SAN JUAN 1:47 - Chatino Tataltepec

⁴⁷ Lo'o na'a̱ Jesús cha' lijya̱ Natanael slo, li' nacui̱: ―Nde cua lijya̱ sca ngu' Israel nu chañi cha' ndyu'ni tlyu ji'i̱ ycui' Ndyosi. Ná ntsu'u cha' cuiñi ji'i̱ yu jua tsiya' ti.

SAN JUAN 1:47 Iomraidhean Croise

SAN JUAN 2:25

Ná ntsu'u cha' cacha' xa' ñati̱ ji'i̱ yu ñi'ya̱ ntsu'u cresiya ji'i̱ scaa ngu', cha' jlo tsa ti' ycui' ca yu ñi'ya̱ ntsu'u cresiya ji'i̱ lcaa ñati̱.

SAN JUAN 4:16

Li' nchcui' Jesús lo'o nu cuna'a̱ bi': ―Yaa clya nu'u̱ yaaqui'ya ji'i̱ clyo'o cha' ca̱a̱ ca nde.

SAN JUAN 8:31

Lo'o li' nda Jesús cha' lo'o ngu' judío nu jlya ti' ji'i̱ yu. ―Lo'o tyanu cha' nu nclyu'u na' ji'i̱ ma̱ ne' cresiya ji'i̱ ma̱, cha' ji'i̱ ycui' Ndyosi bi', li' chañi cha' laca ma̱ ñati̱ nu ndyaca tsa'a̱ jna' ―nacui̱ Jesús ji'i̱ ngu'―.

SAN JUAN 8:39

Li' nguxtyacui ngu' cha' lo'o Jesús: ―Jyo'o Abraham bi' ngua jyo'o cusu' ji'i̱ ya, nu nguti'i̱ cua sa'ni la ―nacui̱ ngu'. ―Si chañi cha' laca ma̱ tya'a ñati̱ ji'i̱ jyo'o Abraham bi', li' cua'ni ma̱ ñi'ya̱ nu ngua'ni ycui' Abraham bi' ―nacui̱ Jesús ji'i̱ ngu' bi'―.

ROMANOS 9:4

Laca ngu' bi' la cui' tya'a ñati̱ ji'i̱ jyo'o cusu' Israel, ñati̱ ji'i̱ nu ya̱a̱ chalyuu nde loo la; sca ti tañi ntsu'u ji'i̱ ngu' lo'o jyo'o bi', lo'o jua'a̱ cua nda ycui' Ndyosi chacuayá' cha' caca ngu' bi' ñati̱ ji'i̱ ycui' Ni. Tlyu tsa cha' nu ngua'ni Ni, cha' ntaja'a̱ ycui' Ni tyi'i̱ Ni lo'o ngu' bi'. Cua ngüiñi cha' ji'i̱ ycui' Ndyosi lo'o ngu' bi'; cua ngulo Ni cña ji'i̱ Moisés, lcaa ña'a̱ cña nu culo yu ji'i̱ ngu' bi'; cua nda Ni cha' lo'o ngu' bi', ñi'ya̱ nu caca lo'o cua'ni tlyu ngu' ji'i̱ ycui' Ni; lo'o jua'a̱ yala la nda Ni cha' lo'o ngu' bi', ñi'ya̱ nu caca ji'i̱ Cristo nu ntsu'u cha' ca̱a̱ nde loo la.

ROMANOS 9:6

Si'i na ngujlyaa ti' ycui' Ndyosi cha' nu nguxquiñi Ni lo'o ngu' Israel tya sa'ni la, cha' nu cua'ni lyaá Ni ji'i̱ ngu'; pana nu tya'a ñati̱ ji'i̱ jyo'o Israel nu ya̱a̱ chalyuu nde loo la ni, ná lcaa ngu' bi' ndaquiya' ngu' ji'i̱ cha' nu nchcui' ycui' Ndyosi, ñi'ya̱ ndaquiya' ycui' jyo'o Israel ji'i̱ cha' bi' cua sa'ni la.

FILIPENSES 3:3

Pana nu na ni, chañi laca cha' ngulacua̱ ycui' Ndyosi ji'na, masi xa' ña'a̱ nchcui' nu ngu' bi'. Cua ndu'ni tlyu na ji'i̱ ycui' Ndyosi xqui'ya Xtyi'i ycui' Ni; chaa tsa ti' na ndi'i̱ na chalyuu nu lo'o cua ngujui chalyuu ji'na xqui'ya Jesucristo, cha' nga'aa jlya ti' na ji'i̱ sca cha' nu ndatsaa ñati̱ chalyuu ji'na cha' cua'ni na ji'i̱.

1 PEDRO 2:1

Lo'o cu'ma̱ ni, nga'a̱ cha' xtyanu ma̱ ji'i̱ lcaa cha' cuxi nu ntsu'u tyiquee ma̱ ña'a̱ ma̱ ji'i̱ tya'a ñati̱ ma̱: nga'aa cñilo'o ma̱ ji'i̱ tya'a ma̱, nga'aa si'i tucua cha' tyu'u tyiquee ma̱, nga'aa tyacui ti' ma̱ ji'i̱ sca na nu ntsu'u ji'i̱ tya'a ñati̱ ma̱, nga'aa chcui' ma̱ cuentyu ji'i̱ tya'a ñati̱ ma̱.

1 PEDRO 2:22

Ná ntsu'u ni sca qui'ya ji'i̱ nu Cristo bi', ni sca cha' cuiñi ná nchcui' yu;

APOCALIPSIS 14:5

Ná ntucua cha' cuiñi tu'ba ngu' bi' tsiya' ti, cha' ná ntsu'u cha' cuxi ji'i̱ ngu' bi' tsiya' ti.