APOCALIPSIS 8:2 - Chatino Tataltepec

² Cuati na'a̱ na' ji'i̱ tya tyacati tya'a xca̱ nu ndu̱ cña nde loo ycui' Ndyosi; cua nda ngu' cati tya'a cui'chcua̱ ji'i̱ ngu' xca̱ bi' cha' cula'á ngu'.

APOCALIPSIS 8:2 Iomraidhean Croise

SAN MATEO 18:10

’Ná tso'o si ná taquiya' ma̱ ji'i̱ sca ñati̱ 'na, masi ji'i̱ sca nu piti. Cha' liñi nchcui' na' lo'o ma̱, cha' ntsu'u xca̱ ca su ntucua ycui' Ni cuentya ji'i̱ lcaa ngu' sube bi'; lcaa hora ntsu'u chacuayá' chcui' xca̱ bi' lo'o ycui' Ndyosi Sti na' cuentya ji'i̱ nu ngu' sube ji'i̱.

SAN MATEO 24:31

Nu lo'o lye cañi cui' chcua̱, li' culo na' cña ji'i̱ quiña'a̱ tsa tya'a xca̱ 'na cha' ca̱a̱ xca̱ bi', cha' xuti'i̱ se'i̱ ti ji'i̱ lcaa ñati̱ nu cua ngusubi ycui' Ni ji'i̱; macala su ndi'i̱ ngu' tyucui ña'a̱ chalyuu tyu'u ngu' ca̱a̱ ngu' li'.

SAN LUCAS 1:19

―Gabriel naa na' ―nacui̱ xca̱ ji'i̱ yu li'―. Na ndu̱ ti na' ca slo ycui' Ndyosi; bi' laca nu nda 'na lijya̱a̱ cha' chcui' na' lo'o nu'u̱, cha' ta na' cha' tso'o re lo'o nu'u̱.

SAN LUCAS 21:36

Tii ti ti' ma̱ tyi'i̱ ma̱ chalyuu lacua. Lcaa tyempo chcui' ma̱ lo'o ycui' Ndyosi cha' xtyucua Ni ji'i̱ ma̱, cha' talo ma̱ lo'o caca cha' cuxi bi' chalyuu. Lo'o li' caja ñi'ya̱ nu tyalaa ma̱ su tyucua ycui' na' nu cua nda Ni 'na lijya̱a̱ cha' caca na' ñati̱, cha' cua'ni cuayá' na' ji'i̱ ma̱ ―nacui̱ Jesús ji'i̱ ngu'.

1 CORINTIOS 15:52

laja lo'o nchquiña ti quiji̱ cloo na. Li' cañi cula'á cui'chcua̱ ji'i̱ ycui' Ndyosi. Lo'o cañi cui'chcua̱ bi', li' tyu'ú lcaa jyo'o nu ngusñi cha' ji'i̱ ycui' Ndyosi lo'o ya̱a̱ ngu' chalyuu; tyu'ú ngu' chaca quiya' cha' nga'aa ntsu'u cha' cajaa ngu' bi' tsiya' ti. Li' xcutsa'a̱ Ni ji'i̱ tyucui ña'a̱ tsaca na.

1 TESALONICENSES 4:16

Ndi'ya̱ caca cha' lo'o tyalaa tsa̱ bi': Nde cua̱ ca̱a̱ ycui' nu Xu'na na, ca'ya Ni lo yuu; li' stu'ba ti cañi Xtyi'i ycui' Ni lo'o xtyi'i xca̱ ji'i̱ Ni nu laca loo, jua'a̱ cañi cui'chcua̱ ji'i̱ ycui' Ndyosi li'. Clyo tyacuí̱ lcaa jyo'o ñati̱ ji'i̱ Jesucristo tyaa ngu' nde cua̱;

APOCALIPSIS 1:4

Juan laca na' nu nda̱ quityi re tsaa nde cati tya'a quichi̱ loyuu su cuentya Asia, ca su ndi'i̱ taju ñati̱ nu ngusñi cha' ji'i̱ Jesucristo. Nda na' xlyo ni'i̱ ji'i̱ ma̱ chacuayá' ji'i̱ ycui' Ndyosi Sti na, jua'a̱ chacuayá' ji'i̱ Xtyi'i ycui' Ndyosi, jua'a̱ chacuayá' ji'i̱ Jesucristo. Cua nti' na' cha' ña'a̱ ti cua'ni ycui' Ndyosi cha' tso'o lo'o ma̱, ña'a̱ ti cua'ni Ni cha' ti̱ ti tyi'i̱ tyiquee ma̱. Nu ngua tya clyo lu'ú ycui' Ndyosi, na lu'ú Ni juani, lo'o ña'a̱ ti tya lu'ú Ni tyempo nde loo la. Ntucua Xtyi'i ycui' Ni nde loo su tlyu su ntucua ycui' Ni, la cui' cati tya'a cui'i̱ lubii nu nda Xtyi'i Ni laca bi'.

APOCALIPSIS 11:15

Li' cua ndya'a cati quiya' nguañi ngula'á xca̱ lo'o cui'chcua̱ ji'i̱. Nguañi nda xtyi'i tyu̱u̱ tya'a ñati̱ nde cua̱ li', nu ndi'ya̱ nchcui': Ca juani ndyanu tachaa cha' ji'i̱ ycui' nu Xu'na na, jua'a̱ ji'i̱ Cristo, cha' caca Ni loo ji'i̱ tyucui ña'a̱ chalyuu, nacui̱ ngu'. Lo'o juani ná nga'a̱ cha' tye cha' culo Ni cña chalyuu.

APOCALIPSIS 15:1

Ngutu'u tucua chaca cuayá' tlyu nde cua̱ li'. Ndube tsa ti' na' lo'o na'a̱ na' ji'i̱, cha' ndu̱ cati tya'a xca̱ ji'i̱ ycui' Ndyosi nu ndu̱ lo'o cati tya'a quicha nu caca su cua tye ti chalyuu. Lo'o cua ndye ngua quicha bi' chalyuu, li' cati̱ cha' ñasi̱' ycui' Ni.

APOCALIPSIS 16:1

Lo'o li' ndyuna na' cha' nchcui' sca ñati̱ ne' laa tlyu bi', cui̱i̱ nchcui' lo'o nu cati tya'a xca̱ ji'i̱ ycui' Ndyosi bi': ―Yaa clya ma̱ salú ma̱ na nu ntsu'u ne' ca'ña bi' nde lo yuu chalyuu, nu cati tya'a ca'ña nu ntsu'u cha' ti'í ne', nu ta Ni ji'i̱ ñati̱.

APOCALIPSIS 8:13

Li' na'a̱ na' su ndacui sca xca̱ cla'be cua̱ nu ñi'ya̱ ña'a̱ cua'ya ña'a̱ bi'. Ndyuna na' cha' cui̱i̱ tsa ngusi'ya yu: ―Tya'na tsa cu'ma̱ lo'o cula'á tya xna tya'a xca̱ bi' lo'o cui'chcua̱ ji'i̱ ngu' ca tiya' la xi; tya'na tsa caca lcaa ñati̱ nu tya ndyanu chalyuu lo'o cañi bi' li'.

APOCALIPSIS 8:6

Nu cati tya'a xca̱ nu cua na'a̱ na' tsa̱ ni, nguxana ngula'á ngu' lo'o cui'chcua̱ nu ntsu'u ya' ngu' li'.

APOCALIPSIS 9:1

Li' ngula'á xca̱ nu nchca ca'yu lo'o cui'chcua̱ ji'i̱; hora ti na'a̱ na' ngua'ya sca nu cuxi nde chalyuu. Masi cua ngua yu sca nu laca loo nde cua̱ nquicha', pana ndyú yu lo yuu li', ñi'ya̱ ndyú sca cuii. Cua ngujui ya' ji'i̱ yu cha' saala yu to' tyuquee su ndi'i̱ lcaa nu cuiñaja.