EFESIOS 4:2 - Chatino Tataltepec

² Ná cua'ni tyucuaa ti' ma̱ lo'o tya'a ñati̱ ma̱, tso'o ti chcui' ma̱ lo'o lcaa ngu', talo tyiquee ma̱ ji'i̱ ngu'; jua'a̱ xtyucua ma̱ ji'i̱ ngu' cha' ca cuayá' ti' xa' ñati̱ cha' chañi cha' ntsu'u tyiquee ma̱ ña'a̱ ma̱ ji'i̱ tya'a ñati̱ ma̱.

EFESIOS 4:2 Iomraidhean Croise

SAN MATEO 11:29

Xñi ma̱ cña nu ta na' ji'i̱ ma̱, lo'o li' ca tsa'a̱ ma̱ lcaa cha' 'na. Tya'na tsa ti' na' ña'a̱ na' ji'i̱ ma̱, lo'o jua'a̱ talo tsa tyiquee na' ji'i̱ ma̱; ti̱ ti tyi'i̱ tyiquee ma̱ lo'o cua ngüityi̱ na' cha' cuxi nu ntsu'u ne' cresiya ji'i̱ ma̱.

SAN MARCOS 9:19

―Ná jlya ti' cu'ma̱ tsiya' ti ―nacui̱ Jesús ji'i̱ ngu' bi'―. Cuxi tsa cresiya ji'i̱ ma̱. Nga'aa tso'o tyanu na' slo cu'ma̱, nga'aa talo na' ji'i̱ ma̱ tsiya' ti. Pana ca̱a̱ lo'o ma̱ ji'i̱ nu quicha jua slo na' juani.

LOS HECHOS 20:19

Jlo ti' ma̱ cha' lcaa tsa̱ ngua'ni na' cña ji'i̱ Jesús tyucui tyiquee na'; ná ngua'ni tyucuaa ti' na' lo'o ma̱. Lo'o jua'a̱ ngusi'ya tsa na' xqui'ya ñati̱ cuxi loyuu re. Ngua quicha ti' na' nu lo'o ngua ti' nu ngu' judío tya'a na' cua'ni cuxi ngu' lo'o na'.

ROMANOS 15:1

Lcaa na nu nguula ti' tyiquee na xqui'ya cha' ngusñi na cha' ji'i̱ Cristo, ntsu'u cha' talo tyiquee na ji'i̱ tya'a ngusñi na cha' ji'i̱ Cristo nu tya lyiji xñi tso'o cha' bi'; ntsu'u cha' xtyucua na ji'i̱ ngu'. Si'i xcui' cña ji'i̱ ycui' ca na nu nga'a̱ cha' tyu'u tyiquee na ji'i̱;

1 CORINTIOS 13:7

Si ntsu'u tyiquee na ña'a̱ na ji'i̱ ñati̱, talo tyiquee na ji'i̱ ngu', masi cua ña'a̱ ca cha' cuxi cua'ni ñati̱ bi'; jlya ti' na cua ña'a̱ ca cha' tso'o, ndu̱ ti' na cha' tso'o la caca cha' nde loo la, masi ná jlo ti' na; jua'a̱ tyiquee' talo na lo'o cua ña'a̱ ca cha' nu ndyaca ji'na.

GÁLATAS 6:2

Cua'ni ma̱ cha' stu'ba ti caca tyiquee ma̱ lo'o tya'a ma̱, cha' caca xtyucua ma̱ ji'i̱ ngu' lo'o sca cha' nu ntsu'u ji'i̱ ngu', cha' ná cua'ni ngu' sca cha' cuxi. Jua'a̱ taca taquiya' tso'o na lcaa cña nu nda Cristo cha' cua'ni na.

EFESIOS 1:4

Lo'o tya lyiji tya' chalyuu, tya li' cua ngusubi ycui' Ndyosi ji'na cha' caca na ñati̱ ji'i̱ ycui' Ni, nu lo'o caca stu'ba cha' ji'na lo'o Cristo. Ngua ti' Ni cha' tyu'utsu' na ji'i̱ lcaa lo cha' cuxi, cha' jua'a̱ nga'aa nti' cha' sta Ni qui'ya ji'na tsiya' ti.

COLOSENSES 1:11

Nguula tsa cña ndu'ni ycui' Ndyosi ca su tlyu ca su ntucua ycui' Ni; bi' cha' cua ndijña na' ji'i̱ Ni cha' ta Ni la cui' juersa bi' ji'i̱ ma̱, cha' caca tso'o ti tyiquee ma̱ talo ma̱ ji'i̱ cua ña'a̱ ca cha' cuxi nu tyacua ji'i̱ ma̱.

1 TIMOTEO 6:11

Lo'o nu'u̱ Timoteo, ñati̱ ji'i̱ ycui' Ndyosi laca nu'u̱, bi' cha' xtyanu nu'u̱ ji'i̱ lcaa cha' cuxi bi'; xcui' cha' liñi cua'ni nu'u̱, cua ña'a̱ ca lo cha' tso'o nu nti' ycui' Ndyosi cha' cua'ni na. Tya nxñi tso'o nu'u̱ cha' ji'i̱ ycui' Ndyosi, jua'a̱ cua'ni nu'u̱ cha' tso'o tsa ntsu'u tyiquee nu'u̱ ña'a̱ nu'u̱ ji'i̱ lcaa ñati̱; talo nu'u̱ masi xcube' ngu' jinu'u̱, jua'a̱ cua'ni tya'na ti' nu'u̱ ji'i̱ ñati̱.

2 TIMOTEO 2:25

jua'a̱ ji'i̱ ñati̱ nu ñasi̱' ji'i̱ ngu'. Tso'o ti chcui' ngu' bi' lo'o ñati̱ nu ñasi̱', cha' jua'a̱ taca cua'ni ycui' nu Xu'na na cña ne' cresiya ji'i̱ ñati̱ nu ñasi̱' bi', cha' taca culu'u Ni ji'i̱ ngu' ñi'ya̱ laca lo'o cha' liñi bi'. Tso'o tsa si culochu̱' ñati̱ nu ñasi̱' bi' lcaa cha' cuxi nu ndyu'ni ngu',

SANTIAGO 1:21

Lo'o jua'a̱ nga'a̱ cha' culochu̱' na lcaa cha' suba', lcaa cha' cuxi nu tya ntsu'u ne' cresiya ji'na; tucuá na cha' ji'i̱ ycui' Ndyosi lacua, xñi tso'o na lcaa cha' nu nda Ni cha' tyanu ne' cresiya ji'na, cha' bi' laca cha' nu taca cua'ni lyaá ji'na ji'i̱ nu cuxi nu ntsu'u ji'na.

1 PEDRO 3:15

Tyucui tyiquee ma̱ cua'ni tlyu ma̱ ji'i̱ Cristo, cha' chañi cha' laca Ni nu Xu'na na. Lo'o jua'a̱ culacua xi ti' ma̱ ñi'ya̱ caca xacui̱ ma̱ cha' ji'i̱ ngu' lo'o xcuane ngu' ji'i̱ ma̱ ndi'ya̱: ¿Ni cha' laca ndu̱ ti' ma̱ ji'i̱ nu Cristo bi'? Tso'o ti xacui̱ ma̱ cha' ji'i̱ ngu' bi', ná cua'ni tyixi ma̱ lo'o ngu' bi'.

1 PEDRO 3:8

Lcaa cu'ma̱ ni, nga'a̱ cha' caca stu'ba tyiquee ma̱ lo'o tya'a ma̱, cha' tya'a ngusñi ma̱ cha' ji'i̱ Cristo laca ma̱; nga'a̱ cha' cube ti' ma̱ ji'i̱ tya'a ma̱, nga'a̱ cha' cua'ni tyaca'a ma̱ ji'i̱ lcaa tya'a ma̱. Lo'o jua'a̱ cua'ni tya'na ti' ma̱ ji'i̱ tya'a ma̱, ná cua'ni liye' ti' ma̱ ña'a̱ ma̱ ji'i̱ ngu' bi'.