FILEMÓN 1:2 - Chatino Tataltepec

² Lo'o jua'a̱ nscua ya quityi re cha' taca cuna lcaa ngu' nu ndyu'u ti'i̱ ca slo nu'u̱ cha' nu nchcui' ya re, lo'o ma' Apia tya'a na, lo'o Arquipo nu stu'ba ti lo'o cuare nxu̱u̱ tya'a lo'o nu cuxi cuentya ji'i̱ ycui' Ndyosi.

FILEMÓN 1:2 Iomraidhean Croise

ROMANOS 16:1

Lo'o tyalaa ma' Febe slo ma̱, chcui' tso'o ma̱ lo'o ma' xqui'ya ycui' nu Xu'na na, ñi'ya̱ nu nga'a̱ cha' cua'ni ma̱, cha' tya'a ngusñi na cha' ji'i̱ Cristo laca ma' bi'. Tya'a na laca ma' Febe, ndyu'ni ma' cña cuentya ji'i̱ taju ñati̱ ji'i̱ Cristo nu ndi'i̱ quichi̱ Cencrea. Ta ma̱ na nu lyiji ji'i̱ ma' cusu' bi', cha' cua nguxtyucua tsa ma' ji'i̱ quiña'a̱ tsa ñati̱ tya tsubi' la; lo'o jua'a̱ na', cua nguxtyucua tsa ma' jna'.

ROMANOS 16:5

Cuati chcuicha' ma̱ ji'i̱ lcaa ñati̱ ji'i̱ Cristo nu ndyu'u ti'i̱ ca toni'i̱ ji'i̱ nu Aquila bi'. Lo'o jua'a̱ chcuicha' ma̱ ji'i̱ Epeneto tya'a tso'o na', ngu' Asia nu clyo ngusñi cha' ji'i̱ Cristo laca yu bi'.

1 CORINTIOS 16:19

Lcaa quichi̱ ca loyuu su cuentya Asia su ntsu'u ñati̱ nu ndyu'u ti'i̱ cuentya ji'i̱ Jesús, nda ngu' xlyo ni'i̱ ji'i̱ ma̱. Lo'o jua'a̱ Aquila lo'o Priscila, cuati jua'a̱ lcaa ñati̱ nu ndyu'u ti'i̱ to' tyi ngu' bi', nda ngu' xlyo ni'i̱ ji'i̱ ma̱ cuentya ji'i̱ ycui' nu Xu'na na.

FILIPENSES 2:25

Lo'o jua'a̱ ndu'ni tsa cha' ca̱a̱ chaca yu ca slo ma̱, nti' na'; Epafrodito laca yu bi'. La cui' yu tya'a ndya'a̱ ya cña laca yu, lo'o jua'a̱ nguula tsa cña ngua'ni yu lo'o ya lo'o nguxacui̱ ya cha' ji'i̱ ngu' cuxi. La cui' yu bi' laca nu nda ma̱ ya̱a̱ ca slo na' tya tsubi' la, cha' xtyucua yu 'na lo'o na laca nu lyiji xi 'na cha' tyiji̱ yu'u 'na chalyuu.

COLOSENSES 4:15

Lo'o jua'a̱ ta ma̱ xlyo ni'i̱ ji'i̱ ngu' tya'a ngusñi na cha' ji'i̱ Cristo nde quichi̱ Laodicea, lo'o jua'a̱ ji'i̱ ma' Ninfas lo'o lcaa ngu' tya'a na nu ndyu'u ti'i̱ ca slo ma' cusu' bi'.

COLOSENSES 4:17

Ndi'ya̱ chcui' ma̱ lo'o yu Arquipo tya'a na: “Cua ngua'a̱ lo ycui' nu Xu'na na jinu'u̱ cha' cua'ni nu'u̱ cña bi' cuentya ji'i̱ ycui' Ni”, ñacui̱ ma̱ ji'i̱ yu, “bi' cha' juani cua'ni cña ti' nu'u̱ cha' caca tso'o cña bi'”.