EFESIOS 2:3 - Chatino Tataltepec

³ Ca ta'a na ni, chañi cha' ñi'ya̱ nu ndaquiya' ngu' bi' ji'i̱ nu cuxi, jua'a̱ ngua'ni na tya tsubi' la; ngua'ni na cua ña'a̱ ca cha' cuxi nu ndijña ti' cresiya ji'na. Na laca nu ngua ti' ycui' ca na cha' cua'ni na, ngua'ni na ji'i̱ li'; cua ña'a̱ ca cha' cuxi nu ngua'ya hique ti na, ngua'ni na cha' bi'. Bi' cha' ndyanu cha' xcube' ycui' Ndyosi ji'na, cha' ñasi̱' tsa Ni xqui'ya cha' cuxi nu ngua'ni na lo'o Ni; stu'ba ti xcube' Ni ji'na lo'o cua ña'a̱ ca ñati̱ chalyuu li'.

EFESIOS 2:3 Iomraidhean Croise

SAN MARCOS 4:19

lo'o li' ndya'a̱ tsa cha' tyiquee ngu' ñi'ya̱ cua'ni ngu' cha' caca culiya' ngu'; nclyana ngu' ñi'ya̱ ca caja quiña'a̱ tsa cha' tso'o nu ntsu'u chalyuu re ji'i̱ ngu', cha' caca stu'ba ngu' lo'o ñati̱ tlyu la. Bi' cha' ná nchca tyanu cha' tso'o ne' cresiya ji'i̱ ngu' bi'.

SAN JUAN 1:13

Lo'o ñati̱ nu laca sñi' ycui' Ndyosi ni, ná nclya ngu' bi' ñi'ya̱ nu nclya scaa sñi' ñati̱; sñi' ycui' Ndyosi laca ngu' bi', si'i sca ñati̱ chalyuu laca nu ndu'ni cucui cresiya ji'i̱ ngu' bi'.

SAN JUAN 8:44

Ycui' nu xña'a̱ laca sti cu'ma̱, lo'o jua'a̱ nti' ma̱ cua'ni ma̱ la cui' cña nu ngulo nu bi' ji'i̱ ma̱. Tya lo'o nguxana chalyuu, tya li' nguxana ndyu'ni ñu'u̱ nu bi' ji'i̱ cresiya ji'i̱ ñati̱ ―nacui̱ Jesús―. Ná ngutu'u nu bi' ca su ntsu'u su̱u̱ cha' liñi, ná ntsu'u cha' liñi ji'i̱ nu bi' tsiya' ti ―nacui̱―. Lo'o ñilo'o nu bi' ji'i̱ ñati̱, xquicha' ycui' ca laca cha' cuiñi nu nda nu bi' lo'o ngu'. Sca nu cuiñi laca nu xña'a̱, bi' laca sti lcaa nu cuiñi.

LOS HECHOS 14:16

Cua sa'ni la ndalo tsa tyiquee ycui' Ndyosi ña'a̱ Ni ji'i̱ lcaa ñati̱ chalyuu, masi ngua'ni ngu' cua ña'a̱ ca cha' cuxi nu nti' ngu' cha' cua'ni ngu'.

ROMANOS 1:24

Bi' cha' cua ngulaya' Ni ji'i̱ ngu' cuxi bi'; juani cua nda Ni tyempo ji'i̱ ngu' cha' caca suba' ngu', cha' cua'ni suba' ngu' lo'o tya'a ngu', sca lo cha' cuxi nu ntyuju'u tsa ti' na cha' chcui' na ji'i̱.

ROMANOS 11:30

Lo'o jua'a̱ cu'ma̱, ná ndaquiya' ma̱ cha' ji'i̱ ycui' Ndyosi cua sa'ni la; pana tya'na ti' Ni ña'a̱ Ni ji'i̱ ma̱ nu lo'o nga'aa jlya ti' ngu' judío ji'i̱ Ni.

ROMANOS 13:14

Ta ma̱ chacuayá' cha' caca loo ycui' Jesucristo nu Xu'na na ji'i̱ tyucui ña'a̱ ma̱; nga'aa taquiya' na ji'i̱ lcaa lo cha' cuxi, cha' nu tiji̱' tsa ti' na ji'i̱ xqui'ya cha' laca na ñati̱ ti.

ROMANOS 2:14

Ntsu'u ngu' xa' tsu' ni, cua laca ndu'ni ngu' ñi'ya̱ nu nscua lo quityi ji'i̱ ycui' Ndyosi, masi bilya cuna ngu' cha' bi'. Jua'a̱ jlo ti' na cha' nchca cuayá' ti' ngu' bi' ni cña laca nu nti' ycui' Ndyosi, xqui'ya cha' tyucui tyiquee ngu' ndu'ni ngu' tsa ña'a̱ cha' nu nda ycui' Ndyosi lo'o ngu' judío sa'ni la, masi bilya ta Ni cha' lo'o ngu' xa' tsu' bi'; hique ti ngu' bi' nda'ya cha' tso'o nu ndu'ni ngu' lo'o tya'a ñati̱ ngu'. Lo'o jua'a̱ hora ti nda ngu' bi' cuentya cha' qui'ya laca lo'o ndyu'ni ngu' sca cha' cuxi, pana ná ntsu'u cha' culacua ti' ngu' lo'o ndu'ni ngu' sca cha' tso'o.

ROMANOS 5:10

Tya'a cusu̱u̱ ycui' Ndyosi ngua na; pana juani ngua stu'ba cha' ji'na lo'o Ni, nu lo'o ngujuii Sñi' ycui' Ni lo crusi. Bi' cha' juani ngua ti̱ cha' ji'na lo'o ycui' Ndyosi, lo'o jua'a̱ cua'ni lyaá Ni ji'na xqui'ya cha' cua ndyu'ú nu Jesús bi' chaca quiya'.

ROMANOS 5:9

Tso'o lacua. Cua laca ngua tso'o cresiya ji'na cuentya ji'i̱ ycui' Ndyosi, xqui'ya cha' ndyalú tañi ycui' Cristo lo'o ngujuii yu lo crusi. La cui' jua'a̱ cua lijya̱ nclyaá na juani; xqui'ya Cristo nga'aa xcube' Ni ji'na lo'o tye chalyuu.

ROMANOS 6:12

Bi' cha' juani nga'aa ta ma̱ chacuayá' cha' caca loo cha' cuxi bi' ji'i̱ ma̱ lo'o ndi'i̱ ma̱ nde chalyuu. Ná tso'o cha' taquiya' na ji'i̱ lcaa lo cha' cuxi nu jña ti' na cha' cua'ni na ji'i̱, cha' laca na ñati̱ chalyuu ti.

ROMANOS 7:18

Cua jlo ti' na' cha' ná tso'o laca cha' nu ntsu'u ne' cresiya jna', cha' ñati̱ chalyuu ti laca na'; masi nti' tsa na' cua'ni na' xcui' cha' tso'o nquicha', pana ná nchca jna' tsiya' ti.

ROMANOS 9:22

Ngua ti' ycui' Ndyosi culu'u Ni ji'na ñi'ya̱ ña'a̱ xcube' Ni ji'i̱ ñati̱ cuxi, cha' ca cuayá' ti' na cha' nguula tsa cña nu ndu'ni Ni. Ndalo tsa tyiquee Ni ji'i̱ ñati̱ cuxi bi', masi cua ntsu'u tsa chacuayá' ji'i̱ ycui' Ndyosi cha' ca ñasi̱' Ni ji'i̱ ngu', cha' jua'a̱ cuityi̱ Ni ji'i̱ ngu' tsiya' ti.

1 CORINTIOS 4:7

¿Ni cha' laca cha' ndulo tsa cha' ji'i̱ ycui' ma̱ cuentya ji'i̱ ma̱, pana ná ndube ti' ma̱ ji'i̱ xa' ñati̱? Ycui' Ndyosi cua nda lcaa na nu ntsu'u ji'i̱ ma̱, lcaa cña nu nchca ji'i̱ ma̱; bi' cha' lacua ná ntsu'u cha' cua'ni tyucuaa ti' ma̱ ji'i̱ tya'a ma̱. Si'i xqui'ya cña nu ndyu'ni ycui' ma̱ ngutsa'a̱ chalyuu ji'i̱ ma̱, xqui'ya ycui' Ndyosi cua laca ma̱ ñi'ya̱ nu laca ma̱ juani.

2 CORINTIOS 7:1

Cu'ma̱ ngu' tya'a na, nu ntsu'u tsa tyiquee na' ña'a̱ na' ji'i̱ ma̱, jua'a̱ laca cha' nu cua nda ycui' Ndyosi lo'o na, cha' nu caca ji'na nde loo la. Bi' cha' lacua, ntsu'u cha' cua'ni tye na ji'i̱ lcaa cha' cuxi nu nti' cua'ni ñu'u̱ ji'i̱ cresiya ji'na, ji'i̱ tyucui ña'a̱ na. Lo'o jua'a̱ lye tsa cua'ni na cña cha' caca na ñati̱ ji'i̱ ycui' Ni; na laca nu cua'ni na nde chalyuu, cua'ni na ji'i̱ ñi'ya̱ nti' si cua ndu̱ ycui' Ndyosi ña'a̱ Ni ji'na.

GÁLATAS 3:22

Cua nchcui' quityi ji'i̱ ycui' Ndyosi cha' nu cuxi laca loo la ji'i̱ lcaa ñati̱ chalyuu, ñi'ya̱ si na cua laca na preso ji'i̱. Si jlo ti' na cha' nu cuxi laca loo ji'na, li' taca ji'i̱ Ni cua'ni lyaá Ni ji'na; ta Ni chalyuu cucui ji'na li', nu lo'o xñi na cha' ji'i̱ ycui' Jesucristo. Bi' laca nu cha' tso'o nu cua ngüiñi ji'i̱ ycui' Ni lo'o na.

EFESIOS 2:2

Nu ngua tyempo bi', ndya'a̱ tsa ma̱ ndu'ni ma̱ cua ña'a̱ ca cha' cuxi nu ndu'ni ñati̱ chalyuu; ndaquiya' tsa ma̱ ji'i̱ nu xña'a̱ nu laca loo ji'i̱ lcaa cui'i̱ cuxi nu ndya'a̱ nde chalyuu, la cui' nu cuxi bi' laca nu ndatsaa ji'i̱ ñati̱ chalyuu cha' ná taquiya' ngu' ji'i̱ ycui' Ndyosi.

EFESIOS 4:22

bi' cha' cua'ni tye ma̱ ji'i̱ cha' cuxi nu ngua'ni ma̱ tya sa'ni la. Quiña'a̱ tsa cha' ndatsaa cha' cuxi bi' ji'i̱ ma̱ nu ngua li', ndacui tsa ti' ma̱ ji'i̱ cha' cuxi bi', ña'a̱ cuayá' nu chcuna' tsiya' ti chalyuu ji'i̱ ma̱ xqui'ya cha' cuxi bi'.

COLOSENSES 1:21

Nu ngua cua tsubi' la, tyijyu' tsa nguta'a̱ ma̱ ji'i̱ ycui' Ndyosi; tya'a cusu̱u̱ ma̱ ji'i̱ ycui' Ndyosi ngua ma̱ tyempo bi' xqui'ya cha' cuxi nu cua ngulacua ti' ma̱, xqui'ya cha' cuxi nu cua ngua'ni ma̱. Pana juani cua ngua'ni Ni cha' taca cati̱ qui'ya nu ntsu'u ji'i̱ ma̱ lo'o ycui' Ni,

1 TESALONICENSES 4:13

Cu'ma̱ tya'a ngusñi na cha' ji'i̱ Jesús, juani ta ya xi cha' lo'o ma̱ cuentya ji'i̱ ngu' tya'a na nu cua ngujuii, cha' ca cuayá' ti' ma̱ cha' ñi'ya̱ laca si na laja' ti ngu', jua'a̱ laca jyo'o bi'. Ná ca xñi'i̱ ti' ma̱ cuentya ji'i̱ jyo'o tya'a ma̱ lacua, cha' ná stu'ba laca na lo'o ñati̱ nu bilya xñi cha' ji'i̱ Jesucristo.

1 TESALONICENSES 5:6

Bi' cha' tii ti ti' na tyi'i̱ na chalyuu; si'i ñi'ya̱ nti' si xcui' na laja' ti na tyi'i̱ na chalyuu, masi jua'a̱ ndu'ni xa' la ñati̱ nu ná ndaquiya' ji'i̱ Jesucristo tsiya' ti. Lo'o jua'a̱ ña'a̱si̱i̱ na ji'i̱ ycui' ca na cha' ná caca cu'bi na.

1 TIMOTEO 6:9

pana ntsu'u ñati̱ nu nti' tsa cha' caca culiya' ngu'. Ná tso'o cha' bi', cha' li' cua'ni cuayá' nu xña'a̱ ji'i̱ ngu' si caca tyu'u cha' cuxi tyiquee ngu'; tye chalyuu ji'i̱ ngu' li', chcuna' cresiya ji'i̱ ngu'.

TITO 3:3

Cua sa'ni la ná nda na cuentya tsiya' ti ñi'ya̱ ntsu'u cha' ji'i̱ ycui' Ndyosi; ná ndaquiya' na ji'i̱ Ni li', cha' cua ngüiñilo'o nu xña'a̱ ji'na cha' cua'ni na lcaa cha' cuxi nu ndijña cresiya ji'na cha' cua'ni na. Ngua chaa ti' na lo'o ndyu'ni na cha' cuxi bi' li', masi ngua'ni lya' ti' na ji'i̱ ñati̱, masi ngua liye' ti' na ña'a̱ na ji'i̱ ngu', masi ngua ti'í ti' na ña'a̱ na ji'i̱ tya'a na; lo'o jua'a̱ ngu' tya'a na, ngua ti'í ti' ngu' ña'a̱ ngu' ji'na.

1 PEDRO 1:14

Taquiya' tso'o ma̱ ji'i̱ cha' nu nchcui' ycui' Ndyosi cha' caca ma̱ sñi' Ni nu tso'o tsa ndu'ni; nga'aa cua'ni ma̱ cua ña'a̱ ca cha' cuxi nu ndiya ti' ma̱ ñi'ya̱ nu ngua'ni ma̱ tya sa'ni la, nu lo'o bilya ca cuayá' ti' ma̱ cha' tso'o ji'i̱ ycui' Ndyosi.

2 PEDRO 2:14

Xcui' cha' suba' nda'ya hique ngu' cuxi bi' lo'o ña'a̱ ngu' ji'i̱ sca nu cuna'a̱, cha' ná tye cha' nti' ngu' bi' cua'ni suba' ngu' lo'o. Lo'o jua'a̱ hora ti culu'u ngu' bi' cha' cuxi ji'i̱ xa' ñati̱ nu bilya ca cuayá' tso'o ti' cha' ji'i̱ Jesucristo. Lye tsa ngua tsa'a̱ ngu' cuiñi bi' ji'i̱ lcaa lo cha' cuxi, bi' cha' lye tsa ndacui ti' ngu' bi'; ná nga'a̱ cha' tyaala' ji'i̱ ngu' bi' tsiya' ti. Pana cua nda ycui' Ndyosi yabe' ji'i̱ ngu' cuiñi bi';

2 PEDRO 2:18

Jlo tsa ti' nu ngu' cuiñi bi' ñi'ya̱ chcui' ngu' sca cha' tso'o, pana tucua lo cha' ntsu'u tyiquee ngu' bi'; na cñilo'o ngu' bi' ji'i̱ ngu' nu ngusñi ca ti cha' tso'o ji'i̱ Jesucristo, cha' lo'o ngu' cua'ni suba' ngu' chaca quiya' nti' nu ngu' cuiñi bi'. Ñi'ya̱ ngua'ni ngu' cha' cuxi tya tsubi' la, nu lo'o bilya cuna ngu' cha' tso'o ji'i̱ ycui' Ndyosi, jua'a̱ nti' ngu' cuiñi bi' cha' cua'ni ngu' chaca quiya'.

1 JUAN 2:16

Lcaa cha' cuxi nu ndaca'a ji'i̱ ñati̱ cha' ná xñi tso'o ngu' cha' ji'i̱ ycui' Ndyosi, si'i ca su ntucua ycui' Ndyosi Sti na ndyu'u cha' bi'. Lcaa cha' cuxi nu ndiya ti' ñati̱ ji'i̱, cha' tyaala' xi tyiquee ngu'; jua'a̱ lcaa cha' cuxi nu nti' ngu' cua'ni ngu' lo'o ña'a̱ ngu' ji'i̱; jua'a̱ lcaa na nu nti' ngu' cha' caja ji'i̱ ngu', cha' jua'a̱ cua'ni tyixi ti ngu' lo'o tya'a ngu', nde chalyuu ti ndyu'u lcaa cha' cuxi bi'.

1 JUAN 2:8

Pana si'i jua'a̱ ndyu'ni ñati̱, bi' cha' nacui̱ na cha' sca cña cucui laca bi'. Tsubi' ti nguxana Jesucristo ngulu'u yu ji'na ñi'ya̱ ntsu'u cha' tyu'u tso'o tyiquee na ña'a̱ na ji'i̱ xa' la tya'a ñati̱ na, ngua'ni Jesús cha' taca cua'ni na jua'a̱. Sca cha' cucui laca bi', cha' cua tye ti cha' talya ña'a̱ ne' cresiya ji'na; juani tyanu nu cha' tso'o ji'i̱ Jesucristo ne' cresiya ji'na, ñi'ya̱ nti' si ntyiji'i̱ sca xee nu ndubi tsa ña'a̱ su ndi'i̱ na.