SAN JUAN 1:29 - Chatino Tataltepec

²⁹ Ca chaca tsa̱ na'a̱ Juan cha' cua lijya̱ ti Jesús slo. Lo'o li' nacui̱ Juan ji'i̱ ñati̱ nu ndu̱ slo: ―Ña'a̱ tso'o ma̱ ji'i̱ nu cusu' cua ―nacui̱―. Cua ngusubi ycui' Ndyosi ji'i̱ nu cua cha' caca yu sca msta̱ lu'ú, cha' cuityi̱ lcaa qui'ya nu ntsu'u ji'i̱ ñati̱ chalyuu ―nacui̱―.

SAN JUAN 1:29 Iomraidhean Croise

SAN MATEO 1:21

Lo'o cala sñi' nu cuna'a̱ bi', cubi' qui'yu caca nu bi'. Lo'o xcua xtañi cubi' bi' li', bi' ca naa Jesús. Lo'o nu Jesús bi' ni, bi' laca nu cua'ni lyaá ji'i̱ ñati̱ nu ntsu'u cha' ji'i̱ lo'o ycui' Ni, cha' clyaá ngu' ji'i̱ qui'ya nu ntsu'u ji'i̱ ngu'.

SAN MATEO 20:28

Na' nu cua nda Ni 'na lijya̱a̱ cha' caca na' ñati̱, ná lijya̱ na' nde chalyuu cha' caja msu 'na; ycui' na' laca na' msu ji'i̱ ñati̱, bi' cha' lijya̱ na'. Na cua lijya̱ na' cha' cajaa na' cha' cati̱ qui'ya nu ntsu'u ji'i̱ ñati̱, cha' cua'ni lyaá na' ji'i̱ quiña'a̱ tsa ñati̱ li' ―nacui̱ Jesús ji'i̱ ngu'.

SAN JUAN 1:35

Ngua chaca tsa̱, xa' ndu̱ Juan, ndu̱ lo'o tucua tya'a ngu' nu ndyaca tsa'a̱ ji'i̱; ya̱a̱ Jesús li'.

SAN JUAN 1:36

Na'a̱ Juan ji'i̱ yu, lo'o li' nchcui' Juan cha' ji'i̱ Jesús: ―Nu cua caca msta̱ lu'ú nu cua ngusubi ycui' Ndyosi ji'i̱ cha' cajaa yu xqui'ya na.

SAN JUAN 1:43

Ca chaca tsa̱, li' ngua ti' Jesús tyaa yu nde Galilea. Li' ndyacua tya'a yu lo'o sca nu qui'yu nu naa Felipe: ―Ya'a nu'u̱ lo'o na' ―nacui̱ Jesús ji'i̱ Felipe li'.

SAN JUAN 2:1

Lo'o ngua sna tsa̱, li' ndyaa xtya'a̱ Jesús su ngujui clyo'o ngu' ca quichi̱ Caná nde loyuu su cuentya Galilea. Lo'o jua'a̱ cua nguane ngu' ji'i̱ Jesús lo'o ji'i̱ nu ngu' nu ndyaca tsa'a̱ ji'i̱, bi' cha' lo'o ngu' bi' ndyaa ngu' ta'a.

SAN JUAN 3:16

’Ntsu'u tsa tyiquee ycui' Ndyosi ña'a̱ Ni ji'i̱ ñati̱ chalyuu, bi' cha' cua nda ycui' Ni jna' nu laca̱ Sñi' ycui' ca Ni lijya̱ na' chalyuu. Ná tsaa ñati̱ ca bilyaa si xñi ngu' cha' jna', nu laca̱ sca ti Sñi' ycui' Ndyosi; caja chalyuu tso'o ji'i̱ ngu' bi', chalyuu nu ná nga'a̱ cha' tye ―nacui̱ Jesús―.

SAN JUAN 4:42

Li' nacui̱ ngu' bi' ji'i̱ nu cuna'a̱ bi': ―Si'i xqui'ya nu'u̱ ngusñi ya cha' ji'i̱ yu juani. Na cua nchcui' ycui' yu lo'o ya, bi' cha' jlya ti' ya cha' nu nchcui' yu; cua nda ya cuentya cha' chañi cha' laca nu cusu' re Cristo, nu ñati̱ tlyu nu cua ca̱a̱ ti cha' cua'ni lyaá ji'i̱ lcaa ñati̱ chalyuu.

SAN JUAN 6:51

Na' laca̱ nu cha' tso'o nu caja ji'i̱ ñati̱ ―nacui̱ Jesús―. Ngutu'u na' nde slo ycui' Ndyosi lijya̱ na' chalyuu cha' caca na' ñati̱, cha' caja ñi'ya̱ nu tyaala' ti' ngu'. Nu lo'o xñi ñati̱ cha' jna', ná nga'a̱ cha' tye chalyuu ji'i̱ ngu' bi' li'; ta na' tyucui ña'a̱ na' ji'i̱ ngu', cha' jua'a̱ caja chalyuu cucui ji'i̱ ngu'.

LOS HECHOS 13:39

taca tyu'u laja ti ma̱ ji'i̱ qui'ya nu ntsu'u ji'i̱ ma̱ si xñi ma̱ cha' ji'i̱ Jesús. Ná ndu'ni cha' masi tso'o tsa ndaquiya' ma̱ ji'i̱ lcaa cha' nu nguscua jyo'o Moisés sa'ni, ná nchca ji'i̱ cha' bi' cuityi̱ qui'ya nu ntsu'u ji'i̱ ma̱.

LOS HECHOS 8:32

Stu'ba ti nchcui' tyucuaa ngu' lo quityi ji'i̱ ycui' Ndyosi nu ntsu'u ya' nu cusu' bi'; la cui' laca' quityi su na'a̱ cui'ya nu cusu' bi', la cui' se'i̱ bi' nchcui' tyucuaa ngu' li'. Ndi'ya̱ nchcui' quityi bi': Tsaa lo'o ngu' ji'i̱ yu cha' cujuii ngu' ji'i̱, ñi'ya̱ si laca yu sca xlya'. Lo'o jua'a̱, ñi'ya̱ ndu'ni xlya' nu ná nxi'ya lo'o nsi'yu ngu' quicha̱' hichu̱' ni', jua'a̱ cua'ni yu nu cala nde loo la; masi cujuii ngu' ji'i̱ yu, ná sca cha' xacui̱ yu ji'i̱ ngu' bi' li'.

1 CORINTIOS 15:3

Tya clyo cua ndacha' na' ji'i̱ ma̱ lcaa cha' ji'i̱ Jesucristo nu cua ngulu'u ngu' 'na. Ndi'ya̱ ngulu'u na' ji'i̱ ma̱, cha' ngujuii Cristo lo crusi cha' cuityi̱ Ni qui'ya nu ntsu'u ji'na; la cui' ñi'ya̱ nu cua nscua lo quityi cusu' cha' caca ji'i̱ Cristo, jua'a̱ ngua.

2 CORINTIOS 5:21

Masi ná ntsu'u qui'ya ji'i̱ Cristo tsiya' ti, pana ycui' Ndyosi ngua'ni cha' ndyanu qui'ya nu ntsu'u ji'na hichu̱' Cristo. Si cua ngua stu'ba cha' ji'na lo'o Cristo, li' caca lubii cresiya ji'na ñi'ya̱ nu nti' ycui' Ndyosi cha' caca na.

GÁLATAS 1:4

La cui' Jesús laca nu nda ji'i̱ ycui' ca lo'o ngujuii yu cha' cuityi̱ qui'ya nu ntsu'u ji'na, cha' jua'a̱ cua'ni lyaá Ni ji'na nde chalyuu su ngunu'u̱ tsa tyiquee ñati̱ xqui'ya cha' cuxi; ngulo ycui' Ndyosi Sti na cña ji'i̱ Jesús, li' ngua'ni yu cña bi' cuentya ji'na.

GÁLATAS 3:13

Cua ngulo Cristo ji'na ji'i̱ yabe' nu ngusta ycui' Ndyosi hichu̱' na xqui'ya cha' ná ndaquiya' na ji'i̱ lcaa cha' tsiya' ti nu nda Ni lo'o na; yabe' nu ntsu'u ji'na bi' cua ndyanu hichu̱' ycui' Jesús li'. Ndi'ya̱ nscua cha' lo quityi ji'i̱ ycui' Ndyosi: “Si tlyu tsa yabe' ntsu'u ji'i̱ sca ñati̱, ntsu'u cha' cujui'i̱ ca'a̱ ngu' ji'i̱ ña'a̱ lu'ú ti lo sca yaca ndu̱ cha' cajaa yu”.

1 TIMOTEO 2:6

Nda Jesucristo chacuayá' cha' ndyujuii ngu' ji'i̱ yu cua tsubi' la; jua'a̱ nda yu caya' lo qui'ya nu ntsu'u ji'i̱ ñati̱ chalyuu, nu lo'o ngujuii yu lo crusi. Ngua'ni ycui' Ndyosi cña bi' la cui' hora lo'o ngua ti' Ni cha' cua'ni Ni ji'i̱.

TITO 2:14

Nu lo'o nda Jesús chacuayá' cha' ndyujuii ngu' ji'i̱, nda yu tyucui ña'a̱ ycui' ca yu cha' taca clyaá na ji'i̱ nu cuxi. Ngua'ni lubii Ni ji'i̱ cresiya ji'na li' cha' caca na ñati̱ ji'i̱ Ni, cha' tyaja'a̱ na cua'ni na xcui' cha' tso'o li'.

HEBREOS 1:3

Lcaa xee lubii nu ntsu'u ca slo ycui' Ndyosi, cua ndyanu xee bi' lo Jesús Sñi' Ni lo'o ñaa Jesús nguti'i̱ yu chalyuu. Ñi'ya̱ nu laca ycui' Ndyosi, la cui' jua'a̱ laca nu Jesús bi'; liñi tsa nclyo Jesús cña ji'i̱ lcaa na nu ntsu'u chalyuu tsiya' ti, bi' cha' laca ndi'i̱ tso'o ti lcaa na bi'. Nu lo'o ndye ngua'ni Jesús cña nu ntsu'u ji'i̱ yu nde chalyuu, cha' ngüityi̱ yu yabe' nu ntsu'u ji'i̱ ñati̱, li' nguxtyu̱u̱ yu ndyaa yu ca slo ycui' Ndyosi Sti yu, ndyaa tucua yu nde la'a tsu' cui̱ su tlyu ca su ntucua ycui' Ni.

HEBREOS 2:17

Bi' cha' lacua, stu'ba ti ntsu'u cha' ji'i̱ Jesús lo'o ñati̱ ji'i̱ ycui' nde chalyuu. Ngujuii yu lo crusi cuentya ji'na, lo'o juani ntucua yu ca slo ycui' Ndyosi cha' chcui' yu lo'o Ni, cha' cuityi̱ Ni qui'ya nu ntsu'u ji'na. Juani laca Jesús ñi'ya̱ laca sca sti jo'ó nu laca loo la nu ndyi'u tsa ti' ji'na, nu jua'a̱ tso'o tsa ndu'ni tya'na ti' ji'na.

HEBREOS 9:28

lo'o jua'a̱ Cristo, sca ti quiya' ngujuii yu lo crusi, cha' jua'a̱ ngüityi̱ yu qui'ya nu ntsu'u ji'i̱ quiña'a̱ tsa ñati̱. Tya ca̱a̱ Cristo chaca quiya' ca tiya' la; pana nga'aa si'i cha' cuityi̱ Ni qui'ya nu ntsu'u ji'i̱ ñati̱ ca̱a̱ Ni li', cha' cua ndye ngua'ni Ni cña bi'. Li' cua'ni lyaá lyiji Ni ji'i̱ lcaa ñati̱ nu ntajatya tsa ji'i̱ Ni, ña'a̱ cuayá' nu ca̱a̱ Ni chaca quiya'.

1 PEDRO 1:19

Nu lo'o ngujuii Cristo lo crusi lo'o ndyalú tañi ycui', li' nda Ni caya' loo qui'ya nu ntsu'u ji'na, cha' ngua Cristo ñi'ya̱ nti' sca msta̱ lu'ú nu xcui' na tso'o, nu xcui' na lubii; lo'o nu tañi ycui' Cristo bi' ni, bi' laca caya' nu ngua'ni lyaá ji'na.

1 PEDRO 2:24

Ycui' Cristo laca nu sca ti quiya' ngujui'i̱ ca'a̱ ngu' ji'i̱ lo crusi cha' taca cuityi̱ Ni qui'ya nu ntsu'u ji'i̱ lcaa na, cha' clyaá na ji'i̱ qui'ya nu ntsu'u ji'na; bi' cha' cuentya ji'i̱ Cristo taca tyi'i̱ na chalyuu juani, cha' jua'a̱ tyaja'a̱ na cua'ni na xcui' cha' tso'o nu nti' ycui' nu Xu'na na cha' cua'ni na. Xqui'ya cha' nchcube' ycui' Cristo, bi' cha' ngua ti̱ cha' cuxi nu ntsu'u tyiquee na, ñi'ya̱ nti' lo'o ngua ti̱ cha' quicha na lo'o ndyaca tso'o na.

1 PEDRO 3:18

Ycui' Cristo ngujuii xqui'ya qui'ya nu ntsu'u ji'na, masi lubii tsiya' ti cresiya ji'i̱ yu; nchcube' yu cuentya ji'na, cha' cuxi tsa tyiquee na. Lo'o juani taca tyalaa na slo ycui' Ndyosi xqui'ya nu Cristo bi'. Sca ti quiya' ngua cha' ti'í bi' ji'i̱ Cristo, ndye cña ji'i̱ yu nde loyuu chalyuu li'. Ndyujuii ngu' ji'i̱ nu ñati̱ nu naa Jesucristo bi', pana ngua'ni Xtyi'i ycui' Ndyosi cha' ndyu'ú yu chaca quiya'.

1 JUAN 2:2

Ngua cuxi tyiquee na cuentya ji'i̱ ycui' Ndyosi Sti na, xqui'ya cha' ngua'ni na cha' cuxi; bi' cha' nchcube' Jesucristo cña loo na, cha' qui'ya ycui' yu yabe' nu ntsu'u ji'na xqui'ya cha' cuxi nu ngua'ni na. La cui' jua'a̱ qui'ya Jesucristo yabe' nu ntsu'u ji'i̱ lcaa ñati̱ chalyuu nu tso'o ntsu'u tyiquee ña'a̱ ji'i̱ ycui' Ni.

1 JUAN 3:5

Cua jlo ti' ma̱ cha' cua ya̱a̱ Jesucristo chalyuu cha' cuityi̱ Ni qui'ya nu ntsu'u ji'i̱ ñati̱; pana ycui' Cristo ni, ná ntsu'u qui'ya ji'i̱ yu tsiya' ti.

1 JUAN 4:10

Nde laca cha' nu nchcui' na' lo'o ma̱: Si'i cha' ntsu'u tyiquee na ña'a̱ na ji'i̱ ycui' Ndyosi, masi ycui' Ndyosi laca nu ntsu'u tsa tyiquee Ni ña'a̱ Ni ji'na tya clyo, bi' cha' nda Ni ji'i̱ Sñi' ycui' ca Ni ya̱a̱ chalyuu cha' ngujuii yu lo crusi, cha' cua ngua cuxi tyiquee na lo'o ycui' Ndyosi nu Xu'na na xqui'ya cha' cuxi nu ngua'ni na; pana Jesucristo nu sca ti Sñi' ycui' Ni, bi' laca nu cua nchcube' cña loo na, ngüi'ya Ni yabe' nu ntsu'u ji'na.

APOCALIPSIS 1:5

Tso'o tsa nchcui' liñi Jesucristo ji'i̱ ycui' Ndyosi Sti yu ña'a̱ cuayá' ndyujuii ngu' ji'i̱ yu. Pana lo'o ndyu'ú Jesús chaca quiya' lo'o ngujuii yu, li' na'a̱ ngu' cha' tlyu tsa cha' nu ntsu'u ji'i̱ yu. Lo'o juani laca Jesucristo loo ji'i̱ tyucui ña'a̱ chalyuu, xqui'ya cha' laca yu loo ji'i̱ lcaa nu laca xu'na chalyuu. Ntsu'u tsa tyiquee Jesús ña'a̱ yu ji'na, bi' cha' ngujuii yu lo crusi; cua ndyalú tañi yu, cha' ngua'ni lyaá yu ji'na ji'i̱ nu cuxi nu ntsu'u ji'na.

APOCALIPSIS 12:11

Nu ngu' tya'a ngusñi na cha' ji'i̱ Jesús ni, cua ntiji̱loo ngu' ji'i̱ nu xña'a̱ bi', xqui'ya cha' ngujuii Jesús nu ñi'ya̱ ña'a̱ xlya' bi'. Ná ntsi̱i̱ ngu' bi' ta ngu' cha' tso'o ji'i̱ Jesús lo'o xa' ñati̱; ntaja'a̱ ngu' bi' chcui' ngu' cha' bi', masi cujuii ñati̱ ji'i̱ ngu' bi' xqui'ya cha' ñasi̱' tsa ñati̱ ji'i̱ Jesús.

APOCALIPSIS 13:8

lcaa ñati̱ tyucui ña'a̱ chalyuu cua'ni tlyu ngu' ji'i̱ na'ni bi' li', si ná nscua xtañi ngu' lo quityi ji'i̱ ycui' Ndyosi. Nu ngua tya clyo la lo'o tya lyiji cuiñá Ni chalyuu, tya li' nguscua Ni xtañi ñati̱ nu ná nga'a̱ cha' tye chalyuu ji'i̱. Cua ndyanu quityi bi' cuentya ji'i̱ nu ñi'ya̱ ña'a̱ xlya' nu cua ndyujuii ñati̱ ji'i̱ tsaca quiya'.

APOCALIPSIS 14:1

Lo'o li' na'a̱ na' chaca quiya' ca ndacua su ndu̱ nu ñi'ya̱ ña'a̱ xlya' bi' lo xlya ca'ya Sión; stu'ba ti ndu̱ bi' lo'o sca siyento ntucua tu'ba ntucua jacua mil tya'a ñati̱. Nde tyaca̱a̱ ñati̱ bi', ndacua nscua xtañi nu ñi'ya̱ ña'a̱ xlya' bi', lo'o la cui' bi' nscua xtañi ycui' Ndyosi Sti Ni.

APOCALIPSIS 14:10

xcube' Ni ji'i̱ ngu' bi', cha' lye tsa ngunasi̱' Ni. Tyaqui̱ ngu' bi' lo'o sca quii' tlyu nu nguxa' lo'o yuu sufri su ña'a̱ nu ñi'ya̱ ña'a̱ xlya' bi' ji'i̱ ngu'; jua'a̱ lcaa xca̱ nu cuentya ji'i̱ Ni ña'a̱ ji'i̱ ngu' bi' li'.

APOCALIPSIS 14:4

Ñati̱ lubii tsiya' ti laca nu ngu' quiña'a̱ bi'. Ná ngutu'u cha' ji'i̱ ngu' bi' lo'o xa' nu cuna'a̱ nu lo'o nguti'i̱ ngu' chalyuu, ná ngua'ni ngu' bi' cha' suba' tsiya' ti; nguta'a̱ ngu' lo'o nu ñi'ya̱ ña'a̱ xlya' bi' macala su ndya'a̱. Cua ngua'ni lyaá Ni ji'i̱ ngu' bi', cha' bi' laca ñati̱ nu tso'o nti' ycui' Ndyosi ña'a̱ Ni ji'i̱ tya lo'o nguxana cha' ji'i̱ nu ñi'ya̱ ña'a̱ xlya' bi'. Tya clyo ngusubi Ni ji'i̱ ngu' bi', cha' cua'ni ngu' cña ji'i̱ Ni.

APOCALIPSIS 15:3

Ndyula tu'ba ngu' sca ji̱i̱ nu cua ndyula tu'ba jyo'o Moisés nu ngua sa'ni, la cui' Moisés nu ngua'ni cña ji'i̱ ycui' Ndyosi; lo'o nu ñi'ya̱ ña'a̱ xlya' bi' ndyula tu'ba la cui' ji̱i̱ bi'. Ndi'ya̱ nchcui' ji̱i̱ bi': Ndyosi Xu'na ya, lcaa cña nchca jinu'u̱; tlyu tsa cña ndu'ni nu'u̱, hasta ndube tsa ti' lcaa ñati̱ ji'i̱ cña bi'. Xcui' ndu'ni liñi nu'u̱ lo'o ñati̱ chalyuu, chañi tsa laca lcaa cha' nu nchcui' nu'u̱ lo'o ñati̱. Sca ti nu'u̱ laca Xu'na lcaa ñati̱ tyucui ña'a̱ chalyuu.

APOCALIPSIS 17:14

Xcui' xu̱u̱ tya'a ngu' lo'o ycui' Ni, nu ñi'ya̱ ña'a̱ xlya' bi'; pana tyiji̱loo nu ñi'ya̱ ña'a̱ xlya' bi' ji'i̱ na'ni bi', lo'o jua'a̱ tyiji̱loo ñati̱ nu ndya'a̱ lo'o Ni ji'i̱ ni', xqui'ya cha' laca ycui' Ni Xu'na lcaa ñati̱ chalyuu, laca ycui' Ni loo la ji'i̱ lcaa ngu' nu laca loo nde chalyuu. Lo'o jua'a̱ nu ñati̱ ji'i̱ ycui' Ni ni, cua ngusubi Ni ji'i̱ ngu' bi'; na cua nguane Ni ji'i̱ ngu' bi', lo'o jua'a̱ tso'o tsa ngusñi ngu' cha' ji'i̱ ycui' Ni ―nacui̱ xca̱ 'na.

APOCALIPSIS 19:7

bi' cha' tso'o tsa caca tyiquee na, ca chaa ti' na juani, cua'ni chi̱ na loo ycui' Ni. Cua ndyalaa tsa̱ cha' caja clyo'o ycui' yu nu ngujuii lo crusi cuentya ji'na. Lo'o lcaa na, ñati̱ nu ngusñi cha' ji'i̱ Ni nde chalyuu, laca na ñi'ya̱ si laca na cuxi̱i̱ ji'i̱ yu, masi tsa tlyu ti na sca tyempo ti. Cua ngua'ni cho'o na ñi'ya̱ si caja clyo'o na lo'o ycui' yu, nacui̱ ngu'.

APOCALIPSIS 19:9

Nchcui' nu xca̱ ji'i̱ ycui' Ndyosi bi' lo'o na' li': ―Scua clya nu'u̱ cha' re lo quityi ―nacui̱―: “Tso'o ntsu'u tyiquee ñati̱ nu nguane na' ji'i̱ cha' tsaa su caja clyo'o lo'o yu nu ngujuii lo crusi cuentya ji'i̱ ngu'”, nacui̱ Ni. La cui' cha' liñi nu nda ycui' Ndyosi lo'o ñati̱ laca cha' bi' ―nacui̱ xca̱ bi' jna'.

APOCALIPSIS 21:14

Tii tyucuaa tya'a quee tonu ntsiya quiya' lo'o; jua'a̱ hichu̱' quee bi' cua nscua xtañi nu tii tyucuaa tya'a ngu' nu ngua'a̱loo nu ñi'ya̱ ña'a̱ xlya' bi' cña ji'i̱ ngu', nu cua'ni ngu' cuentya ji'i̱ ycui' Ni.

APOCALIPSIS 21:27

pana ni sca cha' cuxi ná taca tyatí̱ quichi̱ bi'. Lcaa ñati̱ nu ndu'ni suba' lo'o nu cuna'a̱, jua'a̱ ngu' cuiñi, ná caja chacuayá' tyatí̱ ngu' ca quichi̱ bi'; ñati̱ nu ntsu'u xtañi lo quityi nu ntucua ya' nu ñi'ya̱ ña'a̱ xlya' bi', nu ndacha' tilaca laca nu ná nga'a̱ cha' tye chalyuu ji'i̱, bi' ti ñati̱ laca nu caja chacuayá' ji'i̱ tyalaa ca quichi̱ bi'.

APOCALIPSIS 21:9

Ndyalaa sca xca̱ ji'i̱ ycui' Ndyosi ca slo na' li'; la cui' tya'a yu laca lo'o nu tya tyacati tya'a xca̱ bi', ngu' nu ntucua ca'ña oro ya', nu ntsu'u cati tya'a quicha bi'. Bi' quicha caca lo'o cua tye ti chalyuu. Nchcui' xca̱ bi' lo'o na' li': ―Cua̱a̱ clya nu'u̱ ca nde cha' culu'u̱ hi̱ ñi'ya̱ ña'a̱ quichi̱ tlyu ca su tyaa ma̱, lcaa cu'ma̱ nu ntsu'u cha' ji'i̱ ma̱ lo'o nu ñi'ya̱ ña'a̱ xlya' bi'. Tso'o tsa ña'a̱ quichi̱ bi'.

APOCALIPSIS 5:6

Li' na'a̱ na' ndu̱ sca ñati̱; ñi'ya̱ ña'a̱ sca xlya' cuañi', jua'a̱ ña'a̱ ñati̱ bi'. Ndu̱ yu bi' nde loo su tlyu su ntucua ycui' Ndyosi, laja su ndu̱ nu ngu' cusu' bi', laja nu na'ni tacati bi'. Tya tyaca̱' nscua cuayá' hichu̱' yu tya lo'o ndyujuii ngu' ji'i̱ yu tsaca quiya', jua'a̱ ña'a̱ yu bi'. Cati tya'a sata ntucua hique nu ñi'ya̱ ña'a̱ xlya' nu ndu̱ cuentya ji'i̱ Jesús. La cui' jua'a̱ ntucua cati tya'a cloo Ni; nu cloo Ni ni, bi' laca cati tya'a cui'i̱ lubii nu laca Xtyi'i ycui' Ndyosi nu ndu'u ndyaa tyucui ña'a̱ chalyuu.

APOCALIPSIS 5:8

Lo'o ngusñi Ni quityi bi', li' ngutu̱ sti̱' ca ta'a jacua na'ni tacati bi'; lo'o jua'a̱ nu calaa ntucua jacua tya'a ngu' cusu' bi', ndu̱ sti̱' ngu' nde loo nu ñi'ya̱ ña'a̱ xlya' bi'. Ntsu'u sañi ya' ngu' cusu' bi', lo'o jua'a̱ ntucua cuu oro ya' lcaa ngu' cusu' bi'; ntsu'u yana jo'ó nu ndyaqui̱ ne' cuu bi'. Ñi'ya̱ lo'o ntyucua xtyi'i yana jo'ó ndyaqui̱ bi', jua'a̱ ndyaa cha' nu nchcui' ngu' ca slo ycui' Ni lo'o nchcui' ñati̱ ji'i̱ ycui' Ndyosi lo'o Ni.

APOCALIPSIS 6:1

Li' na'a̱ na' cha' ngusuu nu ñi'ya̱ ña'a̱ xlya' bi' sca nguiña' nu nga'a̱ tu'ba quityi bi'. Ndyuna na' nchcui' sca na'ni tacati bi' li'. Lye tsa nguañi nchcui' ni' ñi'ya̱ lo'o ndañi nchcui' tyi'yu: ―Cua̱a̱ clya nu'u̱ ca nde ―nacui̱.

APOCALIPSIS 6:16

Li' ngusi'ya ngu' ji'i̱ ca'ya lo'o ji'i̱ quee tlyu: ―Cua̱a̱ clya ma̱ xasu ma̱ hichu̱' ya, cha' ná ña'a̱ ycui' nu Cusu' nu ntucua su tlyu ji'i̱ ya; ñasi̱' tsa nu ñi'ya̱ ña'a̱ xlya' bi' ña'a̱ Ni ji'i̱ ya ―nacui̱ ngu'.

APOCALIPSIS 7:14

―Ná jlo ti' na', Cusu'. Culu'u nu'u̱ xi jna' ―ni na' ji'i̱. Nchcui' nu cusu' lo'o na' li': ―Cua nteje tacui ca ti cha' lye tsa nchcube' ñati̱ bi', xqui'ya cha' ngusñi ngu' cha' ji'i̱ Jesús ―nacui̱ nu cusu' jna'―. Cua laca lacu' ngu' late' ngati̱; cua ngua lubii ne' cresiya ji'i̱ ngu' laca cha' bi', xqui'ya cha' cua ngujuii nu ñi'ya̱ ña'a̱ xlya' bi' lo crusi cuentya ji'i̱ ngu'.

APOCALIPSIS 7:17

Ña'a̱si̱i̱ nu ñi'ya̱ ña'a̱ xlya' bi' ji'i̱ ngu', cha' ndi'i̱ Ni la cui' ca su ntucua ycui' Ndyosi loo; bi' laca nu tsalo'o ji'i̱ ngu' su caja hitya co'o ngu' cha' caja chalyuu cucui ji'i̱ ngu' li'. Lo'o jua'a̱ xquityi Ni hitya cloo ngu' cha' nga'aa cunaa ngu' li'.