SAN JUAN 1:51 - Chatino Tataltepec

⁵¹ Lo'o li' nacui̱ Jesús ji'i̱ ngu': ―Ta na' sca cha' liñi lo'o ma̱ juani ―nacui̱ yu―. Nde loo la ña'a̱ ma̱ cha' tyucua yaala ca su ntucua ycui' Ndyosi nde cua̱. Li' caca cuayá' ti' ma̱ cha' cua nda Ni 'na lijya̱a̱ cha' caca na' ñati̱ chalyuu. Lo'o ca su tyu̱ na' bi', ca bi' ña'a̱ ma̱ ji'i̱ ngu' xca̱ nu ndi'i̱ slo ycui' Ndyosi; tya'a̱ ngu' bi', tyacui̱ ngu' bi' nde cua̱, ca'ya ngu' bi' nde su tyu̱ na'.

SAN JUAN 1:51 Iomraidhean Croise

SAN MATEO 25:31

’Nu lo'o tya̱a̱ na' nu cua nda Ni 'na lijya̱a̱ cha' caca na' ñati̱, ca̱a̱ na' cha' caca na' loo tsiya' ti ji'i̱ ñati̱. Stu'ba ti ca̱a̱ na' lo'o lcaa ngu' xca̱ 'na, lo'o li' tyaca'a̱ na' su tlyu su cua cua̱ la xi, sca se'i̱ su ndubi tsa ña'a̱ laca bi'. Ca bi' cua'ni cuayá' na' ji'i̱ lcaa ñati̱ li'.

SAN MATEO 26:24

Ñi'ya̱ nu nscua lo quityi ji'i̱ ycui' Ni, jua'a̱ nga'a̱ cha' caca 'na, na' nu cua nda Ni 'na lijya̱a̱ cha' caca na' ñati̱. Pana tya'na tsa ñati̱ nu ta 'na ya' ngu' xña'a̱, tso'o la ngua ji'i̱ yu masi ná ngula yu chalyuu tsiya' ti.

SAN MATEO 3:16

Lo'o cua ngua cha' bi', ndu'u Jesús lo hitya, li' cua ndyaala tyucui̱i̱ nde cua̱. Lo'o li' na'a̱ Jesús cha' ngua'ya Xtyi'i ycui' Ndyosi lo; ñi'ya̱ nda'ya sca tyupe' lo yuu, jua'a̱ ngua'ya Xtyi'i ycui' Ni lo Jesús.

SAN MATEO 4:11

Li' ndu'u xu'na cuiñaja ndyaa. Li' ndu'u tucua xca̱ ji'i̱ ycui' Ndyosi cha' xtyucua ngu' ji'i̱ Jesús, cha' ta ngu' xi juersa ji'i̱ yu.

SAN MATEO 8:20

Nguxacui̱ Jesús cha' ji'i̱ mstru bi' li': ―Nu naa cuatya' ni, ne' xtyuu ni' ndyu'ú ni'; lo'o jua'a̱ quiñi sube, ne' xlyati̱ ndyu'ú ni'. Pana na' ni, cua nda Ni 'na lijya̱a̱ chalyuu re cha' caca na' ñati̱, lo'o jua'a̱ ná ntsu'u su xtyii na' caja' na', ná ntsu'u su chca'a̱ cña' na'.

SAN MATEO 9:6

Ntsu'u cha' ca cuayá' ti' ma̱ cha' ntsu'u chacuayá' 'na cuentya ji'i̱ ycui' Ndyosi cha' cuityi̱ na' qui'ya nu ntsu'u ji'i̱ ñati̱ chalyuu, cha' nu cua nda Ni 'na lijya̱a̱ cha' caca̱ ñati̱. Ca cuayá' ti' ma̱ lo'o ña'a̱ ma̱ cha' tyaca tso'o nu quicha re juani. Li' xa' nchcui' Jesús lo'o nu quicha bi': ―Tyatu̱ nu'u̱ ―nacui̱ Jesús ji'i̱―, xñi ji'i̱ catya̱ jinu'u̱ cha' tsaa lo'o ji'i̱ ca to' tyi.

SAN MARCOS 1:10

Lo'o cua tyu'u ti Jesús lo hitya, li' na'a̱ cha' cua ndyaala tyucui̱i̱ nde cua̱. Li' ngua'ya Xtyi'i ycui' Ndyosi su ndu̱ Jesús; ñi'ya̱ ndyacui sca tyupe', jua'a̱ ngua'ya Xtyi'i ycui' Ndyosi lo Jesús li'.

SAN MARCOS 14:62

―Chañi cha' nu nda ma̱, na' laca̱ nu bi' ―nacui̱ Jesús ji'i̱ ngu' li'―. Lo'o jua'a̱ nde loo la ña'a̱ ma̱ 'na nu cua nda Ni 'na lijya̱a̱ cha' caca na' ñati̱; ña'a̱ ma̱ 'na lo'o ntucua na' la'a tsu' cui̱ su tlyu bi', ca su ntucua ycui' Ndyosi Sti na' nu lcaa tsiya' ti cña nchca ji'i̱ Ni; ña'a̱ ma̱ 'na lo'o ca̱a̱ na' chaca quiya' laja coo nde cua̱ li'.

SAN LUCAS 2:13

Lo'o ndye nchcui' xca̱ bi' lo'o ngu', li' nde cua̱ ndu'u tucua chaca taju xca̱ nu quiña'a̱ la nu ndu'u nde slo ycui' Ndyosi; tso'o tsa ndyu'ni tlyu xca̱ bi' ji'i̱ ycui' Ndyosi. Ndi'ya̱ nchcui' ngu' xca̱ bi' lo'o ngu':

SAN LUCAS 2:9

Tsiya' ca ndu'u tucua sca xca̱ ji'i̱ ycui' Ndyosi su ndi'i̱ ngu' ca bi'; jua'a̱ ngujui'i̱ sca xee tlyu su ndi'i̱ ngu' bi', xee ji'i̱ ycui' Ndyosi laca bi'. Ndyutsi̱i̱ tsa ngu' li'.

SAN LUCAS 22:43

Li' ndu'u tucua sca xca̱ nu ngutu'u slo ycui' Ndyosi nde cua̱, cha' ta la juersa ji'i̱ Jesús.

SAN LUCAS 22:69

Pana nde loo la tyucua na' nu lijya̱a̱ cha' caca na' ñati̱, tyucua na' nde la'a tsu' cui̱ ji'i̱ ycui' Ndyosi nu lcaa tsiya' ti cña nchca ji'i̱ Ni.

SAN LUCAS 24:4

Ndyutsi̱i̱ tsa ngu' li', nga'aa jlo ti' ngu' ñi'ya̱ nu cua'ni ngu'. Li' na'a̱ ngu' cha' ndu̱ tucua tya'a nu qui'yu slo ngu'; ndubi tsa ña'a̱ late' lacu' nu ngu' qui'yu bi'.

SAN LUCAS 3:21

Nu lo'o tya lyiji tsaa Juan bi' ne' chcua̱, tya ndu̱ yu to' sta'a̱ ntyucuatya yu ji'i̱ quiña'a̱ tsa ñati̱, li' ndyalaa Jesús slo cha' tyucuatya Juan ji'i̱. Laja lo'o ntyucuatya yu ji'i̱ Jesús, li' nchcui' Jesús lo'o ycui' Ndyosi; ndyaala tyucui̱i̱ ca nde cua̱ li'.

SAN JUAN 1:50

Lo'o li' nguxacui̱ Jesús cha' ji'i̱ Natanael: ―¿Ha bi' cha' jlya ti' nu'u̱ jna' ―nacui̱ yu―, xqui'ya cha' cua nchcui' na' lo'o nu'u̱ cha' cua na'a̱ na' jinu'u̱ ca ne' yaca quityi bi'? ―nacui̱―. Cha' xca ti laca bi', tonu la cha' ña'a̱ nu'u̱ nde loo la.

SAN JUAN 10:1

’Ta na' sca cha' liñi lo'o ma̱ juani ―nacui̱ Jesús ji'i̱ ngu' judío li'―. Tachaa tsa ndya' lo'o su ndyi'i̱ xlya' talya. Lo'o ndya'a̱ ngu' ne' lo'o bi', sca ti to' lo'o nga'a̱ cha' tyatí̱ ngu'. Nu cuaana laca nu ndyacuí̱ que lo'o, ndyatí̱ chaca se'i̱ li' ―nacui̱ Jesús―.

SAN JUAN 10:7

Lo'o li' nchcui' Jesús lo'o ngu' chaca quiya': ―Liñi tsa cha' nu nda na' lo'o ma̱ ―nacui̱ Jesús―. Ycui' ti na' laca̱ to' lo'o bi', cha' nchca'a̱ na' to' lo'o su ndyatí̱ ni'.

SAN JUAN 13:16

Cha' liñi nchcui' na' lo'o cu'ma̱, cha' ñati̱ nu laca xu'na ngu', bi' laca loo ji'i̱ ngu', si'i msu nu laca loo; ñati̱ nu nclyo cña ji'i̱ nu tsaa lquichi̱, bi' laca loo, si'i nu ndya'a̱ lquichi̱ ti.

SAN JUAN 13:38

―¿Ha chañi hi̱ cha' tyaja'a̱ nu'u̱ cajaa cha' clyaá na'? ―nacui̱ Jesús ji'i̱―. Liñi tsa cha' nu ta na' lo'o nu'u̱ juani: Lo'o tya lyiji ti xi'ya ndye'e nde tlya, sna quiya' xacui̱ nu'u̱ cha' ji'i̱ ngu' cha' ná nslo nu'u̱ 'na.

SAN JUAN 14:12

Liñi tsa cha' nu ta na' lo'o ma̱ juani, cha' lcaa ñati̱ nu xñi cha' jna', taca cua'ni ngu' la cui' ña'a̱ cña tonu nu ndu'ni ycui' na'; lo'o jua'a̱ tlyu la cña caca cua'ni ngu' bi' li', cha' cua tya'a ti na' ca su ndi'i̱ ycui' Ndyosi Sti na' ―nacui̱ Jesús―.

SAN JUAN 16:20

Liñi tsa cha' nu ta na' lo'o ma̱ juani ―nacui̱ Jesús ji'i̱ ngu' bi' li'―, cha' chañi xi'ya ma̱, chañi cunaa ma̱ nu lo'o cua ndya'a na', masi chaa ti' xa' la ñati̱ chalyuu. Pana ná cube tsa ti' ma̱, masi xñi'i̱ ti' ma̱; caca chaa ti' ma̱ lo'o tyu'ú na' chaca quiya' li'.

SAN JUAN 16:23

’Nu lo'o tyalaa tyempo bi', nga'aa si'i jna' jña ma̱ sca cha' ―nacui̱ Jesús―. Liñi tsa cha' nu ta na' lo'o ma̱, cha' lcaa cha' nu jña ma̱ ji'i̱ ycui' Ndyosi Sti na' chacuayá' 'na, ta Ni cha' bi' ji'i̱ ma̱ ―nacui̱―.

SAN JUAN 21:18

Liñi tsa cha' nu ta na' lo'o nu'u̱ juani, cha' nu lo'o ngua cuañi' nu'u̱ ni ―nacui̱ Jesús―, li' ngua ji'i̱ ycui' ca nu'u̱ sca̱' nu'u̱ juata ndi'i̱ sii' nu'u̱, ngua jinu'u̱ tsaa macala su nti' nu'u̱ tsaa li'; pana lo'o casu' nu'u̱, li' xquiñi nu'u̱ scu̱ cha' sca̱' tachaa ngu' xa' chalyuu jinu'u̱, li' tsaa lo'o ngu' jinu'u̱ macala su ná nti' nu'u̱ tsaa.

SAN JUAN 3:3

Li' nchcui' Jesús lo'o: ―Liñi tsa cha' nu ta na' lo'o nu'u̱ juani: ndu'ni ycui' Ndyosi Sti na' cha' cala ñati̱ chaca quiya', si nti' ngu' xñi ngu' cha' ji'i̱ ycui' Ni cha' caca Ni loo ne' cresiya ji'i̱ ngu' ―nacui̱.

SAN JUAN 3:5

―Ta na' sca cha' liñi lo'o nu'u̱ juani ―nacui̱ Jesús―. Ñati̱ laca nu nclya lo'o ndu'ni cala ñati̱ chalyuu ji'i̱, pana Xtyi'i ycui' Ndyosi laca nu ndu'ni cha' cha'a̱ cresiya ji'i̱ ngu' ―nacui̱ Jesús―. Ntsu'u cha' caca cucui cresiya ji'i̱ ma̱ si cua nti' ma̱ cha' culo ycui' Ndyosi cña ji'i̱ ma̱. Ntsu'u cha' tyu'u ma̱ lo hitya, lo'o jua'a̱ ntsu'u cha' tyanu Xtyi'i ycui' Ndyosi ne' cresiya ji'i̱ ma̱ ―nacui̱ Jesús ji'i̱ Nicodemo―.

SAN JUAN 5:19

Li' nguxacui̱ Jesús cha' ji'i̱ ngu' judío bi': ―Ta na' sca cha' liñi lo'o ma̱ juani ―nacui̱ yu―. Ná sca cña caca cua'ni na' ycui' ti na', na' nu laca̱ Sñi' ycui' Ndyosi. Ñi'ya̱ cña nu ña'a̱ na' cha' ndu'ni Sti na', jua'a̱ ti cña ndu'ni na' ―nacui̱―.

SAN JUAN 5:27

Lo'o jua'a̱ ntsu'u chacuayá' jna' cha' cua'ni cuayá' na' ji'i̱ ñati̱ chalyuu, xqui'ya cha' cua lijya̱ na' chalyuu laca na' ñati̱.

SAN JUAN 6:26

Li' nda Jesús sca cha' lo'o ngu': ―Ndube tsa ti na' cha' cua lijya̱ ma̱ yaana ma̱ jna' xqui'ya cha' nda na' xlyá nu ndyacu ma̱ tsubi' ti ―nacui̱―. Nguaala' ti' ma̱ lo'o ndyacu ma̱ li'. Chañi cha' xqui'ya cha' bi' lijya̱ ma̱ yaana ma̱ jna', si'i xqui'ya cña tonu nu ngua'ni na' cuentya ji'i̱ ycui' Ndyosi.

SAN JUAN 6:32

Li' nchcui' Jesús lo'o ngu' chaca quiya': ―Liñi tsa cha' nu nchcui' na' lo'o ma̱ juani: Ycui' Ndyosi Sti na' laca nu ta cha' tso'o nu cacu ma̱, la cui' cha' bi' laca nu ndyu'u nde su ndi'i̱ ycui' Ni; si'i la cui' cha' ñi'ya̱ nu nda jyo'o Moisés ndyacu ngu' cua sa'ni ―nacui̱―.

SAN JUAN 6:47

Liñi tsa cha' nu nda na' lo'o ma̱ juani, cha' ñati̱ nu ngusñi cha' ji'i̱ ycui' Ndyosi ni, cua laca ngujui chalyuu nu ná nga'a̱ cha' tye ji'i̱ ngu' ―nacui̱―.

SAN JUAN 6:53

Li' nguxacui̱ Jesús cha' ji'i̱ ngu': ―Liñi tsa cha' nu nda na' lo'o ma̱ juani ―nacui̱―, ná taca ca tso'o cresiya ji'i̱ ma̱ si ná caja lcaa cha' nu ji'i̱ ycui' na' ji'i̱ ma̱, na' nu cua lijya̱a̱ chalyuu cha' caca na' ñati̱. Nga'a̱ cha' tyatí̱ cha' bi' ne' cresiya ji'i̱ ma̱, ñi'ya̱ si cacu ma̱, si co'o ma̱ sca na ―nacui̱ Jesús―.

SAN JUAN 8:34

―Liñi tsa cha' ta na' lo'o ma̱ juani ―nacui̱ Jesús li'―, cha' cua laca ntsu'u xu'na ñati̱ chalyuu, lcaa ca ñati̱ nu ntsu'u qui'ya ji'i̱ ngu'.

SAN JUAN 8:51

Lo'o chañi tsa cha' nu ta na' lo'o cu'ma̱ ndi'ya̱: Lo'o taquiya' ngu' ji'i̱ cha' nu nclyu'u na' ji'i̱ ngu', ná tye chalyuu tso'o nu ta na' ji'i̱ ngu' bi', masi cajaa ngu'.

SAN JUAN 8:58

―Liñi tsa cha' nu nchcui' na' lo'o cu'ma̱ juani ―nacui̱ Jesús―, cha' cua laca lu'ú na' lo'o ngula jyo'o Abraham bi'.

LOS HECHOS 10:11

Laca cha' nxña'a̱ yu nde cua̱, na'a̱ yu ngusaala ycui' Ndyosi nde cua̱; ngutacui ñi'ya̱ nti' sca tasá tlyu tsa nu ndyaaca̱' ju̱u̱ ca ta'a jacua jyaca̱, lijya̱ ndati'i̱ tasá bi' lo yuu. Jua'a̱ ña'a̱ nti' yu.

LOS HECHOS 7:56

―Ña'a̱ ma̱ yi'a̱ ―nacui̱ Esteban ji'i̱ ngu' li'―, cua ngusaala ycui' Ndyosi nde cua̱ ―nacui̱―. Cua na'a̱ na' ji'i̱ ycui' nu nda Ni ji'i̱ lijya̱ cha' laca yu ñati̱, ndu̱ yu la'a tsu' cui̱ ca su ntucua ycui' Ndyosi.

2 TESALONICENSES 1:7

Nga'aa cua'ni lya' ti' ngu' ji'na tsiya' ti lo'o tyu'u tucua ycui' Jesús nu Xu'na na nde cua̱. Laja xee tlyu tya̱a̱ Jesús li'; stu'ba ti ca̱a̱ Ni lo'o quiña'a̱ tsa ngu' xca̱ ji'i̱ Ni, cha' tlyu tsa cña nchca ji'i̱ xca̱ bi' nu ndu'ni ngu' cuentya ji'i̱ ycui' Ndyosi.

2 TESALONICENSES 1:9

Chañi cha' xcube' Ni ji'i̱ ngu' bi'; nga'aa ña'a̱ ngu' bi' ji'i̱ ycui' nu Xu'na na tsiya' ti, nga'a̱ cha' tsaa ngu' ca su ná nga'a̱ cha' tye cha' chcube' ngu'. Nga'aa ña'a̱ ngu' bi' xee ndubi ji'i̱ ycui' Ni li', nga'aa ña'a̱ ngu' ji'i̱ ycui' Ndyosi nu nchca ji'i̱ ndu'ni lcaa cña tsiya' ti.

1 TIMOTEO 3:16

Chañi cha' tlyu tsa cha' tso'o ji'i̱ Jesucristo nu ngusñi na. Ndi'ya̱ nchcui' cha' bi': Nu ngua sa'ni la ni, ni sca ñati̱ ná ngua cuayá' ti' ñi'ya̱ cua'ni lyaá ycui' Ndyosi ji'i̱ ngu'; pana nu juani jlo ti' na, xqui'ya cha' ngula Jesucristo chalyuu, cha' ngua ycui' Ni sca ñati̱. Lo'o jua'a̱ nchcui' Xtyi'i ycui' Ni cha' ji'i̱ yu, cha' sca ñati̱ nu lubii tsa laca yu; cua na'a̱ xca̱ ji'i̱ ycui' Ndyosi ji'i̱ Jesús, nu ñati̱ lubii bi'. Li' nclyu'u ngu' cha' ji'i̱ Jesucristo bi' ji'i̱ ñati̱ ca quiña'a̱ tsa quichi̱ tyucui ña'a̱ chalyuu; ngusñi ñati̱ lcaa quichi̱ cha' nu nchcui' ngu' ji'i̱ Ni li'. Cua ndyaa Jesús ca slo ycui' Ndyosi Sti na nde cua̱, lo'o juani tlyu tsa laca Jesús cajua.

HEBREOS 1:14

Lcaa nu laca xca̱ ji'i̱ ycui' Ndyosi nde cua̱ ni, lcaa tsa̱ ndu'ni bi' cña nu nclyo ycui' Ndyosi ji'i̱; cui'i̱ nu tso'o tsa laca nu ngu' xca̱ bi'. Nda Ni ji'i̱ ngu' xca̱ bi' ca̱a̱ nde chalyuu, cha' xtyucua ngu' ji'i̱ ca ta'a ñati̱ nu cua clyaá ti ji'i̱ nu cuxi xqui'ya Jesús, cha' cua ngulala ti tye chalyuu.

JUDAS 1:14

Cua sa'ni tsa nchcui' jyo'o Enoc ñi'ya̱ nu caca ji'i̱ ngu' cuiñi nu ndu'ni jua'a̱. Cua ndya'a ca'yu latya sñi' ste' jyo'o Adán, lo'o li' ngula nu Enoc nu ngua tu'ba ji'i̱ ycui' Ndyosi cha' chcui' Ni lo'o ñati̱ nu ngua sa'ni. Ndi'ya̱ nchcui' Enoc bi': “Cua na'a̱ na' ji'i̱ ycui' nu Xu'na na, cha' lijya̱ Ni lo'o tyu̱u̱ tsa tya'a mil xca̱ ji'i̱ ycui' Ni,

APOCALIPSIS 19:11

Lo'o li' na'a̱ na' cha' ntucua yaala to' tyuu ni'i̱ ca su ntucua ycui' Ndyosi; ca bi' ndu̱ sca cuayu ngati̱, jua'a̱ ntucua sca ñati̱ hichu̱' ni'. Nacui̱ lcaa ngu' ca su ntucua ycui' Ndyosi cha' ñati̱ tso'o laca nu bi', cha' chañi tsa laca cha' nu nchcui' Ni lo'o ñati̱. Liñi tsa cha' nu nda Ni lo'o ndyu'ni cuayá' Ni ji'i̱ ñati̱. Liñi tsa ndu'ni Ni lo'o ñati̱ lo'o ndya'a̱ Ni cusu̱u̱.

APOCALIPSIS 4:1

Li' nguxña'a̱ na' nde cua̱, na'a̱ na' cha' ntucua yaala sca toni'i̱ ca bi'. Li' xa' nguañi nchcui' nu ñati̱ nu cua nchcui' lo'o na' tsaca quiya' nu ngua tya tsa̱ la; ñi'ya̱ ndañi nclya'á cui'chcua̱, jua'a̱ nxi'ya nu bi' nchcui' lo'o na'. Ndi'ya̱ nchcui' nu bi' lo'o na' li': ―Tyacuí̱ clya nu'u̱ ca nde, culu'u na' jinu'u̱ lcaa cha' nu nga'a̱ cha' caca tyempo nde loo la.