FILEMÓN 1:22 - Chatino Tataltepec

²² Lo'o chaca cha' ni, nduna ycui' Ndyosi cha' lu'ba ti ndijña ma̱ sca cha' cuentya jna', bi' cha' tso'o si cua'ni cho'o ma̱ sca se'i̱ su tyi'i̱ na'; ndu̱ ti' na' cha' laja ti tyu'u na' ne' chcua̱ nde, ca̱a̱ na' ca slo cu'ma̱ li'.

FILEMÓN 1:22 Iomraidhean Croise

LOS HECHOS 27:24

ndi'ya̱ nchcui' nu bi' lo'o na': “Ná cutsi̱i̱ nu'u̱, Pablo”, nacui̱ xca̱ bi' jna'. “Na cua nscua cha' tyatu̱ nu'u̱ slo rey ji'i̱ ngu' romano nu laca loo la”, nacui̱, “bi' cha' cua'ni lyaá ycui' Ndyosi ji'i̱ lcaa ngu' tya'a ndya'a̱ nu'u̱ ne' yaca ni'i̱ re xqui'ya nu'u̱, cha' nu'u̱ laca tu'ba ji'i̱ Ni.”

LOS HECHOS 28:23

Li' ngüiñi cha' ji'i̱ ngu' ni tsa̱ tyu'u ti'i̱ lcaa ngu' slo Pablo. Tsa̱ bi' quiña'a̱ tsa ñati̱ ndyu'u ti'i̱ slo yu. Tyucui tsa̱ ngulu'u yu ji'i̱ ngu'; ngulu'u yu ñi'ya̱ nu nclyo ycui' Ndyosi cña, ñi'ya̱ ngua cha' nu nguscua jyo'o Moisés cuentya ji'i̱ Ni, ñi'ya̱ ngua cha' nu nguscua jyo'o cusu' nu ngua tu'ba ji'i̱ Ni lo quityi lo'o nchcui' ngu' cha' ji'i̱ Jesús.

ROMANOS 15:24

bi' cha' cua nti' na' cha' ca̱a̱ na' tyi'i̱ na' xi ca su ndi'i̱ ma̱, tyucui̱i̱ su tsa'a̱ nde España. Li' taca ta na' xi cha' lo'o ma̱. Nu lo'o ngua chaa xi ti' na lo'o tya'a na, li' taca chcui' salya' ma̱ lo'o na', cha' xtyucua ma̱ jna' tyucui̱i̱ su tsa'a̱ nde loo la.

2 CORINTIOS 1:11

Lo'o jua'a̱ taca xtyucua ma̱ ji'i̱ ya nu lo'o chcui' ma̱ lo'o ycui' Ndyosi cuentya ji'i̱ cuare. Tucuá Ni cha' nu chcui' ma̱ lo'o Ni, cha' tyu̱u̱ tya'a ma̱; li' cua'ni Ni cha' caca tso'o ji'i̱ ya. Lo'o li' tyu̱u̱ tya'a ma̱ taca tya ma̱ xlya'be ji'i̱ ycui' Ndyosi cuentya ji'i̱ ya, nu lo'o cua ngulaá ya ji'i̱ nu cuxi.

FILIPENSES 1:19

Ndu̱ ti' na' cha' yala ti caca tso'o la cha' jna' re, cha' cua jlo ti' na' ñi'ya̱ ndijña tsa ma̱ ji'i̱ ycui' Ndyosi cha' tyu'u na' ne' chcua̱ re, cha' tyu'u na' nde liya'; jlo ti' na' cha' nxtyucua tsa la cui' Xtyi'i ycui' Jesucristo 'na.

FILIPENSES 2:24

masi nda ti' na' cha' lo'o ycui' na' taca ca̱a̱ na' yala ti ca su ndi'i̱ ma̱ chacuayá' ji'i̱ ycui' nu Xu'na na.

HEBREOS 13:19

Bi' cha' xa' ndijña tsa na' ji'i̱ ma̱, cha' lu'ba ti chcui' ma̱ lo'o ycui' Ndyosi cuentya jna'. Ná tyiquee' cua'ni Ni cha' xtyu̱u̱ na' ca̱a̱ na' yala la ca su ndi'i̱ ma̱.

HEBREOS 13:23

Chaca cha' nti' na' chcui̱' lo'o ma̱: Cua ngulaá ngu' ji'i̱ Timoteo, tya'a ndya'a̱ na cña, ca su ngutu'ú yu ne' chcua̱; nu lo'o ca̱a̱ na', ca̱lo'o na' ji'i̱ yu li', si yala ti tyalaa yu slo na'.

SANTIAGO 5:16

Bi' cha' lacua, ñii ma̱ ji'i̱ ngu' tya'a ma̱ si ntsu'u qui'ya ji'i̱ ma̱, cuati jña ma̱ cha' clyu ti' ji'i̱ ngu' tya'a ma̱ lo'o ycui' Ndyosi, cha' ca tso'o tyucui ña'a̱ ma̱ chaca quiya'. Quiña'a̱ tsa cña caca ji'i̱ sca ñati̱ nu lubii cresiya ji'i̱ cuentya ji'i̱ ycui' Ndyosi, nu lo'o jña yu sca cha' ji'i̱ Ni.

2 JUAN 1:12

Tya ntsu'u tsa cha' nu nti' na' chcui̱' lo'o ma̱, pana tso'o la masi ná lo'o cha' bi' scua na' lo quityi re. Tiya' la nti' na' ca̱a̱ na' ca su ndi'i̱ cu'ma̱, lo'o li' ycui' ca na' taca ta na' cha' bi' lo'o ma̱; li' chañi cha' tso'o ti taca tyu'u tyiquee na ña'a̱ na ji'i̱ tya'a na.

3 JUAN 1:14

tso'o la yala ti ca̱a̱ na' ca su ndi'i̱ nu'u̱ cha' ycui' ca na' ta na' xi cha' lo'o nu'u̱.