FILEMÓN 1:24 - Chatino Tataltepec

²⁴ Lo'o jua'a̱ Marcos, lo'o Aristarco, lo'o Demas, lo'o Lucas, ca ta'a ngu' ndyi'u ti' ngu' jinu'u̱. Nxtyucua tsa ngu' bi' 'na lo'o cña ji'i̱ ycui' Ndyosi ca nde.

FILEMÓN 1:24 Iomraidhean Croise

LOS HECHOS 12:12

Ngulacua tsa ti' Pedro su ndu̱ ycui' ti yu. Nu lo'o ngua cuayá' ti' yu, li' ndyaa yu ca slo María xtya'a̱ Juan Marcos. Ca ni'i̱ bi' ndyu'u ti'i̱ tyu̱u̱ tya'a ñati̱ ji'i̱ Jesús, nchcui' ngu' lo'o ycui' Ndyosi.

LOS HECHOS 12:25

Nu lo'o cua ndye cña ji'i̱ Bernabé lo'o Saulo ca quichi̱ Jerusalén, li' nguxtyu̱u̱ ngu' ñaa ngu' nde quichi̱ Antioquía chaca quiya'. Ñaa lo'o ngu' ji'i̱ Juan, la cui' nu naa Juan Marcos.

LOS HECHOS 13:13

Lo'o li' ndu'u Pablo lo'o tya'a ndya'a̱ yu, ndu'u ngu' quichi̱ Pafos ndyaa ngu'. Ndyatí̱ ngu' ne' yaca ni'i̱ ndyaa ngu' chaca tsu' tyujo'o, ndyalaa ngu' ca quichi̱ Perge ca loyuu su cuentya Panfilia li'. Nga'aa ndya'a̱ Juan lo'o ngu' li', na cua ndyaa yu quichi̱ tyi yu.

LOS HECHOS 19:29

Ná jlo ti' ngu' quichi̱ na laca ngua ji'i̱ ngu' cha' nxi'ya tsa ngu' jua'a̱, pana ngusna lcaa ngu' ndyaa ngu' cha' ña'a̱ cui'ya ngu' xi ji'i̱. Li' ntejeya' ngu' ji'i̱ Gayo lo'o Aristarco xqui'ya cha' ndya'a̱ ngu' lo'o Pablo, masi ngu' Macedonia laca ngu' bi', ndyaa lo'o ngu' bi' ji'i̱ ngu' ca su ndyu'u ti'i̱ ngu' quichi̱.

LOS HECHOS 27:2

Lo'o jua'a̱ ndyaa Aristarco ngu' Tesalónica lo'o ya. (Quichi̱ Tesalónica ndi'i̱ ca loyuu su cuentya Macedonia.) Ndyaa ya ndyatí̱ ya ne' sca yaca ni'i̱ nu cua tsaa ti nde tyu̱u̱ tya'a quichi̱ nde loyuu su cuentya Asia. Lo'o jua'a̱ quichi̱ tyi xu'na yaca ni'i̱ bi' naa Adramitio.

2 CORINTIOS 8:23

Bi' cha' juani si xcuane ngu' ji'i̱ ma̱ ni cña laca ndya'a̱ Tito, ndi'ya̱ ñacui̱ ma̱ ji'i̱ ngu': Tya'a ndya'a̱ na cña laca yu re. Lo'o jua'a̱ xacui̱ ma̱ cha' ji'i̱ ngu' cha' stu'ba ndyu'ni yu cña lo'o cua cuentya ji'i̱ cu'ma̱. La cui' jua'a̱ si xcuane ngu' ji'i̱ ma̱, ni cña laca nu ndya'a̱ xa' la tya'a ndya'a̱ Tito bi', ndi'ya̱ xacui̱ ma̱ cha' ji'i̱ ngu' li': Ndya'a̱ ngu' bi' cuentya ji'i̱ lcaa latya ngu' xa' quichi̱ nu ndyu'ni tlyu ji'i̱ Cristo, cha' ndu'ni chi̱ ngu' loo Cristo.

FILIPENSES 2:25

Lo'o jua'a̱ ndu'ni tsa cha' ca̱a̱ chaca yu ca slo ma̱, nti' na'; Epafrodito laca yu bi'. La cui' yu tya'a ndya'a̱ ya cña laca yu, lo'o jua'a̱ nguula tsa cña ngua'ni yu lo'o ya lo'o nguxacui̱ ya cha' ji'i̱ ngu' cuxi. La cui' yu bi' laca nu nda ma̱ ya̱a̱ ca slo na' tya tsubi' la, cha' xtyucua yu 'na lo'o na laca nu lyiji xi 'na cha' tyiji̱ yu'u 'na chalyuu.

FILIPENSES 4:3

Lo'o nu'u̱ nu tso'o tsa tya'a ndya'a̱ na cña, cua nti' na' cha' xtyucua nu'u̱ ji'i̱ tyucuaa ma' cusu' bi', cha' taca ca tso'o tyiquee ngu' bi' lo'o tya'a ngu'. Tyucuaa ma' cusu' bi' cua ngua'ni tsa ngu' cña cha' cañi la cha' tso'o ji'i̱ Jesús nquicha'; stu'ba ti ngua'ni ngu' bi' cña lo'o na', lo'o Clemente, lo'o xa' la ngu' tya'a ndya'a̱ ya cña. Cua nscua xtañi lcaa ngu' bi' lo quityi ji'i̱ ycui' Ndyosi, nu nscua xtañi ñati̱ nu caja chalyuu nu ná nga'a̱ cha' tye ji'i̱.

COLOSENSES 4:10

Aristarco tya'a ntsu'u na' ne' chcua̱, lo'o yu nda yu xlyo ni'i̱ ji'i̱ ma̱; la cui' jua'a̱ cha' nda Marcos tya'a Bernabé. (Tya tsubi' la cua nda na' sca cha' nu ndyaa ca slo cu'ma̱ cuentya ji'i̱ nu Marcos bi', cha' tso'o ti chcui' ma̱ lo'o yu nu lo'o tyalaa yu slo ma̱).

COLOSENSES 4:14

Lo'o Lucas tya'a tso'o na nu ndyu'ni jo'o ji'i̱ ngu', lo'o jua'a̱ Demas, nda ngu' xlyo ni'i̱ ji'i̱ ma̱.

1 PEDRO 5:13

Ña'a̱ tsaca taju ñati̱ ji'i̱ Jesucristo nde Babilonia re nda ngu' xlyo ni'i̱ ji'i̱ ma̱. Ngu' tya'a na laca ngu' bi', cha' lo'o tyucui taju ngu' bi', ngusubi ycui' Ndyosi ji'i̱ ngu' cha' caca ngu' ñati̱ ji'i̱ Ni. “Xlyo ni'i̱”, nacui̱ Marcos ji'i̱ cu'ma̱, nu Marcos nu laca ñi'ya̱ nti' sca sñi' na'.

3 JUAN 1:8

bi' cha' nu na ni, tya'a ngusñi na cha' ji'i̱ Cristo, nga'a̱ cha' xtyucua na ji'i̱ ngu' bi'. Lo'o jua'a̱ taca ca stu'ba cha' ji'na lo'o ngu' bi' lo'o sañi na cha' liñi nu cua nda Cristo lo'o na ca tyijyu' la.