SAN JUAN 10:12 - Chatino Tataltepec

¹² Sca msu ti ni, ná ña'a̱si̱i̱ tso'o ji'i̱ xlya', xna yu lo'o ña'a̱ yu cha' lijya̱ bo'o. Si'i ycui' yu nu laca loo ji'i̱ xlya', si'i ycui' yu nu ca ji'i̱ ni', nti' yu. Bi' cha' caca lya' ti' bo'o ji'i̱ taju xlya' bi', li' tyijyu' cañi xlya' xna ni' ―nacui̱ Jesús―.

SAN JUAN 10:12 Iomraidhean Croise

SAN MATEO 10:16

’Cua'a̱ jyaca̱ ma̱ 'na: Ta na' ji'i̱ ma̱ cha' tsaa ma̱ xa' quichi̱ ñi'ya̱ si laca ma̱ xlya' nu ndya'a̱ laja bo'o tyaala; bi' cha' tii ti ti' ma̱ tya'a̱ ma̱ laja ñati̱, ñi'ya̱ nti' ndya'a̱ cuaña nu tii tsa ti'. Tso'o ti tya'a̱ ma̱, ná cua'ni tyaala ma̱ ji'i̱ ngu' tsiya' ti. Caca ma̱ ñi'ya̱ laca paloma, cha' masu tsa ni', ná tyaala ni' tsiya' ti.

SAN MATEO 7:15

’Lo'o chaca cha' ni: cua'ni tii ti' ma̱ ña'a̱ ma̱ ji'i̱ ngu' cuiñi nu nchcui' cuiñi ti cha' cuentya ji'i̱ ycui' Ndyosi nclu'u ngu' cha' ji'i̱ ma̱. Sca na'ni tso'o laca nu naa xlya'; lo'o nu ngu' cuiñi bi' ni, nti' ngu' cha' culacua ti' ma̱ cha' ñati̱ tso'o laca ngu' ñi'ya̱ laca xlya'. Tso'o tsa nchcui' ngu' bi' lo'o ma̱, tso'o tsa ndu'ni ngu' lo'o ma̱; pana cha' cuiñi laca nu nchcui' cha' tso'o tsa ngu' bi', cha' tyaala tsa ngu', cuiñi tsa ngu' bi'. Si'i ñi'ya̱ laca xlya' laca ngu' bi'; ñi'ya̱ laca sca bo'o nu tyaala tsa, jua'a̱ laca ngu' bi'.

SAN JUAN 10:13

Nxna msu tyijyu' cha' ne' xña ti ji'i̱ ngu' ndya'a̱ yu, si'i na ji'i̱ yu laca xlya' bi'.

SAN JUAN 10:2

Nde to' lo'o ndyatí̱ nu laca xu'na xlya' bi'.

SAN JUAN 10:3

Nslo nu ntsu'u cua̱ to' lo'o ji'i̱ xu'na xlya', bi' cha' nda chacuayá' ndyatí̱ yu bi' ne' lo'o ―nacui̱ Jesús―. Nslo xlya' xtyi'i xu'na ni'; lo'o nxi'ya yu ji'i̱ xlya' ji'i̱ ycui' ca, lijya̱ ni' slo yu, ndya'a̱ lo'o yu ji'i̱ xlya' bi' li'.

LOS HECHOS 20:29

Jlo ti' na' cha' nu lo'o nga'aa ndya'a̱ na' ca nde, li' ca̱a̱ ñati̱ cuiñi cha' cua'ni ñu'u̱ ji'i̱ taju ñati̱ tya'a ma̱; ñi'ya̱ ndu'ni tyaala bo'o ji'i̱ sca taju xlya', jua'a̱ cua'ni ñu'u̱ nu ngu' cuiñi bi' ji'i̱ taju ñati̱ tya'a ndya'a̱ ma̱.

1 TIMOTEO 3:3

Ná caca yu cña bi' si cu'bi yu, si xu̱u̱ tya'a yu lo'o ñati̱; nga'a̱ cha' talo tyiquee yu ji'i̱ tya'a ñati̱ yu, cha' ná caja tya'a cusu̱u̱ yu. Ná tso'o cha' jña yu cñi ji'i̱ tya'a ñati̱, cha' caca culiya' tsa ycui' ca yu.

1 TIMOTEO 3:8

Lo'o jua'a̱ ñati̱ nu laca cña ji'i̱ ngu' tya'a ngusñi na cha' ji'i̱ Jesús ni, lo'o ngu' bi' ntsu'u cha' cua'ni ngu' xcui' cha' tso'o. Ná tso'o si tucua cha' ntsu'u tyiquee ngu' bi' lo'o ndu'ni ngu' cña bi'; ná tso'o si cu'bi ngu' bi', ni ná tso'o si jña ngu' bi' cñi ji'i̱ tya'a ñati̱ cha' caca culiya' tsa ycui' ca ngu'.

2 TIMOTEO 4:10

Cua nguxtyanu Demas 'na xqui'ya cha' ndiya la ti' yu ji'i̱ cha' cuxi nu ntsu'u chalyuu, ndyaa yu ca quichi̱ Tesalónica. Nda na' ji'i̱ Crescente ndyaa ca Galacia, jua'a̱ nda na' ji'i̱ Tito ndyaa ca Dalmacia;

TITO 1:7

Lo'o jua'a̱ ngu' nu caca loo ji'i̱ taju ñati̱ tya'a na ni, ná tso'o si ntsu'u cha' sta ñati̱ qui'ya ji'i̱ ngu' bi', cha' cña ji'i̱ ycui' Ndyosi ndyu'ni ngu' bi'. Bi' cha' clyana nu'u̱ ji'i̱ ngu' nu ná ndu'ni tyucuaa ti' ji'i̱ tya'a ngu', ngu' nu ná ñasi̱', ngu' nu ná cu'bi, ngu' nu ná ntsu'u cha' cusu̱u̱ lo'o tya'a ñati̱, ngu' nu ná ndacui tsa ti' ji'i̱ cñi;

1 PEDRO 5:2

Ntsu'u cha' ña'a̱si̱i̱ tso'o ma̱ ji'i̱ lcaa ngu' tya'a ma̱, ña'a̱ taju ngu' tya'a ma̱ ca su laca ma̱ loo ji'i̱ ngu'. Ñi'ya̱ nti' xlya', jua'a̱ laca ngu' bi'; ñi'ya̱ nti' ñati̱ nu ña'a̱si̱i̱ ji'i̱ xlya', jua'a̱ laca na, ngu' cusu' tya'a na. Nga'a̱ cha' xtyucua na ji'i̱ ngu' tya'a na cha' tyanu tachaa la cha' ji'i̱ Cristo tyiquee ngu'. Tyucui tyiquee ma̱ cua'ni ma̱ cña bi', cha' jua'a̱ nti' ycui' Ndyosi cha' cua'ni na; ná tso'o si ntsu'u cha' tatsaa ngu' tya'a ma̱ ji'i̱ ma̱ cha' cua'ni ma̱ cña bi'. Lo'o jua'a̱ ná tso'o si quiña'a̱ tsa caya' xñi ma̱ ji'i̱ ngu' cha' cua'ni ma̱ cña bi', pana tso'o la si tyucui tyiquee ma̱ cua'ni ma̱ cña bi' cuentya ji'i̱ ycui' Ndyosi.

2 PEDRO 2:3

Lo'o jua'a̱ ndacui tsa ti' ngu' cuiñi bi' ji'i̱ na nu ntsu'u ji'i̱ ma̱; nti' tsa ngu' cua'ni ngu' ngana ji'i̱ ma̱, bi' cha' tajua' ti chcui' ngu' cha' cuiñi ti lo'o ma̱. Pana ntsu'u cha' xcube' Ni ji'i̱ ngu' cuiñi bi', cha' cua sa'ni cua nchcui' Ni cha' ná tso'o cua'ni ngu' cha' cuxi jua'a̱. Si'i na laja' ycui' Ni; jlo ti' Ni ñi'ya̱ ndu'ni ngu' cuiñi bi', lo'o jua'a̱ cua'ni tye Ni ji'i̱ ngu' bi' yala ti.