EFESIOS 1:8 - Chatino Tataltepec

⁸ Ntsu'u tsa tyiquee Ni ña'a̱ Ni ji'na, bi' cha' ngua'ni Ni jua'a̱. Ndu'ni Ni cha' ca jlo ti' na lcaa cha' ji'i̱ Ni, cha' ca cuayá' ti' na ñi'ya̱ caca cha' bi'.

EFESIOS 1:8 Iomraidhean Croise

SAN MATEO 11:19

Lo'o li' lijya̱ na' nu cua nda Ni 'na lijya̱a̱ cha' caca na' ñati̱, ndacu na' lcaa lo na lo'o ma̱, ndyi'yu na' lcaa lo na lo'o ma̱, lo'o li' nchcui' ma̱ 'na: “¡Ña'a̱ ma̱ ña'a̱! Ndacu tsa yu jua, cu'bi tsa yu”, nacui̱ ma̱ ji'i̱ tya'a ma̱. “Ná tso'o yu jua cha' tya'a tso'o yu laca ngu' nu nxñi cñi cña loo na, lo'o jua'a̱ xi xa' la ngu' cuxi laca tya'a tso'o yu”, nacui̱ ma̱ 'na. Nacui̱ ma̱ jua'a̱ cha' ná tso'o cha' nu nchcui' na', nti' ma̱; pana caca cuayá' ti' ma̱ nde loo la cha' liñi tsa cha' nu nchcui' ngu' nu nacui̱ cha' cuentya ji'i̱ ycui' Ndyosi laca na'.

ROMANOS 11:33

Tlyu tsa cha' tso'o ndyu'u ca slo ycui' Ndyosi; lcaa cha' nchca cuayá' ti' Ni, lcaa cha' jlo ti' ycui' Ni. Sca ti ycui' Ndyosi jlo ti' na ca laca nu lijya̱ nde loo la, sca ti ycui' Ndyosi jlo ti' na laca nu ndu'ni ycui' Ni. Ndi'ya̱ cha' nscua lo quityi cusu' cuentya ji'i̱ cha' bi':

ROMANOS 5:15

Nu jyo'o Adán ni, nguxtyanu yu yabe' hichu̱' na xqui'ya cha' cuxi nu ngua'ni ycui' ca yu; xqui'ya sca ti nu qui'yu bi' ngua cuxi chalyuu tya li', bi' cha' quiña'a̱ tsa ñati̱ ndyijii. Pana juani ni, xqui'ya sca ti ñati̱ nu naa Jesucristo, chaca lo cha' nda ycui' Ndyosi lo'o na, sca cha' tso'o tsa laca bi'; tlyu tsa cha' tso'o nu ngua'ni ycui' Ndyosi cuentya ji'na li'. Nacui̱ Ni cha' laja ti taca cua'ni lyaá Ni ji'na ji'i̱ lcaa cha' cuxi nu ntsu'u ji'na. Lo'o jua'a̱ quiña'a̱ tsa ñati̱ laca nu ndyu'ni Ni cha' ndyaca lubii cresiya ji'i̱ ngu'.

1 CORINTIOS 2:7

Cua nda ycui' Ndyosi cha' tso'o bi' lo'o na cha' chcui' na lo'o ñati̱. Bilya caca cuayá' ti' ñati̱ chalyuu ji'i̱ cha' bi' tya sa'ni la, cha' ná nti' Ni cha' cuna ñati̱ nu ngua li'. Pana tya lo'o bilya tya' chalyuu, tya li' ngulacua ti' Ni ñi'ya̱ nu cua'ni Ni; ngua ti' ycui' Ndyosi cha' cua'ni lyaá Ni ji'na lo'o xñi na cha' ji'i̱ Jesús. Tlyu tsa cha' tso'o caca ji'na li'.

EFESIOS 1:11

Lcaa cha' nu ndyaca nde chalyuu, ndyaca bi' xqui'ya cha' nti' Ni cha' caca jua'a̱. Lo'o jua'a̱ na ni, tya clyo cua ngusubi Ni ji'na cha' caca na ñati̱ ji'i̱ Ni, cha' caca stu'ba cha' ji'na lo'o Cristo, xqui'ya cha' jua'a̱ nti' ycui' Ndyosi cha' caca.

EFESIOS 1:7

Cua ngulaá na ji'i̱ nu cuxi nu ntsu'u ji'na, xqui'ya cha' cua ngujuii Sñi' ycui' Ni lo crusi cuentya ji'na, cha' cua ngüi'ya Ni cha' clyu ti' ji'na ji'i̱ qui'ya nu ntsu'u ji'na li'; tlyu tsa cha' tso'o nu cua ngua'ni ycui' Ndyosi lo'o na laca bi'.

EFESIOS 1:9

Ñi'ya̱ nu ngua'ya cha' hique Ni tya sa'ni, jua'a̱ ngua'ni Ni li'; masi ná ndacha' Ni ji'i̱ ñati̱ chalyuu nu ngua sa'ni ñi'ya̱ caca cha' bi', tya li' ngua ti' Ni cha' cua'ni Ni cha' cala Cristo nde chalyuu. Hasta juani cua ngua cuayá' tso'o ti' na ñi'ya̱ ngua ti' ycui' Ndyosi cha' cua'ni Ni xqui'ya Cristo;

EFESIOS 3:10

pana juani caca cuayá' ti' lcaa cui'i̱ nu laca loo nde cua̱, nu lo'o ña'a̱ cui'i̱ bi' ji'i̱ ñati̱ chalyuu nu tsa tlyu ti ndyu'ni tlyu ji'i̱ Cristo. Lo'o jua'a̱ cui'i̱ nu ngua ti' tyiji̱loo ji'i̱ ycui' Ndyosi sa'ni la ni, caca cuayá' ti' cui'i̱ bi' cha' nchca la ji'i̱ ycui' Ndyosi que cua ña'a̱ ca na nu ngüiñá ycui' Ni.

COLOSENSES 2:3

Xqui'ya cha' ngusñi na cha' ji'i̱ Cristo, bi' cha' taca quijeloo cha' ji'na macala su ntucua quiya' lcaa cha' nu ntsu'u tyiquee ycui' Ndyosi, masi lcaa cha' nu nda'ya hique Ni cha' cua'ni Ni nde chalyuu.

APOCALIPSIS 5:12

Cui̱i̱ tsa ndyula tu'ba ngu' li': Cua ndyujuii ngu' ji'i̱ nu ñi'ya̱ ña'a̱ xlya' bi' tsaca quiya', nacui̱ ngu'. Xqui'ya ñati̱ chalyuu, bi' cha' ngujuii Ni. Lo'o juani nga'a̱ cha' chcui' na ji'i̱ Ni, cha' lcaa lo cña tsiya' ti nchca ji'i̱ Ni cua'ni Ni; jua'a̱ na ji'i̱ Ni laca lcaa lo na tsiya' ti. Lcaa cha' jlo ti' Ni, lcaa cña nchca ji'i̱ Ni; bi' cha' ndyu'ni chi̱ na loo Ni, ndyu'ni tlyu na ji'i̱ Ni, lo'o jua'a̱ tso'o tsa chcui' na ji'i̱ Ni lo'o ñati̱. Jua'a̱ nacui̱ xca̱ ji'i̱ ycui' Ndyosi lo'o ndyula tu'ba ngu'.