SAN JUAN 1:19 - Chatino Tataltepec

¹⁹ Nda Juan cha' lo'o tyu̱u̱ tya'a sti jo'ó lo'o ngu' xirta; ngutu'u ngu' nde quichi̱ Jerusalén, ndyalaa ngu' su ndi'i̱ nu Juan bi' li'. Cua ngulo ngu' judío nu ndi'i̱ ca bi' cña ji'i̱ ngu' bi', cha' ca̱a̱ ngu' slo Juan cha' xcuane ngu' ji'i̱ Juan tilaca laca.

SAN JUAN 1:19 Iomraidhean Croise

SAN JUAN 10:24

Li' ndyu'u ti'i̱ tyu̱u̱ tya'a ngu' judío slo Jesús, nchcuane ngu' ji'i̱ yu: ―¿Ni jacua' chcui' liñi nu'u̱ lo'o cua, cha' caca cuayá' ti' ya si nu'u̱ laca nu ñati̱ tlyu nu ta ycui' Ndyosi ji'i̱ ca̱a̱? ―nacui̱ ngu' ji'i̱ Jesús―. Ná talo ya si ná cacha' nu'u̱ lcaa cha' ji'i̱ cua. Tso'o si chcui' liñi nu'u̱ juani.

SAN JUAN 10:31

Chaca quiya' ngusñi nu ngu' judío bi' quee cha' cu̱ ngu' ji'i̱ Jesús, cujuii ngu' ji'i̱.

SAN JUAN 11:19

Lo'o li' quiña'a̱ ngu' quichi̱ tonu bi' ndyaa cha' xtyucua ngu' ji'i̱ Marta lo'o ji'i̱ María cha' ngujuii tya'a ngula ngu'.

SAN JUAN 2:18

Ñasi̱' tsa ngu' judío li', bi' cha' nchcuane ngu' ji'i̱ Jesús ndi'ya̱: ―¿Tilaca laca nu nda chacuayá' cha' cua'ni nu'u̱ jua'a̱? ¿Ñi'ya̱ cua'ni nu'u̱ cha' jlya ti' ya hi̱?

SAN JUAN 2:20

Li' nacui̱ ngu' ji'i̱ Jesús: ―Tu'ba ntucua scuá yija̱ ndye ndya' laa tlyu re ―nacui̱ ngu'―. ¿Ha taca jinu'u̱ cuiñá ji'i̱ chaca quiya' chu̱' sna tsa̱ ti?

SAN JUAN 5:10

Bi' cha' nchcui' nu ngu' judío bi' lo'o nu ngua quicha bi': ―Tsa̱ nu ndi'i̱ cña' ngu' laca juani ―nacui̱ ngu' bi' ji'i̱―. Ná ntsu'u chacuayá' jinu'u̱ tsiya' ti cha' tya'a̱ lo'o ji'i̱ jaa' cua hi̱ juani.

SAN JUAN 5:15

Ndyaa nu ngua quicha bi' li', ndyaa ndacha' ji'i̱ ngu' judío bi', cha' Jesús naa nu ngua'ni cha' ndyaca tso'o.

SAN JUAN 5:16

Ngua cuayá' ti' ngu' bi' li', cha' ngua'ni Jesús cha' tlyu lo'o nu quicha bi' tsa̱ ta'a lo'o ndi'i̱ cña' ngu', bi' cha' ngunasi̱' tsa ngu' judío bi' ji'i̱ Jesús. Nguxana ngu' bi' ngulacua cuxi ti' ngu' ña'a̱ ngu' ji'i̱ yu, ngua ti' ngu' cujuii ngu' ji'i̱ yu.

SAN JUAN 5:18

Bi' cha' chi̱i̱ tsa ntsu'u tyiquee ngu' judío bi' ña'a̱ ngu' ji'i̱ Jesús, ntsu'u tsa ngu' bi' nu nti' cujuii ji'i̱ Jesús li'. Ti'í ti' ngu' bi' ña'a̱ ngu' ji'i̱ yu, cha' ná ndaquiya' yu tsa̱ ta'a ji'i̱ ngu', nacui̱ ngu'. Ná ndiya ti' ngu' tsiya' ti cha' nacui̱ Jesús cha' ycui' Ndyosi laca Sti yu, cha' stu'ba nti' ycui' ca yu lo'o ycui' Ndyosi.

SAN JUAN 6:41

Lo'o li' ná ndiya ti' ngu' judío cha' nchcui' Jesús lo'o ngu' ndi'ya̱: “Ñi'ya̱ nu ndu'ni tyaja, jua'a̱ cua'ni na' si xñi sca ñati̱ cha' jna'. Sca ti na' nu ngutu'u̱ ca su ntucua ycui' Ndyosi, sca ti na' taca cua'ni na' cha' tyaala' ti' ñati̱”, nacui̱ Jesús. Nda tsa ngu' cha' lo'o tya'a ngu' cha' ná tso'o cha' bi'.

SAN JUAN 6:52

Li' nguxana ngu' judío bi', lye tsa nxlyú ngu' cha' hichu̱' tya'a ngu'. ―¿Ñi'ya̱ cua'ni nu jua si ta yu cuaña' ycui' ca yu cha' cacu na?― nacui̱ ngu' ji'i̱ tya'a ngu'.

SAN JUAN 7:1

Tiya' la li' xcui' nde loyuu su cuentya Galilea ndya'a̱ Jesús; nga'aa ndya'a̱ yu loyuu su cuentya Judea bi', cha' nti' tsa ngu' bi' cujuii ngu' ji'i̱.

SAN JUAN 7:11

Lo'o ndyaca ta'a bi', li' ndya'a̱ ngu' judío ndya'a̱na ngu' ji'i̱ yu: ―¿Macala ndya'a̱ yu bi'? ―ndu'ni ngu'.

SAN JUAN 7:15

Ndube tsa ti' ngu' judío cha' nchca tsa ji'i̱ Jesús: ―¿Ni cha' laca cha' nchca tsa ji'i̱ yu jua nclyu'u yu ji'i̱ ñati̱? Ná tyu̱u̱ yija̱ nguta'a̱ yu scuelya, ná ngua tsa'a̱ tso'o yu jua ―nacui̱ ngu'.

SAN JUAN 8:22

―¿Ha cujuii yu ji'i̱ ycui' ca yu? ―nacui̱ ngu' judío ji'i̱ tya'a ngu'―. ¿Ha jua'a̱ ntsu'u tyiquee yu lo'o nacui̱ yu: “Ná caja chacuayá' tsaa ma̱ ca su tyi'i̱ na' li'”?

SAN JUAN 8:48

Li' nguxtyacui ngu' judío cha' lo'o Jesús: ―Liñi cha' nu nchcui' ya jinu'u̱ juani, cha' ngu' Samaria laca nu'u̱. Ñi'ya̱ nti' sca nu xña'a̱, jua'a̱ nti' nu'u̱ ―nacui̱ ngu' li'.

SAN JUAN 8:52

Li' xa' nchcui' ngu' judío bi' lo'o Jesús chaca quiya': ―Juani jlo ti' ya cha' ñi'ya̱ nti' sca nu xña'a̱, jua'a̱ nti' nu'u̱ ―nacui̱ ngu'―. Sa'ni ngujuii jyo'o Abraham, sa'ni ngujuii nu xa' la jyo'o cusu' nu nda cha' ji'i̱ ycui' Ndyosi lo'o ñati̱. ¿Ñi'ya̱ nti' nu'u̱ lo'o nacui̱ ca ti nu'u̱: “Ná nga'a̱ cha' tye chalyuu ji'i̱ ñati̱ nu taquiya' ji'i̱ cha' nu nclyu'u na' ji'i̱”? ―nacui̱ ngu'―.

SAN JUAN 8:57

Li' lye nchcui' ngu' judío lo'o Jesús: ―Bilya caca tu'ba tyi yija̱ nu'u̱ ―nacui̱ ngu' ji'i̱―. ¿Ñi'ya̱ ngua cha' cua na'a̱ nu'u̱ ji'i̱ jyo'o Abraham lacua?

LOS HECHOS 13:25

Nu lo'o cua tye ti cña ji'i̱ jyo'o Juan bi', li' nchcui' yu lo'o ngu' tya'a quichi̱ tyi na ndi'ya̱: “Xa' ñati̱ ntajatya ma̱ ji'i̱”, nacui̱ Juan ji'i̱ ngu'; “si'i na' laca̱”, nacui̱ yu. “Ca nde loo la ca̱a̱ sca ñati̱ nu tlyu la chacuayá' ntsu'u ji'i̱. Lo'o na', cua'ni tlyu na' ji'i̱ ñati̱ bi'; tso'o tsa caca tyiquee na' masi caña nu ntsu'u quiya' ñati̱ bi' sati̱' na' juata ti.” Jua'a̱ nchcui' jyo'o Juan cuentya ji'i̱ Jesús.

LOS HECHOS 19:4

―Cua ntyucuatya Juan ji'i̱ ñati̱ cha' caca cuayá' ti' xa' ñati̱ cha' cua ngulochu̱' ngu' bi' lcaa cha' cuxi nu ntsu'u ne' cresiya ji'i̱ ngu' ―nacui̱ Pablo ji'i̱ ngu'―. Nchcui' Juan lo'o ngu' cha' cua ca̱a̱ ti chaca ñati̱ nu laca Jesucristo, lo'o jua'a̱ ntsu'u cha' xñi ngu' cha' ji'i̱ yu bi' li'.

1 JUAN 1:5

Nde culu'u ya ji'i̱ ma̱ cha' nu cua nda Jesucristo lo'o ya: Ñi'ya̱ nti' sca xee nu ndubi tsa ña'a̱, jua'a̱ nti' ycui' Ndyosi si tyu'u tucua Ni slo na; xcui' lubii tsa cresiya ji'i̱ Ni, cha' ne' cresiya ji'i̱ ycui' Ni ná ntsu'u su talya ña'a̱, ná ntsu'u cha' cuxi tsiya' ti.