FILEMÓN 1:1 - Chatino Tataltepec

¹ Pablo laca na', lo'o juani ntsu'u na' ne' chcua̱ cuentya ji'i̱ Jesucristo. Nscua na' quityi re lo'o Timoteo tya'a na, cha' ta ya cha' lo'o nu'u̱, Filemón, cha' tso'o tsa tya'a tso'o na laca nu'u̱, cha' la cui' tya'a cña ndyu'ni na.

FILEMÓN 1:1 Iomraidhean Croise

LOS HECHOS 16:1

Ndyalaa Pablo lo'o Silas ca quichi̱ Derbe, li' ndyalaa ngu' ca quichi̱ Listra. Quichi̱ bi' ndyacua tya'a ngu' lo'o sca yu cuañi' tya'a ngusñi ngu' cha' ji'i̱ Jesucristo nu naa Timoteo. Xtya'a̱ yu laca sca nu cuna'a̱ judío nu ntsu'u cha' ji'i̱ lo'o Jesucristo, pana ngu' griego ngua sti yu.

1 CORINTIOS 3:9

Tya'a ndyu'ni ya cña ji'i̱ ycui' Ndyosi laca cuare; lo'o cu'ma̱ ni, ndu'ni Ni cña ne' cresiya ji'i̱ ma̱, cña ji'i̱ ycui' Ndyosi laca bi'. Lo'o jua'a̱ taca ta na' chaca cui̱i̱ lo'o ma̱ juani: ñi'ya̱ si laca ma̱ sca ni'i̱ tonu, jua'a̱ laca ma̱ cuentya ji'i̱ ycui' Ndyosi;

2 CORINTIOS 1:1

Pablo laca na'. Se'i̱ ti ndi'i̱ na' ca nde lo'o Timoteo tya'a ngusñi na cha' ji'i̱ Cristo. Nscua ya quityi re cha' ca̱a̱ slo lcaa cu'ma̱ ca quichi̱ Corinto nu tsa tlyu ti ndyu'ni tlyu ma̱ ji'i̱ ycui' Ndyosi, lo'o jua'a̱ tyaa quityi re slo lcaa ñati̱ nu ntsu'u cha' ji'i̱ lo'o ycui' Ndyosi tyucui ña'a̱ loyuu su cuentya Acaya. Cua nda ycui' Ndyosi cña 'na cha' tsa'a na' chcui' na' lo'o ngu' xa' quichi̱ ca tyijyu' la, lcaa cha' nu ji'i̱ Jesucristo.

GÁLATAS 3:26

Sñi' ycui' Ndyosi laca lcaa cu'ma̱ juani lo'o ngusñi ma̱ cha' ji'i̱ Jesucristo, xqui'ya cha' cua ntsu'u cha' ji'i̱ ma̱ lo'o Ni.

EFESIOS 3:1

Xqui'ya cha' nu cua nchcui' ca na', bi' cha' nchcui' tsa na' lo'o Cristo cuentya ji'i̱ cu'ma̱. La cui' Pablo laca na'; ntsu'u na' ne' chcua̱ juani xqui'ya cha' cua nchcui' na' cha' ji'i̱ Jesucristo lo'o ñati̱, cha' nguxtyucua na' ji'i̱ cu'ma̱ nu si'i ngu' judío laca ma̱.

EFESIOS 4:1

Preso laca na' juani xqui'ya cha' nda na' cha' ji'i̱ nu Xu'na na lo'o ñati̱. Pana nchcui' na' lo'o ma̱ cha' tso'o ti cua'ni ma̱ lo'o xa' ñati̱; ñi'ya̱ nu nchcui' cha' ji'i̱ ycui' Ndyosi nu ngua tsa'a̱ ma̱ tya lo'o ngusubi Ni ji'i̱ ma̱ tya clyo, la cui' jua'a̱ cua'ni ma̱ lo'o xa' ñati̱.

EFESIOS 6:20

Cua ngusubi Ni 'na cha' tsa'a̱ tyijyu', cha' ta na' cha' bi' lo'o ñati̱; bi' cha' laca na' preso juani. Chcui' ma̱ lo'o ycui' Ndyosi cuentya jna' lacua, cha' taca chcui' liñi na' cha' bi' lo'o ñati̱, ñi'ya̱ nu nga'a̱ cha' chcui' na'.

FILIPENSES 1:1

Pablo lo'o Timoteo laca cuare. Tyucuaa ya ndyu'ni ya cña ji'i̱ Jesucristo, bi' cha' nscua ya quityi re cha' ca̱a̱ ca slo cu'ma̱, cha' tya'a ñati̱ ji'i̱ ycui' Ndyosi laca na. Cua ngusñi na cha' ji'i̱ Jesucristo, bi' cha' laca na ñati̱ ji'i̱ ycui' Ndyosi. La cui' jua'a̱ lo'o quityi re chcui' ya xi lo'o lcaa ngu' cusu' nu laca loo ji'i̱ ña'a̱ taju cu'ma̱, jua'a̱ chcui' ya xi lo'o xa' la ngu' nu laca cña, nu ntsu'u cha' xtyucua ji'i̱ ma̱.

FILIPENSES 2:25

Lo'o jua'a̱ ndu'ni tsa cha' ca̱a̱ chaca yu ca slo ma̱, nti' na'; Epafrodito laca yu bi'. La cui' yu tya'a ndya'a̱ ya cña laca yu, lo'o jua'a̱ nguula tsa cña ngua'ni yu lo'o ya lo'o nguxacui̱ ya cha' ji'i̱ ngu' cuxi. La cui' yu bi' laca nu nda ma̱ ya̱a̱ ca slo na' tya tsubi' la, cha' xtyucua yu 'na lo'o na laca nu lyiji xi 'na cha' tyiji̱ yu'u 'na chalyuu.

FILIPENSES 4:3

Lo'o nu'u̱ nu tso'o tsa tya'a ndya'a̱ na cña, cua nti' na' cha' xtyucua nu'u̱ ji'i̱ tyucuaa ma' cusu' bi', cha' taca ca tso'o tyiquee ngu' bi' lo'o tya'a ngu'. Tyucuaa ma' cusu' bi' cua ngua'ni tsa ngu' cña cha' cañi la cha' tso'o ji'i̱ Jesús nquicha'; stu'ba ti ngua'ni ngu' bi' cña lo'o na', lo'o Clemente, lo'o xa' la ngu' tya'a ndya'a̱ ya cña. Cua nscua xtañi lcaa ngu' bi' lo quityi ji'i̱ ycui' Ndyosi, nu nscua xtañi ñati̱ nu caja chalyuu nu ná nga'a̱ cha' tye ji'i̱.

COLOSENSES 1:1

Pablo laca na' nu nscua na' quityi re. Ycui' Ndyosi ngulo cña 'na, bi' cha' ndya'a̱ na' nchcui' na' cha' ji'i̱ Jesucristo lo'o ngu' xa' quichi̱ ca tyijyu' la. Stu'ba ti ndi'i̱ na' ca nde lo'o yu Timoteo tya'a ngusñi na cha' ji'i̱ Cristo.

COLOSENSES 4:11

Lo'o jua'a̱ Jesús nu laca xtañi Justo, cua nti' yu chcuicha' yu ji'i̱ ma̱. Tyu̱u̱ tya'a ngu' judío cua ngusñi cha' ji'i̱ Cristo nquicha'; pana nu sna tya'a ti ngu' bi' ni, Aristarco lo'o Marcos lo'o Justo, tsa bi' ti ngu' ntaja'a̱ tya'a̱ lo'o na' ca su ndya'a̱ na' nchcui' na' lo'o xa' la ñati̱ ñi'ya̱ caca cha' lo'o caca ycui' Ndyosi loo ne' cresiya ji'i̱ ñati̱. Lo'o jua'a̱ cua nxtyucua tsa ngu' bi' 'na.

2 TESALONICENSES 1:1

Pablo, Silvano, Timoteo naa ya. Nscua ya quityi re cha' tsaa ca slo ña'a̱ taju cu'ma̱ ngu' quichi̱ Tesalónica nu ngusñi cha' ji'i̱ ycui' Ndyosi Sti na, cu'ma̱ nu cua ngusñi cha' ji'i̱ Jesucristo nu Xu'na na.

2 TIMOTEO 1:8

Ná ca tyuju'u ti' nu'u̱; ta nu'u̱ cha' lo'o ngu', ñi'ya̱ nu ngusñi nu'u̱ cha' ji'i̱ ycui' nu Xu'na na. La cui' ti ná ca tyuju'u ti' nu'u̱ cha' ntsu'u na' ne' chcua̱. Nchcube' ngu' jna' xqui'ya cha' nchcui' na' cha' ji'i̱ ycui' nu Xu'na na, bi' cha' ná quiña'a̱ tsa culacua ti' nu'u̱ si lo'o jinu'u̱ xcube' ngu' cha' nchcui' nu'u̱ cha' tso'o ji'i̱ Jesucristo lo'o ngu'. Ta ycui' Ndyosi juersa ji'na cha' talo na,

FILEMÓN 1:23

Lo'o yu Epafras tya'a ntsu'u na' ne' chcua̱ re xqui'ya Jesucristo, lo'o yu bi' nda yu xlyo ni'i̱ ji'i̱ ma̱.

FILEMÓN 1:24

Lo'o jua'a̱ Marcos, lo'o Aristarco, lo'o Demas, lo'o Lucas, ca ta'a ngu' ndyi'u ti' ngu' jinu'u̱. Nxtyucua tsa ngu' bi' 'na lo'o cña ji'i̱ ycui' Ndyosi ca nde.