EFESIOS 1:15 - Chatino Tataltepec

¹⁵ Cua ndyuna na' ñi'ya̱ nu ndyu'ni ma̱ tya lo'o ngusñi tso'o ma̱ cha' ji'i̱ Jesús nu Xu'na na; nacui̱ ngu' cha' ntsu'u tsa tyiquee ma̱ ña'a̱ ma̱ ji'i̱ ñati̱ tya'a ngusñi ma̱ cha' ji'i̱ ycui' Ndyosi.

EFESIOS 1:15 Iomraidhean Croise

LOS HECHOS 20:21

Sca ti cuaya' nchcui' na' lo'o lcaa ngu', masi lo'o ngu' judío tya'a na', masi lo'o xa' la ñati̱; sca ti cha' ngulu'u na' ji'i̱ lcaa ma̱, cha' nga'a̱ cha' culochu̱' ma̱ ji'i̱ lcaa cha' cuxi nu ntsu'u ji'i̱ ma̱ lo'o xñi ma̱ cha' ji'i̱ Jesucristo nu Xu'na na.

ROMANOS 1:8

Su nguxana ti quityi re, ndyu'ni tlyu na' ji'i̱ ycui' Ndyosi xqui'ya Jesucristo. Tso'o tsa nti' na' cha' cua ngusñi lcaa tya'a ma̱ cha' ji'i̱ Jesús, ca lcaa quichi̱ ndañi cha' jlya ti' ma̱ cha' bi'.

GÁLATAS 5:6

Lo'o jua'a̱ si chañi cha' stu'ba ntsu'u cha' ji'na lo'o Jesucristo, li' ná ndu'ni cha' masi ngulacua̱ na, masi ná ngulacua̱ na. Sca ti cha' ndulo tsa ji'na cha' cua'ni na, cha' xñi tso'o la na cha' ji'i̱ ycui' Ni; lo'o li' caca cua'ni na cha' tso'o ti tyu'u tyiquee na ña'a̱ na ji'i̱ tya'a ñati̱ na.

EFESIOS 1:1

Pablo laca na' nu nscua na' quityi re. Ngulo ycui' Ndyosi cña 'na, bi' cha' ndya'a̱ na' nchcui' na' cha' ji'i̱ Jesucristo lo'o ngu' xa' quichi̱ tyijyu' la. Lo'o nu juani nscua na' quityi re cha' ca̱a̱ ca slo cu'ma̱ ngu' Efeso, cha' laca ma̱ ñati̱ ji'i̱ ycui' Ndyosi, cha' tso'o tsa ngusñi ma̱ cha' ji'i̱ Jesucristo.

EFESIOS 3:18

ndijña na' ji'i̱ Ni cha' taca ca cuayá' ti' ma̱ ñi'ya̱ nu ndu'ni ycui' Cristo lo'o na, cha' ntsu'u tsa tyiquee Ni ña'a̱ Ni ji'na. Nu ntsu'u tyiquee Cristo ña'a̱ Ni ji'i̱ ñati̱ ni, jyacua Ni ji'i̱ cua ña'a̱ ca ñati̱, ta Ni cha' bi' lo'o ngu', masi ñati̱ tlyu laca ngu', masi laca ngu' ñati̱ jua'a̱ ti.

1 TESALONICENSES 1:3

Ntsu'u ti' ya cha' ntsu'u tsa cha' tso'o nu ndyu'ni ma̱, cha' ntsu'u tsa tyiquee ma̱ ña'a̱ ma̱ ji'i̱ tya'a ma̱, xqui'ya cha' ngusñi ma̱ cha' ji'i̱ Jesucristo. Ndalo tsa tyiquee ma̱ xqui'ya cha' jlo ti' ma̱ cha' ntucua Jesucristo nu Xu'na na ca slo ycui' Ndyosi Sti na; bi' cha' xcui' cha' tso'o ndyu'ni ma̱, masi tlyu tsa cña.

1 TESALONICENSES 4:9

Ná nga'a̱ cha' scua la na' lo quityi re cha' tso'o ti tyu'u tyiquee ma̱ ña'a̱ ma̱ ji'i̱ ñati̱ tya'a ngusñi ma̱ cha' ji'i̱ ycui' Ni; cua laca ntsu'u tsa tyiquee ma̱ ña'a̱ ma̱ ji'i̱ ngu' bi', xqui'ya cha' cua ngulu'u ycui' Ndyosi ji'i̱ ma̱ ñi'ya̱ nu cua'ni ma̱ lo'o tya'a ma̱.

2 TESALONICENSES 1:3

Cu'ma̱ tya'a ngusñi na cha' ji'i̱ Jesús, ntsu'u cha' tya ya xlya'be ji'i̱ ycui' Ndyosi lcaa quiya' lo'o chcui' ya lo'o Ni cuentya ji'i̱ cu'ma̱; ndu'ni tsa cha' cua'ni ya jua'a̱, xqui'ya cha' lcaa tsa̱ tachaa la ndyanu cha' ji'i̱ Jesús ne' cresiya ji'i̱ ma̱, lcaa tsa̱ ntsu'u la tyiquee ma̱ ña'a̱ ma̱ ji'i̱ tya'a ñati̱ ma̱.

1 TIMOTEO 1:14

Ntsu'u tsa tyiquee nu Xu'na na ña'a̱ Ni 'na, bi' cha' ngusñi na' cha' ji'i̱ ycui' Jesucristo li'; lo'o nu juani ntsu'u tyiquee na' ña'a̱ na' ji'i̱ Jesús, lo'o jua'a̱ ntsu'u tyiquee na' ña'a̱ na' ji'i̱ tya'a ñati̱ na'.

1 TIMOTEO 1:5

Culo nu'u̱ cña ji'i̱ ngu' cha' tso'o tsa tyu'u tyiquee ngu' ña'a̱ ngu' ji'i̱ tya'a ngu', cha' bi' laca cña nu ndu'ni ñati̱ nu ngua lubii cresiya ji'i̱ cuentya ji'i̱ ycui' Ndyosi; jlo ti' ñati̱ bi' ñi'ya̱ laca cña tso'o, lo'o jua'a̱ ndyu'ni ngu' bi' cña tso'o bi' li'. Chañi cha' ngusñi ngu' bi' cha' ji'i̱ ycui' Ndyosi si ntsu'u tyiquee ngu' ña'a̱ ngu' ji'i̱ tya'a ngu'.

FILEMÓN 1:5

Hasta ca su ndi'i̱ na' re, cua ndañi cha' tso'o tsa ngusñi nu'u̱ cha' ji'i̱ Jesús nu Xu'na na, jua'a̱ ntsu'u tsa tyiquee nu'u̱ ña'a̱ nu'u̱ ji'i̱ Jesús lo'o ji'i̱ lcaa ñati̱ ji'i̱ Cristo cajua. Lcaa cha' bi' cua ndyuna na' ji'i̱;

HEBREOS 6:10

Lo'o jua'a̱ liñi tsa ndu'ni ycui' Ndyosi lo'o na. Ná cjlyaa ti' Ni lcaa cha' tso'o nu cua ndyu'ni ma̱, nu lo'o nxtyucua ma̱ ji'i̱ ngu' tya'a ngusñi na cha' ji'i̱ Jesús, cha' cua quiña'a̱ xi cña ndyu'ni ma̱ cuentya ji'i̱ ngu' bi'. Xqui'ya cha' ndyu'ni ma̱ jua'a̱, bi' cha' jlo ti' xa' ñati̱ cha' ntsu'u tsa tyiquee ma̱ ji'i̱ Jesús, cha' ña'a̱ ti tya ndyu'ni ma̱ cha' tso'o lo'o ngu' juani.

1 PEDRO 1:22

Xqui'ya cha' nxtyucua Xtyi'i ycui' Ndyosi ji'i̱ ma̱, na cua ndaquiya' ma̱ ji'i̱ cha' liñi nu nda ycui' Ndyosi lo'o na, bi' cha' ngua lubii cresiya ji'i̱ ma̱; juani taca caca tso'o tyiquee ma̱ ña'a̱ ma̱ ji'i̱ tya'a ñati̱ ma̱. Pana tyucui tyiquee ma̱ ntsu'u cha' caca tso'o tyiquee ma̱ ña'a̱ ma̱ ji'i̱ tya'a ñati̱ ma̱, si'i ñi'ya̱ ndu'ni ngu' nu ntsu'u tucua cha' tyiquee ngu' cua'ni cu'ma̱.

1 JUAN 3:17

Ntsu'u ngu' tya'a na nu nga'aa ntsu'u na nu lyiji ji'i̱ ngu' tsiya' ti cha' tyiji̱ yu'u ji'i̱ ngu' chalyuu. Si jua'a̱ tso'o ti ndi'i̱ na, lo'o li' ña'a̱ na ji'i̱ tya'a na nu ntsu'u na nu lyiji ji'i̱ ngu', pana ná ntaja'a̱ na cua'ni tya'na ti' na ji'i̱ tya'a na, li' ná taca ji'na ñacui̱ na cha' ntsu'u tyiquee na ña'a̱ na ji'i̱ ycui' Ndyosi, cha' nu ycui' Ndyosi ni, ntsu'u tsa tyiquee Ni ña'a̱ Ni ji'na.

1 JUAN 4:21

Cua ngulo Ni cña bi' ji'na ndi'ya̱: Tso'o ti tyu'u tyiquee ma̱ ña'a̱ ma̱ ji'i̱ ycui' Ndyosi, lo'o jua'a̱ xcui' tso'o ti tyu'u tyiquee ma̱ ña'a̱ ma̱ ji'i̱ tya'a ñati̱ ma̱.