SAN JUAN 1:1 - Chatino Tataltepec

¹ Nu ngua tya clyo la ndi'i̱ ycui' Ndyosi, lo'o jua'a̱ ndi'i̱ yu nu laca tyucui cha' ji'i̱ ycui' Ndyosi; nguti'i̱ yu bi' lo'o ycui' Ndyosi. Nu yu nu laca cha' bi', stu'ba ntsu'u cha' ji'i̱ yu lo'o ycui' Ndyosi.

SAN JUAN 1:1 Iomraidhean Croise

SAN MATEO 1:23

Caca tana sca nu cuna'a̱ nu ntucua ycui' ti, lo'o li' qui'yu caca sñi'; Emanuel ñacui̱ ngu' ji'i̱ cubi' bi'. Jua'a̱ nscua lo quityi, bi' cha' jua'a̱ ngua ji'i̱ María li'. Nu nchcui' ngu' Emanuel ni, ndi'ya̱ nti' ñacui̱ cha' bi': Ndi'i̱ ycui' Ndyosi lo'o na.

SAN LUCAS 24:53

lu'ba tsa ndya'a̱ ngu' ne' laa cha' ndyu'ni tlyu ngu' ji'i̱ ycui' Ndyosi. Tsa lo cua ti cha'.

SAN JUAN 1:14

Ngua yu bi' ñati̱, la cui' yu nu laca cha' ji'i̱ ycui' Ndyosi. Stu'ba ti nguti'i̱ yu lo'o na nde chalyuu. Cua na'a̱ ya ji'i̱ yu cha' tlyu tsa cha' ntsu'u ji'i̱ yu, cha' laca yu nu sca ti Sñi' ycui' Ndyosi. Xcui' tso'o tsa ndu'ni yu lo'o na, xcui' cha' liñi nchcui' yu.

SAN JUAN 1:18

Ni sca ñati̱ ná na'a̱ ngu' ji'i̱ ycui' Ndyosi; sca ti Jesús nu ngulu'u ji'na ñati̱ chalyuu na ñi'ya̱ laca ycui' Ndyosi. Lo'o nu Jesús bi' ni, laca yu nu sca ti Sñi' ycui' Ndyosi, nu tyaca'a tsa ji'i̱ Ni.

SAN JUAN 1:2

Stu'ba ti nguti'i̱ yu bi' lo'o ycui' Ndyosi nu ngua tya clyo la.

SAN JUAN 16:28

Nde su ndi'i̱ Sti na' ngutu'u na' lijya̱ na' nde chalyuu; lo'o juani cua tyu'u ti na' chalyuu, tsa'a na' ca slo Sti na' chaca quiya'.

SAN JUAN 17:5

Sti na' laca nu'u̱, bi' cha' cua'ni nu'u̱ cha' caca tlyu la na', ñi'ya̱ ngua nu lo'o nguti'i̱ na' lo'o nu'u̱ tya clyo lo'o tya lyiji xana chalyuu. Cua'ni nu'u̱ cha' caca tlyu na', la cui' ñi'ya̱ laca tlyu nu'u̱ ca su ntucua nu'u̱.

SAN JUAN 20:28

―Xu'na na' laca nu'u̱, cusu' ―nacui̱ Tomás ji'i̱ Jesús―, lo'o jua'a̱ Ndyosi jna' laca nu'u̱.

SAN JUAN 8:58

―Liñi tsa cha' nu nchcui' na' lo'o cu'ma̱ juani ―nacui̱ Jesús―, cha' cua laca lu'ú na' lo'o ngula jyo'o Abraham bi'.

ROMANOS 9:5

Sñi' jyo'o cusu' ji'na laca ngu' bi'. Nu lo'o ngula Cristo chalyuu ngua Ni ñati̱, la cui' tya'a ngu' Israel ngua yu li'. La cui' jua'a̱ laca Cristo ycui' Ndyosi nu laca loo ji'i̱ lcaa na tsiya' ti, bi' cha' lcaa tyempo ndu'ni tlyu ngu' ji'i̱ Ni. Chañi tsa cha' bi'.

EFESIOS 3:9

Cua nchcui' Ni lo'o na' lacua. Ycui' Ndyosi nu ngüiñá Ni lcaa na nu ntsu'u chalyuu, nti' Ni cha' culu'u na' cha' bi' ji'i̱ lcaa ñati̱, cha' li' caca cuayá' ti' ngu' ñi'ya̱ laca cña nu nti' Ni cha' cua'ni ngu'. Nu ngua tya sa'ni la, bilya cuna ñati̱ cha' nu ngua ti' ycui' Ndyosi cua'ni Ni xqui'ya Cristo;

FILIPENSES 2:6

Tyucui tyempo ycui' Ndyosi tsiya' ti laca Jesucristo, ná ntsu'u tyempo nu ná laca yu ycui' Ndyosi; pana lo'o ya̱a̱ yu lo yuu chalyuu, ná ngulacua ti' Jesús cha' ca̱lo'o yu lcaa chacuayá' ji'i̱ ycui' Ndyosi, masi ntsu'u tsa chacuayá' ji'i̱ yu slo Ni nquicha', cha' stu'ba ti ntsu'u cha' ji'i̱ yu lo'o ycui' Ndyosi Sti yu.

COLOSENSES 1:15

Ná nchca ña'a̱ na ji'i̱ ycui' Ndyosi tsiya' ti; pana nu lo'o ya̱a̱ Cristo Sñi' ycui' Ni chalyuu, li' ngujui ñi'ya̱ nu ña'a̱ na ji'i̱ ycui' Ni. La cui' yu bi' laca nu nguti'i̱ tya clyo la lo'o ycui' Ndyosi, la cui' jua'a̱ laca yu loo ji'i̱ lcaa lo na nu ngüiñá Ni chalyuu.

COLOSENSES 1:17

Cua laca ntucua yu bi' lo'o tya lyiji tya' chalyuu, lo'o jua'a̱ lcaa tsa̱ ndu'ni yu cña cha' tyi'i̱ tso'o ti lcaa na nu ntsu'u lo yuu chalyuu.

1 TIMOTEO 3:16

Chañi cha' tlyu tsa cha' tso'o ji'i̱ Jesucristo nu ngusñi na. Ndi'ya̱ nchcui' cha' bi': Nu ngua sa'ni la ni, ni sca ñati̱ ná ngua cuayá' ti' ñi'ya̱ cua'ni lyaá ycui' Ndyosi ji'i̱ ngu'; pana nu juani jlo ti' na, xqui'ya cha' ngula Jesucristo chalyuu, cha' ngua ycui' Ni sca ñati̱. Lo'o jua'a̱ nchcui' Xtyi'i ycui' Ni cha' ji'i̱ yu, cha' sca ñati̱ nu lubii tsa laca yu; cua na'a̱ xca̱ ji'i̱ ycui' Ndyosi ji'i̱ Jesús, nu ñati̱ lubii bi'. Li' nclyu'u ngu' cha' ji'i̱ Jesucristo bi' ji'i̱ ñati̱ ca quiña'a̱ tsa quichi̱ tyucui ña'a̱ chalyuu; ngusñi ñati̱ lcaa quichi̱ cha' nu nchcui' ngu' ji'i̱ Ni li'. Cua ndyaa Jesús ca slo ycui' Ndyosi Sti na nde cua̱, lo'o juani tlyu tsa laca Jesús cajua.

TITO 2:13

Jua'a̱ ti ngulu'u Ni ji'na, cha' taca ca tso'o tyiquee na laja lo'o ntajatya na ji'i̱ ycui' Ndyosi nu tlyu tsa cha' nu ntsu'u ji'i̱ Ni, ni jacua' ca̱a̱ Ni chaca quiya'. Ndubi tsa xee ntsu'u ji'i̱ Ni li', nu lo'o tyu'u tucua Jesucristo nu ngua'ni lyaá ji'na.

HEBREOS 13:8

Ná ncha'a̱ Jesucristo: ñi'ya̱ ngua Ni tyempo sa'ni, la cui' jua'a̱ laca Ni juani, lo'o la cui' jua'a̱ caca Ni tyempo nde loo la.

HEBREOS 7:3

Ná nchcui' quityi ñi'ya̱ naa sti xtya'a̱ nu Melquisedec bi', jua'a̱ ni sca cha' ná nscua lo quityi cuentya ji'i̱ jyo'o cusu' ji'i̱ nu cusu' bi'; ná nchcui' ni jacua' ngula, ni jacua' ngujuii. Ñi'ya̱ ngua Melquisedec, jua'a̱ laca Jesús, cha' lcaa tyempo laca yu sti jo'ó cuentya ji'na; pana Jesús ni, laca yu nu sca ti Sñi' ycui' Ndyosi.

2 PEDRO 1:1

Simón Pedro laca na'; ndyu'ni na' cña ji'i̱ Jesucristo, cha' cua ngusubi Ni 'na cha' tsa'a na' ta na' cha' tso'o ji'i̱ Cristo lo'o ngu' xa' quichi̱. Lo'o nu juani nscua na' quityi re cha' tsaa slo lcaa ñati̱ nu ngusñi cha' ji'i̱ ycui' Ndyosi ñi'ya̱ nu ngusñi na ji'i̱. Xcui' cha' liñi ndu'ni ycui' Ndyosi nu Xu'na na, la cui' Jesucristo nu ndyu'ni lyaá ji'na ji'i̱ nu cuxi laca bi'; bi' cha' stu'ba ti laca lcaa na cuentya ji'i̱ ycui' Ndyosi, tso'o tsa ndyaca ji'i̱ lcaa na cuentya ji'i̱ Ni.

1 JUAN 5:20

Cua jlo ti' na cha' cua ya̱a̱ nu sca ti Sñi' ycui' Ndyosi nde lo yuu chalyuu, lo'o jua'a̱ cua nda bi' chacuayá' cha' caca tyu'u cha' ji'na lo'o ycui' Ndyosi. Chañi cha' stu'ba ntsu'u tyiquee na lo'o ycui' Ndyosi juani, xqui'ya cha' stu'ba ntsu'u tyiquee na lo'o Jesucristo nu laca Sñi' ycui' ca Ni. Chañi cha' ycui' Ndyosi tsiya' ti laca nu Jesús bi', lo'o jua'a̱ chañi cha' ná nga'a̱ cha' tye chalyuu cucui nu ta Ni ji'na.

1 JUAN 5:7

Nde cua̱ ntucua sna tya'a ngu' nu nchcui' cha' chañi laca cha' ji'i̱ Jesús bi': ycui' Ndyosi Sti yu laca tsaca ngu' bi'; jua'a̱ Jesucristo nu ntsu'u tyucui cha' ji'i̱ ycui' Ndyosi ji'i̱, bi' laca chaca; lo'o jua'a̱ Xtyi'i ycui' Ni, chaca laca bi'. Stu'ba ti nchcui' nu ca ta'a sna bi', cha' chañi laca cha' bi'.

APOCALIPSIS 1:11

Ndi'ya̱ nchcui' nu bi' lo'o na': ―Ñi'ya̱ nti' letra A, jua'a̱ nguxana lcaa cha' lo'o na'; ñi'ya̱ nti' letra Z, jua'a̱ tye lcaa cha' lo'o na' ―nacui̱ nu nchcui' bi'―. Scua clya nu'u̱ lcaa cha' nu cacha' na' jinu'u̱ juani; lcaa cha' nu ña'a̱ nu'u̱ juani, scua clya nu'u̱ ji'i̱ lo quityi. Li' ta nu'u̱ quityi re cha' tsaa slo nu cati tya'a taju ñati̱ nu ntsu'u cha' ji'i̱ lo'o Jesucristo ca quichi̱ tyi ngu', ca loyuu su cuentya Asia nu ñacui̱ na' re: quichi̱ Efeso, jua'a̱ quichi̱ Esmirna, jua'a̱ quichi̱ Pérgamo, jua'a̱ quichi̱ Tiatira, jua'a̱ quichi̱ Sardis, jua'a̱ quichi̱ Filadelfia, jua'a̱ quichi̱ Laodicea.

APOCALIPSIS 1:17

Lo'o cua na'a̱ na' ji'i̱ Ni, tsiya' ca nclyú na' nde quiya' Ni; cua culiji ti ti' na' ngua, xqui'ya cha' ndyutsi̱i̱ tsa na'. Li' ya' tsu' cui̱ Ni ngusta Ni hichu̱' na', ndi'ya̱ nchcui' Ni lo'o na': ―Ná cutsi̱i̱ nu'u̱ ―nacui̱ Ni―. Na' ntucua̱ lo'o nguxana chalyuu, lo'o jua'a̱ la cui' na' tyucua̱ lo'o tye chalyuu.

APOCALIPSIS 1:2

Nde nscua na' lcaa cha' nu cua na'a̱ ycui' na'; jua'a̱ nchcui' liñi na' lo'o ñati̱ ji'i̱ Ni lcaa cha' nu cua nda ycui' Ndyosi lo'o ngu', la cui' cha' tso'o nu nchcui' tsa Jesús ji'i̱ lo'o ñati̱.

APOCALIPSIS 1:8

“Ñi'ya̱ nti' letra A, jua'a̱ nguxana lcaa cha' lo'o na'; ñi'ya̱ nti' letra Z, jua'a̱ tye lcaa cha' lo'o na'”, nacui̱ ycui' nu Xu'na na nu lcaa cña nchca ji'i̱ Ni. Nu ngua tya clyo lu'ú ycui' Ndyosi, na lu'ú Ni juani, lo'o ña'a̱ ti tya lu'ú Ni tyempo nde loo la.

APOCALIPSIS 19:13

Ndi'ya̱ nchcui' ngu' ji'i̱ Ni: “La cui' nde laca cha' nu cua nda Ni lo'o ñati̱”. Tyucui ña'a̱ lo ste' Ni ndu'u tañi.

APOCALIPSIS 2:8

’Lo'o jua'a̱ scua nu'u̱ cha' re cha' tsaa slo nu ñati̱ nu ndu̱ cuentya jna' nde quichi̱ Esmirna, cha' culu'u cha' ji'i̱ ycui' Ndyosi ji'i̱ ngu' bi': “Ndi'ya̱ nchcui' na' lo'o ma̱, na' nu ntucua̱ lo'o nguxana lcaa cha', la cui' na' nu tya tyucua̱ lo'o tye lcaa cha': Chañi cha' ngujuii na', pana cua ndyu'ú na' chaca quiya'.

APOCALIPSIS 21:6

Li' nchcui' Ni lo'o na' chaca quiya': ―Jua'a̱ caca lacua. Ñi'ya̱ nti' letra A ―nacui̱ Ni―, jua'a̱ nguxana lcaa cha' lo'o na'; ñi'ya̱ nti' letra Z, jua'a̱ tye lcaa cha' lo'o na' ―nacui̱ Ni―. Xlya'be ti ta na' na co'o ñati̱ nu jña tsa cha' bi' 'na; nu na co'o ngu' bi', tyu'u bi' ca su tyu'u lcaa cha' tso'o nu ta na' ji'i̱ ngu' cha' cua'ni cu'ú cresiya ji'i̱ ngu'.

APOCALIPSIS 22:13

Ñi'ya̱ nti' letra A nti' na', cha' na' ntucua̱ su nguxana lcaa cha'; ñi'ya̱ nti' letra Z, jua'a̱ nti' na', cha' la cui' na' ntucua̱ ca su tye lcaa cha'.

APOCALIPSIS 3:14

’Lo'o jua'a̱ scua nu'u̱ cha' re cha' tsaa slo nu ñati̱ nu ndu̱ cuentya jna' nde quichi̱ Laodicea, cha' culu'u cha' ji'i̱ ycui' Ndyosi ji'i̱ ngu' bi': “Ndi'ya̱ nchcui' na' lo'o ma̱: Chañi cha' ndyu'u tucua cha', lcaa cha' nu nda na' lo'o ñati̱; liñi tsa nchcui' na' cha' ji'i̱ ycui' Ndyosi Sti na' lo'o ñati̱, cha' tyucui tyiquee na' ndu'ni na' cña ji'i̱ ycui' Ni. Nu lo'o nguxana ndya' lcaa na nu ntsu'u chalyuu, stu'ba ti ndu̱ na' lo'o ycui' Ni nu ngua li', nacui̱ Jesús.