñati̱ 'na li'. Tucuá na' cha' ji'i̱ ngu' bi', ná culo'o na' ji'i̱ ngu' cha' tyaa ngu' chaca se'i̱.

LOS HECHOS 15:14

Cua nchcui' Simón Pedro lo'o na ñi'ya̱ nu ngua'ni ycui' Ndyosi tya clyo, nu lo'o nguxana ndyuna ngu' xa' tsu' cha' ji'i̱ Ni. Li' nguxana Ni ngusubi Ni ji'i̱ tyu̱u̱ tya'a ñati̱ bi', cha' lo'o ngu' bi' caca ngu' ñati̱ ji'i̱ ycui' Ndyosi.

LOS HECHOS 18:10

Ndi'i̱ na' lo'o nu'u̱ cha' xtyucua na' jinu'u̱, bi' cha' nga'aa caca xñi ngu' jinu'u̱ cha' xcube' ngu' hi̱. Lo'o jua'a̱ ntsu'u tsa ngu' quichi̱ re nu taca xñi ngu' cha' jna' nde loo la, si ta nu'u̱ cha' lo'o ngu'.

LOS HECHOS 22:14

“Ycui' Ndyosi nu ngua'ni tlyu sti na ji'i̱, bi' laca nu ngusubi jinu'u̱ cua sa'ni la”, nacui̱ Ananías jna'. “Ngusubi ycui' Ni jinu'u̱ cha' ca cuayá' ti' nu'u̱ ña'a̱ cha' nu nti' ycui' Ni, cha' ña'a̱ nu'u̱ ji'i̱ ycui' nu liñi ca, cha' cuna nu'u̱ cha' nu chcui' Ni lo'o nu'u̱”, nacui̱ jna'.

ROMANOS 11:25

Cu'ma̱ ngu' tya'a ntsu'u cha' ji'na lo'o Cristo, nti' na' cha' caca cuayá' ti' ma̱ cha' tucui re, sca cha' ji'i̱ ycui' Ndyosi nu ntsu'u cuatsi' ti nquicha'; lo'o caca cuayá' ti' ma̱ cha' re, nga'aa chcui' ma̱ cha' tyixi lo'o ngu' judío li'. Ndi'ya̱ laca cha': Quiña'a̱ tsa tya'a ngu' judío ntsu'u nu ndyacu̱' hique ngu' tsiya' ti, cha' ná caca cuna ngu' cha' ji'i̱ Jesús; ña'a̱ cuayá' nu tye cuna lcaa ngu' xa' tsu' nu nga'a̱ cha' xñi cha' ji'i̱ Jesús,

2 TESALONICENSES 2:13

Cu'ma̱ tya'a ngusñi na cha' ji'i̱ Jesús, ntsu'u tsa tyiquee ycui' nu Xu'na na ña'a̱ Ni ji'i̱ ma̱. Lo'o jua'a̱ ntsu'u cha' tya ya xlya'be ji'i̱ ycui' Ndyosi xqui'ya cu'ma̱, cha' ngusubi Ni ji'i̱ ma̱ tya lo'o nguxana ti chalyuu cha' cua'ni lyaá Ni ji'i̱ ma̱; bi' cha' ngua'ni Xtyi'i ycui' Ni cha' ngua lubii cresiya ji'i̱ ma̱ lo'o ngusñi ma̱ cha' tso'o ji'i̱ ycui' Ndyosi.

HEBREOS 13:20

Ycui' Ndyosi laca nu ngua'ni cña cha' ndyu'ú Jesucristo nu Xu'na na chaca quiya' lo'o ngujuii. Lo'o juani laca Jesús loo, cha' ña'a̱si̱i̱ Ni ji'na nu laca na ñati̱ ji'i̱ Ni, xqui'ya cha' ngujuii Ni cuentya ji'na. Nu lo'o ngujuii Jesús, li' ngüiñi cha' ji'i̱ Ni lo'o lcaa ñati̱ ji'i̱ Ni, sca cha' cucui nu ná nga'a̱ cha' tye tsiya' ti.

1 PEDRO 2:10

Nu juani laca ma̱ ñati̱ ji'i̱ ycui' Ndyosi, masi nu ngua tya tsubi' la ná ntsu'u cha' ji'i̱ ma̱ lo'o ycui' Ndyosi tsiya' ti. Lo'o jua'a̱ cua nchca cuayá' ti' ma̱ juani cha' ndyu'ni tya'na tsa ti' Ni ji'i̱ ma̱, masi tya tsubi' la ná nchca cuayá' ti' ma̱ cha' ji'i̱ ycui' Ndyosi tsiya' ti.

1 PEDRO 2:25

Lo'o juani nga'aa ndya'a̱ yu'u ti ma̱, ñi'ya̱ ndya'a̱ yu'u xlya'; na cua nguxtyu̱u̱ ma̱ ñaa ma̱ ca su nga'a̱ ycui' nu Xu'na ma̱ nu ña'a̱si̱i̱ ji'i̱ cresiya ji'i̱ ma̱.

1 PEDRO 5:4

Nu lo'o tyu'u tucua ycui' nu Xu'na na, li' ta Ni na tso'o nu tyacua ji'i̱ ma̱. Ná nga'a̱ cha' tye tsiya' ti na nu ta Ni ji'i̱ lcaa na nu ntsu'u cña ji'na cha' ña'a̱si̱i̱ na ji'i̱ taju ñati̱ ji'i̱ Ni; si'i ñi'ya̱ nti' ngana nu caja ji'na lo'o ndyu'ni na cña nde chalyuu nu yala ti tye bi'.

APOCALIPSIS 3:20

Cua'a̱ jyaca̱ ma̱: Cua ndyalaa na' nde slo cu'ma̱; ndu̱ ti na' nchcui' na' lo'o ma̱ juani, cha' cua ña'a̱ ca ñati̱ nu tucuá cha' 'na, tyanu na' slo ngu' bi' li'; tyi'i̱ na' slo ngu' bi', tso'o tsa tyu'u cha' jna' lo'o ngu' bi' li'.