FILEMÓN 1:6 - Chatino Tataltepec

⁶ bi' cha' ndijña na' cha' clyu ti' ji'i̱ ycui' Ndyosi, cha' ca cuayá' tso'o ti' lcaa ngu' nu ndyuna cha' nu nchcui' nu'u̱ lo'o ngu' cuentya ji'i̱ Jesucristo, cha' lo'o ña'a̱ ngu' jinu'u̱, li' ca cuayá' tso'o ti' ngu' cha' xcui' tso'o tsa ndyu'ni Cristo lo'o na.

FILEMÓN 1:6 Iomraidhean Croise

SAN MATEO 25:16

Hora ti ndyaa msu nu ntsu'u ca'yu mil cñi plata ji'i̱, ngüi'ya yu yu'ba lo'o cñi bi'. Li' ndyujui' yu yu'ba bi', ngua'ni yu ngana ña'a̱ cuayá' nu ngujui chaca ca'yu mil cñi plata ji'i̱.

SAN MATEO 5:16

Lo'o jua'a̱ cu'ma̱ ni, si xee laca ma̱ nu culu'u tyucui̱i̱ ji'i̱ ñati̱, xcui' cha' tso'o cua'ni ma̱ cha' ña'a̱ xa' ñati̱ ña'a̱ cha' tso'o nu ndu'ni ma̱, nu laca ma̱ sñi' ycui' Ndyosi. Lo'o li' tyi'u ti' ngu' ji'i̱ ycui' Ndyosi Sti na, cua'ni tlyu ngu' ji'i̱ ycui' Ndyosi nu ntucua nde cua̱.

1 CORINTIOS 14:25

ycui' ca ti ngu' caca cuayá' ti' lcaa cha' cuxi nu ntsu'u yacu̱' ti ne' cresiya ji'i̱ ngu'. Lo'o jua'a̱ tyatu̱ sti̱' ngu' li' cha' cua'ni tlyu ngu' ji'i̱ ycui' Ndyosi, ñacui̱ ngu' cha' chañi cha' ndi'i̱ Xtyi'i ycui' Ndyosi lo'o cu'ma̱.

1 CORINTIOS 16:9

Tso'o tsa ndyaca 'na su ndi'i̱ na' quichi̱ re, cha' ntsu'u tsa ngu' quichi̱ nu tso'o tsa ndaca'a̱ jyaca̱ lo'o nchcui' na' lo'o ngu', masi ña'a̱ ti ntsu'u tsa ñati̱ nu nxu̱u̱ tya'a lo'o na'.

FILIPENSES 4:8

Cu'ma̱ tya'a ngusñi na cha' ji'i̱ Cristo, ndi'ya̱ ti culacua ti' ma̱ tyucui tyempo nu ndi'i̱ ma̱ chalyuu: Cua ña'a̱ ca cha' nu chañi tsa cha' jua'a̱ laca, bi' laca nu nga'a̱ cha' tyu'u tyiquee ma̱ ji'i̱; jua'a̱ lcaa cha' nu cua'ni chi̱ ngu' loo, lcaa cha' nu liñi ca, lcaa cha' su lubii ntsu'u tyiquee na, lcaa cha' nu tso'o tsa ña'a̱, lcaa cha' nu tso'o tsa nti' ngu' ña'a̱ ngu' ji'i̱, masi lcaa cha' tso'o bi', nu jua'a̱ tso'o tsa nchcui' ngu' ji'i̱, bi' laca nu nga'a̱ cha' tyu'u tyiquee ma̱ ji'i̱.

COLOSENSES 1:9

Bi' cha' juani lu'ba ti nchcui' ya lo'o ycui' Ndyosi cuentya ji'i̱ cu'ma̱; tya lo'o ngujui cha' ji'i̱ ya cha' cua ngusñi ma̱ cha' bi', ndijña ya cha' ji'i̱ ycui' Ndyosi cha' ta Ni chacuayá' cha' caca cuayá' lyiji ti' ma̱ lcaa cha' ñi'ya̱ nu nti' Ni cha' cua'ni ma̱, cha' jua'a̱ taca culacua tso'o ti' ma̱, taca ca'ya cha' tso'o hique ma̱ xqui'ya Xtyi'i ycui' Ndyosi li'.

COLOSENSES 3:10

cha' juani cua ngujui chaca chalyuu cucui ji'i̱ ma̱. Chaca lo ñati̱ cua laca ma̱ juani; cua nguxcutsa'a̱ ycui' Ndyosi lcaa cha' nu ntsu'u ne' cresiya ji'i̱ ma̱ juani, cha' jua'a̱ caca ma̱ ñi'ya̱ nu laca ycui' Ni, nu lo'o ndyaca tsa'a̱ lyiji ma̱ lcaa cha' nu ntsu'u ji'i̱ ycui' Ni.

TITO 3:14

Ntsu'u cha' ca tsa'a̱ ca ta'a ñati̱ ji'i̱ Jesucristo tya'a na cha' cua'ni ngu' lcaa lo cha' tso'o, cha' taca xtyucua ngu' ji'i̱ tya'a ñati̱ ngu' nu lyiji xi ji'i̱; ná tso'o si taja ti ndi'i̱ ngu' chalyuu.

HEBREOS 6:10

Lo'o jua'a̱ liñi tsa ndu'ni ycui' Ndyosi lo'o na. Ná cjlyaa ti' Ni lcaa cha' tso'o nu cua ndyu'ni ma̱, nu lo'o nxtyucua ma̱ ji'i̱ ngu' tya'a ngusñi na cha' ji'i̱ Jesús, cha' cua quiña'a̱ xi cña ndyu'ni ma̱ cuentya ji'i̱ ngu' bi'. Xqui'ya cha' ndyu'ni ma̱ jua'a̱, bi' cha' jlo ti' xa' ñati̱ cha' ntsu'u tsa tyiquee ma̱ ji'i̱ Jesús, cha' ña'a̱ ti tya ndyu'ni ma̱ cha' tso'o lo'o ngu' juani.

SANTIAGO 2:14

Cu'ma̱ tya'a ngusñi na cha' ji'i̱ Jesús, ná taca ñacui̱ na cha' ntsu'u cha' ji'na lo'o Jesús, si ná lo'o ndu'ni na cha' tso'o nu xtyucua ji'i̱ tya'a ñati̱ na. Sca ti ngusñi tso'o na cha' ji'i̱ Jesús, si cua'ni na cha' tso'o jua'a̱; li' tyaja'a̱ Ni cua'ni lyaá Ni ji'na.

SANTIAGO 2:17

ná taca ñacui̱ na ji'i̱ ngu' cha' cua ngusñi na cha' ji'i̱ ycui' Ndyosi, si ná lo'o cua'ni na cha' tso'o nu xtyucua ji'i̱ tya'a ñati̱ na.

1 PEDRO 2:12

Xcui' cha' liñi cua'ni ma̱ lacua; xcui' cha' tso'o cua'ni ma̱, xqui'ya nu ñati̱ nu ná jlya ti' ji'i̱ ycui' Ndyosi tsiya' ti, cha' lo'o ngu' bi' taca ca cuayá' ti' ngu' cha' ñati̱ tso'o laca ma̱. Nu juani nti' ngu' bi' cha' cuxi tsa ñati̱ laca ma̱, bi' cha tso'o la si cua'ni ma̱ xcui' cha' tso'o ti cha' ña'a̱ ñati̱ bi' ji'i̱ ma̱; li' ta ngu' bi' cuentya cha' chañi cha' ñati̱ tso'o laca ma̱. Lo'o ñati̱ bi' cua'ni tlyu ji'i̱ ycui' Ndyosi tsa̱ nu cua'ni cuayá' Ni ji'i̱ ñati̱ li'.

1 PEDRO 3:1

Lo'o jua'a̱ cu'ma̱ ngu' cuna'a̱ ni, ntsu'u cha' taquiya' ma̱ ji'i̱ cha' nu nchcui' clyo'o ma̱, cha' nu qui'yu laca loo ji'i̱ nu cuna'a̱, masi tya lyiji taquiya' nu qui'yu bi' ji'i̱ ycui' Ni. Pana lo'o ña'a̱ nu ngu' qui'yu clyo'o ma̱ lcaa cha' tso'o nu ndu'ni ma̱, li' xñi ngu' cha' ji'i̱ ycui' Ni, masi bilya chcui' ma̱ lo'o ngu' ji'i̱ cha' bi';

1 PEDRO 3:16

Xcui' cha' tso'o cua'ni ma̱ lo'o ngu' lacua, cha' taca tyanu lubii cresiya ji'i̱ ma̱; li' caca tyuju'u ti' nu ngu' cuiñi bi', ngu' nu nchcui' cuentyu ji'i̱ ma̱ xqui'ya cha' tso'o nu ndyu'ni ma̱ cuentya ji'i̱ Cristo.

2 PEDRO 1:8

Si ndu'ni ma̱ lcaa lo cña bi', si jua'a̱ ti ndu'ni ma̱ lo'o ndi'i̱ ma̱ chalyuu, li' caca cuayá' la ti' ma̱ ñi'ya̱ ntsu'u lcaa cha' ji'i̱ Jesucristo nu Xu'na na. Ná ca taja ti' ma̱, cha' tso'o tsa cua'nijo'o ma̱ ji'i̱ ycui' Ndyosi li'.