APOCALIPSIS 9:1 - Chatino Tataltepec

¹ Li' ngula'á xca̱ nu nchca ca'yu lo'o cui'chcua̱ ji'i̱; hora ti na'a̱ na' ngua'ya sca nu cuxi nde chalyuu. Masi cua ngua yu sca nu laca loo nde cua̱ nquicha', pana ndyú yu lo yuu li', ñi'ya̱ ndyú sca cuii. Cua ngujui ya' ji'i̱ yu cha' saala yu to' tyuquee su ndi'i̱ lcaa nu cuiñaja.

APOCALIPSIS 9:1 Iomraidhean Croise

SAN LUCAS 10:18

Nchcui' Jesús lo'o ngu' li': ―Jua'a̱ tu'ni. Lo'o na' na'a̱ na' ji'i̱ Satanás lo'o ndyú yu lo yuu; ñi'ya̱ ndyalú tyi'yu nde lo yuu, jua'a̱ ndyú yu. Ngulo'o ycui' Ndyosi ji'i̱ nu xña'a̱ bi' ca su tlyu su ntucua Ni nde cua̱, ndyú yu lo yuu li'; bi' cha' ndaquiya' cui'i̱ cuxi bi' ji'i̱ cha' nu nchcui' ma̱ juani.

SAN LUCAS 8:31

Ntsi̱i̱ tsa cui'i̱ xña'a̱ bi' si culo Jesús cña ji'i̱ cha' tyaa cui'i̱ bi' ca su laca tyi cui'i̱ ca ne' yuu. Bi' cha' ngua'ni cui'i̱ cha' ngüijña yu quicha bi' ji'i̱ Jesús cha' ná culo yu cña cha' tyu'u cui'i̱ bi'.

ROMANOS 10:7

Ná nga'a̱ cha' tsaa na tsaana na ji'i̱ Cristo ca su ntsiya jyo'o”, nacui̱ quityi, “cha' tya̱a̱ lo'o na ji'i̱ nde lo yuu chaca quiya'.”

APOCALIPSIS 1:18

Ycui' Ni nu lu'ú ca laca na' ―nacui̱ Ni―. Cua ngujuii na' nu ngua li', pana xa' ndyu'ú na' chaca quiya', lo'o juani nga'aa tye cha' lu'ú na'. Na' nclyu̱ cña lo'o ndyijii ñati̱, jua'a̱ la cui' na' nclyu̱ cña macala su tyaa cresiya ji'i̱ ngu'.

APOCALIPSIS 1:20

Ndi'ya̱ ndyu'u cha' nu na'a̱ nu'u̱ tsa̱, cha' ji'i̱ nu cati tya'a cuii nu ntsu'u nde cua̱ nu na'a̱ nu'u̱ cha' ndacui ya' na' la'a tsu' cui̱, jua'a̱ nu cati tya'a candyeru oro bi', cha' ná ngua cuayá' ti' nu'u̱ nquicha': nu cati tya'a cuii bi', bi' laca nu cati tya'a ñati̱ nu ndu̱ cuentya ji'i̱ ycui' Ndyosi cha' chcui' ngu' lo'o nu cati tya'a taju ñati̱ ji'i̱ Jesucristo, sca taju ñati̱ bi' scaa quichi̱; lo'o jua'a̱ nu cati tya'a candyeru oro, bi' laca nu cati tya'a taju ñati̱ bi'.

APOCALIPSIS 11:7

Lo'o tye cña nu cua'ni tyucuaa ñati̱ bi' nde chalyuu, li' xana nu na'ni xña'a̱ nu ntsu'u ca tyuquee bi', xu̱u̱ tya'a ni' lo'o tyucuaa ñati̱ nu ndu̱ bi' li'; tyiji̱loo nu bi' ji'i̱ ngu' bi' li', cuati cujuii ji'i̱ ngu'.

APOCALIPSIS 17:8

Na'ni nu cua na'a̱ nu'u̱ jua, ngutu'u bi' nu ngua tya sa'ni la, nga'aa lu'ú bi' juani; pana cua ngulala ti tyu'ú ni' chaca quiya', masi nscua nde tyuquee qui'ñi bi', cha' tyaa ni' ca chalyuu talya su tye ni' cati̱ ni' tsiya' ti ―nacui̱―. Cua ña'a̱ ca ñati̱ nu ná nscua xtañi lo quityi ji'i̱ ycui' Ndyosi, quiña'a̱ tsa cha' culacua ti' ngu' lo'o ña'a̱ ngu' ji'i̱ na'ni bi'; pana tya clyo lo'o tya lyiji xana chalyuu re, cua nscua xtañi ñati̱ nu cua nda ycui' Ndyosi chalyuu nu ná nga'a̱ cha' tye ji'i̱. Ngutu'ú na'ni bi' nu ngua tya sa'ni la, masi nga'aa lu'ú bi' juani; pana ña'a̱ ti tya tyu'ú bi', masi chaca tya quiya'.

APOCALIPSIS 20:1

Lo'o li' na'a̱ na' cha' lijya̱ ca'ya chaca xca̱ nu ngutu'u ya̱a̱ nde cua̱ ca su ntucua ycui' Ndyosi. Ya' xca̱ ndacui ya' ji'i̱ to' tyuquee ca su ndi'i̱ nu cuiñaja, jua'a̱ ndyi'ya yu sca carena tyucui̱ cu' lijya̱ yu.

APOCALIPSIS 20:10

Lo'o li' tyucua ya' Ni ji'i̱ nu xña'a̱ nu ngüiñilo'o ji'i̱ ngu' tya clyo, tyalo'o Ni ji'i̱ lo tayu' su ntsu'u quii' ndyaqui̱ lo'o yuu sufri; la cui' se'i̱ laca su cua nchcua̱a̱ Ni ji'i̱ nu na'ni chiya'a̱ ña'a̱ bi', su cua nchcua̱a̱ Ni ji'i̱ nu cuiñi nu nacui̱ cha' tu'ba ji'i̱ ycui' Ndyosi laca. Tsa̱ lo'o talya ná tye cha' ti'í tsa chcube' ngu' ca bi'.

APOCALIPSIS 6:13

Li' ndyalú cuii nu ntsu'u nde cua̱; ñi'ya̱ nti' ndyalú mancu̱ ye'e lo'o lye tsa nchca cui'i̱ nchquiña ji'i̱ sta̱' yaca, jua'a̱ ndyalú cuii nde lo yuu li'.

APOCALIPSIS 8:10

Li' ngula'á xca̱ nu nchca tyuna lo'o cui'chcua̱ ji'i̱; hora ti ndyalú sca cuii tlyu nu ntsu'u nde cua̱, nu ndyaqui̱ ñi'ya̱ ndyaqui̱ quityee. Ndyú cuii bi' ngua'ya nde lo hitya sta'a̱, nde su ntyucua hitya tyucui ña'a̱ chalyuu. Li' ngunu'u̱ sa cla'be hitya tso'o nu ntsu'u chalyuu.

APOCALIPSIS 8:12

Li' ngula'á xca̱ nu nchca jacua lo'o cui'chcua̱ ji'i̱. Li' ngunu'u̱ lcaa xee tlyu nu ntsu'u nde cua̱, cha' sa cla'be ti xee ndyubi' li'; lo'o xee cuichaa, lo'o xee co', lo'o xee cuii, sa cla'be ti xee ndyubi'. Sa cla'be ti nde cua̱, sa cla'be ti nde talya, nga'aa nda bi' xee.

APOCALIPSIS 8:2

Cuati na'a̱ na' ji'i̱ tya tyacati tya'a xca̱ nu ndu̱ cña nde loo ycui' Ndyosi; cua nda ngu' cati tya'a cui'chcua̱ ji'i̱ ngu' xca̱ bi' cha' cula'á ngu'.

APOCALIPSIS 9:2

Ngusaala yu to' tyuu, quiña'a̱ tsa sñii ntyucua li'; ñi'ya̱ nti' sca horno tonu, jua'a̱ ntyucua sñii bi'. Ngua talya xee cua̱ li', ndacu̱' ji'i̱ xee xqui'ya sñii nu ntyucua to' tyuu bi'.