SAN JUAN 1:46 - Chatino Tataltepec

⁴⁶ ―¿Ha tso'o quichi̱ bi'? ―nacui̱ Natanael―. ¿Ha ntsu'u ñati̱ tso'o nde quichi̱ Nazaret bi'? ―Yaa na'a̱ nu'u̱ xi ji'i̱ lacua ―nacui̱ Felipe.

SAN JUAN 1:46 Iomraidhean Croise

SAN MATEO 10:3

lo'o jua'a̱ ngusubi yu ji'i̱ Felipe, lo'o ji'i̱ Bartolomé, lo'o ji'i̱ Tomás, lo'o ji'i̱ Mateo nu ngusñi cñi cña loo ngu' clyo; lo'o jua'a̱ ngusubi yu ji'i̱ Jacobo sñi' Alfeo, lo'o ji'i̱ Lebeo nu lo'o ndu'ni ngu' Tadeo ji'i̱;

SAN MATEO 2:23

Ca bi' ndyalaa ngu' quichi̱ Nazaret cha' tyi'i̱ ngu'. La cui' cha' bi' nchcui' jyo'o cusu' nu ngua tu'ba ji'i̱ ycui' Ndyosi nu ngua sa'ni lo'o nchcui' ngu' ndi'ya̱: ngu' Nazaret cua'ni ngu' ji'i̱ nu bi'. Jua'a̱ nchcui' jyo'o cusu' bi' cua sa'ni, bi' cha' jua'a̱ ndu'ni ngu' ji'i̱ Jesús juani.

SAN LUCAS 12:57

’¿Ni cha' laca ná nchca quiñi tso'o cha' ji'i̱ ma̱ lo'o tya'a ma̱?

SAN JUAN 1:44

La cui' ngu' Galilea laca Felipe bi', jua'a̱ laca Andrés lo'o Pedro; quichi̱ Betsaida laca quichi̱ tyi ngu'.

SAN JUAN 1:45

Li' ndyaa Felipe cha' chcui' lo'o Natanael tya'a ndya'a̱ nu Felipe bi': ―Cua na'a̱ ya ji'i̱ Cristo, nu ñati̱ tlyu nu cua sa'ni nguscua jyo'o Moisés cha' ji'i̱ lo quityi ji'i̱ ycui' Ndyosi ―nacui̱ Felipe―. La cui' cha' ji'i̱ yu bi' cua nchcui' lcaa jyo'o cusu' nu ngua tu'ba ji'i̱ ycui' Ndyosi sa'ni. Jesús naa yu bi', sñi' sca nu naa José. Nazaret laca quichi̱ tyi yu.

SAN JUAN 12:21

Ñaa xi ngu' griego bi' slo Felipe li'. Quichi̱ Betsaida laca quichi̱ tyi nu Felipe bi'; nde loyuu su cuentya Galilea, ca bi' ndi'i̱ quichi̱ bi'. Li' nchcui' ngu' bi' lo'o Felipe: ―Tyu'u cha' clyu ti' jinu'u̱, cusu', cua nti' ya tyacua tya'a ya xi lo'o Jesús ―nacui̱ ngu'.

SAN JUAN 14:8

Li' nchcuane Felipe ji'i̱ Jesús: ―Cusu' ―nacui̱―, culu'u nu'u̱ ji'i̱ Sti nu'u̱ ji'i̱ ya, tsa bi' ti cha' nti' ya.

SAN JUAN 4:29

―Cajua ti ndu̱ sca ñati̱ nu tii tsa ―nacui̱ nu cuna'a̱ bi'―. Lcua ti lo cña nu ngua'ni na' ya̱a̱ na' chalyuu, lcaa cha' bi' cua ndacha' nu cusu' bi' jna'. ¿Ha bi' nu laca Cristo nu ñati̱ tlyu nu cua ca̱a̱ ti, nti' cu'ma̱?

SAN JUAN 6:5

Lo'o li' na'a̱ Jesús cha' tsa tlyu ti ndyalaa quiña'a̱ tsa ñati̱ ca su ntucua ycui'. Li' nchcuane yu ji'i̱ Felipe: ―¿Macala cui'ya na tyaja cha' cacu ñati̱ quiña'a̱ cua? ―nacui̱ Jesús.

SAN JUAN 6:7

Lo'o li' nguxacui̱ Felipe cha' ji'i̱ yu: ―Ná tyu'u scua tucua mil paxu cha' cui'ya na na cacu lcaa ngu' re, masi xca ti caja xi cacu scaa ngu' ―nacui̱.

SAN JUAN 7:52

―¿Ha la cui' ngu' Galilea laca nu'u̱ lacua? ―nacui̱ tya'a fariseo ji'i̱ Nicodemo li'―. Lo quityi ji'i̱ ycui' Ndyosi nu nscua sa'ni ña'a̱ nu'u̱ xi, cha' caca cuayá' la ti' nu'u̱ cha' si'i nde Galilea tyu'u ñati̱ nu culu'u cha' ji'i̱ ycui' Ndyosi ji'na.

1 TESALONICENSES 5:21

pana cua'ni cuayá' ma̱ ji'i̱ cua ña'a̱ ca cha' nu nchcui' ngu' bi', si tso'o ndyu'u cha', si ná tso'o. Li' xñi ma̱ cha' tso'o bi',