FILEMÓN 1:14 - Chatino Tataltepec

¹⁴ Pana nti' na' quiñi cha' 'na lo'o nu'u̱ clyo, Filemón. Tso'o tsa tyiquee nu'u̱, lo'o nti' na' cha' cua'ni nu'u̱ lo'o yu ñi'ya̱ nu nti' ycui' nu'u̱; ná nti' na' culo na' cña jinu'u̱ cha' tyanu yu lo'o na'.

FILEMÓN 1:14 Iomraidhean Croise

1 CORINTIOS 9:17

Nu lo'o cua'ni na' sca cña cuentya 'na ti, ndu̱ ti' na' cha' caja xcaya' na' li'. Pana xa' ña'a̱ cña laca cña nu nda Ni 'na; na cua ndyanu cña bi' 'na cha' bi' ti cña cua'ni na', cha' cua ndatsaa Ni 'na cha' cua'ni na' ji'i̱. Bi' cha' ndyu'ni na' cña bi'.

1 CORINTIOS 9:7

¿Ha ná jlo ti' ma̱ ñi'ya̱ ndu'ni ñati̱ chalyuu cha' tyiji̱ yu'u ji'i̱ ngu' chalyuu? Ñi'ya̱ nti' ngu' sendaru ni, ná ndya'a̱ bi' cusu̱u̱ laja ti, ntsu'u nu nda caya' ji'i̱ ngu'. Lo'o jua'a̱ ñati̱ nu ntsu'u cña ne' quixi̱' ni, ndyiji na cacu ngu' lo na nu ntyaa ngu'; nu ngu' nu ndya'a̱ lo'o scu̱' ñati̱ ni, ndyi'yu ngu' styi' nu ndyu'u ji'i̱ scu̱' ngu'. Bi' cha' ntsu'u chacuayá' ji'i̱ ya cha' caja na nu tyiji̱ yu'u ji'i̱ ya chalyuu. Jua'a̱ ni na' ji'i̱ ngu' bi'.

2 CORINTIOS 1:24

Pana tso'o la masi si'i xqui'ya cuare ti taquiya' ma̱ cha' ji'i̱ ycui' Ndyosi, cha' ne' tyiquee ycui' ca ma̱ cua ngusñi tso'o ma̱ cha' ji'i̱ Jesús. Na cua nti' ya xtyucua ya ji'i̱ ma̱ cha' ca chaa la ti' ma̱ laja lo'o ndyu'ni tlyu ycui' ca ma̱ ji'i̱ Jesús.

2 CORINTIOS 8:12

Si chañi cha' ntsu'u tyiquee ngu' ta ngu' tsa ña'a̱ nu ntsu'u xi ji'i̱ ngu', tso'o ti xñi ycui' Ndyosi msta̱ bi' ji'i̱ ngu', ñi'ya̱ nu nchca ti ji'i̱ ngu' li'; ná nti' Ni cha' ta ngu' msta̱ si ná sca na ntsu'u ji'i̱ ngu'.

2 CORINTIOS 9:5

Bi' cha' cua nchcui' na' lo'o ngu' tya'a na re, cha' tsaa ngu' nde loo la que na', cha' xtyucua ngu' ji'i̱ ma̱ cha' cua'ni cho'o ma̱ msta̱, ñi'ya̱ nu nacui̱ ma̱ 'na cha' ta ma̱; cua laca nscua se'i̱ ti cha' bi' lo'o ca̱a̱ na' li'. Jua'a̱ laca bi' sca cña tso'o nu ngua'ni ma̱ xqui'ya cha' ndiya ti' ma̱ ndu'ni ma̱ ji'i̱, si'i sca cña nu ndatsaa tsa ya ji'i̱ ma̱ laca nu ngua'ni ma̱ li'.

2 CORINTIOS 9:7

La cui' jua'a̱ lo'o ta na cñi xlya'be ti, nga'a̱ cha' quiñi ti' na ni tsa lo ta scaa na. Ná tso'o si cha' cuiñi ti na ta na ji'i̱, la cui' ti ná tso'o si cha' juersa ti ta na ji'i̱; ndiya la ti' ycui' Ndyosi si tso'o ntsu'u tyiquee na ta na ji'i̱.