APOCALIPSIS 7:3 - Chatino Tataltepec

³ Ndi'ya̱ nchcui' yu lo'o ngu' xca̱ bi' li': ―Ná cala' ma̱ chalyuu, ná cala' ma̱ tyujo'o, ná cala' ma̱ yaca; tya lyiji cua'a̱ ycui' Ndyosi cuayá' nde tyaca̱a̱ ñati̱ nu ndyu'ni cña ji'i̱ ycui' Ni.

APOCALIPSIS 7:3 Iomraidhean Croise

SAN MATEO 24:22

Pana cua nacui̱ ycui' nu Xu'na na cha' xti ti tsa̱ caca tyempo nu chcube' ngu' jua'a̱; si tyiquee' talo tyempo cuxi bi', nga'aa clyaá ni tsaca ñati̱ chalyuu li'. Pana tya'na ti' ycui' Ndyosi ña'a̱ Ni ji'i̱ ñati̱ ji'i̱ Ni, bi' cha' cua'ni Ni cha' xti ti tsa̱ caca tyempo cuxi bi'.

SAN MATEO 24:31

Nu lo'o lye cañi cui' chcua̱, li' culo na' cña ji'i̱ quiña'a̱ tsa tya'a xca̱ 'na cha' ca̱a̱ xca̱ bi', cha' xuti'i̱ se'i̱ ti ji'i̱ lcaa ñati̱ nu cua ngusubi ycui' Ni ji'i̱; macala su ndi'i̱ ngu' tyucui ña'a̱ chalyuu tyu'u ngu' ca̱a̱ ngu' li'.

SAN JUAN 12:26

Lo'o nti' ñati̱ cua'ni cña 'na ―nacui̱ Jesús li'―, nga'a̱ cha' tsaa ngu' mala nti' na' cha' tsaa, cha' li' taca tyi'i̱ msu bi' 'na ca su ndi'i̱ ycui' na'; lo'o ycui' Sti Na' cua'ni chi̱ Ni loo ngu' nu cua'ni cña 'na li'.

SAN JUAN 3:33

Si taquiya' na ji'i̱ cha' nu nda Jesús, li' ndu'ni na lo'o tya'a na cha' liñi tsa laca cha' nu nda ycui' Ndyosi lo'o na.

ROMANOS 6:22

Pana juani ni, nga'aa caca ji'i̱ nu cuxi bi' culo cña ji'i̱ ma̱, cha' cua ndyatí̱ ma̱ lo cña ji'i̱ ycui' Ndyosi. Chaa ti' ma̱ ndyu'ni ma̱ cña ji'i̱ Ni juani, cha' xcui' na ndi'i̱ ma̱ chalyuu cuentya ji'i̱ ycui' Ni; li' ná nga'a̱ cha' tye chalyuu nu ta Ni ji'i̱ ma̱ lo'o cua ndye lcaa cha'.

APOCALIPSIS 13:16

Ngulo ni' cña ji'i̱ lcaa ñati̱ cha' chca'a̱ cuayá' ya' ngu' la'a tsu' cui̱, masi chca'a̱ cuayá' nde tyaca̱a̱ ngu'; masi ñati̱ tlyu, masi ñati̱ jua'a̱ ti, masi culiya' ngu', masi ti'i ngu', masi msu nu cua ngüi'ya ñati̱ ji'i̱, masi msu nu ndi'i̱ tso'o ti, chca'a̱ cuayá' ji'i̱ lcaa ñati̱ cuentya ji'i̱ nu xña'a̱.

APOCALIPSIS 13:17

Ni sca ñati̱ nga'aa ntsu'u chacuayá' ji'i̱ cha' cui'ya yu'ba, ni cha' cujui' yu'ba, si ná ngua'a̱ cuayá' ji'i̱ ni' loo ngu'. Lo'o nu cuayá' bi' ni, xtañi na'ni nu chiya'a̱ ña'a̱ bi' laca, cha' número nu ca ji'i̱ xtañi ni' laca cuayá' bi'.

APOCALIPSIS 14:1

Lo'o li' na'a̱ na' chaca quiya' ca ndacua su ndu̱ nu ñi'ya̱ ña'a̱ xlya' bi' lo xlya ca'ya Sión; stu'ba ti ndu̱ bi' lo'o sca siyento ntucua tu'ba ntucua jacua mil tya'a ñati̱. Nde tyaca̱a̱ ñati̱ bi', ndacua nscua xtañi nu ñi'ya̱ ña'a̱ xlya' bi', lo'o la cui' bi' nscua xtañi ycui' Ndyosi Sti Ni.

APOCALIPSIS 14:9

Nchca sna quiya' juani ya̱a̱ chaca xca̱. Cui̱i̱ nchcui' lo'o ñati̱ li': ―Xcube' ycui' Ndyosi ji'i̱ cua ña'a̱ ca ñati̱ nu ndyu'ni tlyu ji'i̱ nu na'ni chiya'a̱ ña'a̱ bi', masi ji'i̱ ycui' ni', masi ji'i̱ lcui̱ ji'i̱ ni'. Lo'o jua'a̱ xcube' Ni ji'i̱ lcaa ñati̱ nu nga'a̱ cuayá' ji'i̱ ni' nde tyaca̱a̱ ngu', jua'a̱ si nga'a̱ cuayá' ji'i̱ ni' chu̱' ya' ngu';

APOCALIPSIS 19:2

Chañi tsa laca lcaa cha' nu nchcui' ycui' Ni lo'o ñati̱, liñi tsa ndyu'ni cuayá' Ni ji'i̱ ñati̱ chalyuu. Cua nchcube' Ni ji'i̱ ngu' quichi̱ tlyu nu lye tsa ngua'ni ñu'u̱ ji'i̱ chalyuu, xqui'ya cha' suba' nu ndyu'ni ngu' lo'o tya'a ngu'; jua'a̱ nchcube' Ni ji'i̱ ngu' bi', xqui'ya cha' cua ndyujuii ngu' ji'i̱ ñati̱ nu ndyu'ni cña ji'i̱ ycui' Ni.

APOCALIPSIS 20:4

Lo'o li' na'a̱ na' su ntucua tyu̱u̱ tya'a yaca xlya tlyu. Ndyuloo na' ji'i̱ ngu' nu ntucua lo yaca xlya bi', cha' laca ngu' nu ntsu'u chacuayá' ji'i̱ cua'ni cuayá' ji'i̱ ñati̱ chalyuu. Laja ngu' nu ntucua bi' na'a̱ na' ji'i̱ ñati̱ chalyuu nu cua ndyujuii tya'a ñati̱ ji'i̱, xqui'ya cha' ná ntsi̱i̱ ngu' cacha' liñi ngu' cha' tso'o ji'i̱ tya'a ñati̱, cha' nu cua nda Jesús lo'o na cuentya ji'i̱ ycui' Ndyosi Sti yu. Ná ngua'ni tlyu jyo'o bi' ji'i̱ na'ni chiya'a̱ ña'a̱ bi', la cui' ti ná ngua'ni tlyu ngu' ji'i̱ lcui̱ ji'i̱ na'ni bi', jua'a̱ ná ngua'a̱ cuayá' na'ni bi' nde tyaca̱a̱ ngu', nde chu̱' ya' ngu'; cua ndyu'ú ngu' bi' chaca quiya', lo'o juani laca ngu' cña lo'o Cristo ca su ntucua ycui' Ndyosi ña'a̱ cuayá' tyu'u scua sca mil yija̱.

APOCALIPSIS 22:4

Tyuloo tso'o ngu' ji'i̱ ycui' Ndyosi li', cha' ca bi' tyalaa lcaa ngu' nu nscua xtañi Ni nde tyaca̱a̱ ngu'.

APOCALIPSIS 6:6

Li' ngua ti' na' cha' nguañi nchcui' sca ñati̱ nu nda xtyi'i laja su ndu̱ nu jacua tya'a na'ni tacati bi': ―Sa sca' ti nscua' caja ji'i̱ ngu' cua'ni ngu' cña sca tsa̱ ―nacui̱―, lo'o jua'a̱ sca milya ti si'yu nscua' jo'o caja ji'i̱ ngu' sca tsa̱; pana ña'a̱ ti quiña'a̱ nga'a̱ caca setye, lo'o jua'a̱ quiña'a̱ caca vino nu ndyi'yu ngu' ―nacui̱ yu bi'.

APOCALIPSIS 7:1

Tiya' la li' na'a̱ na' ji'i̱ jacua tya'a xca̱ ji'i̱ ycui' Ndyosi; na'a̱ na' nde quiya' chalyuu, nde jacua se'i̱ su ndu̱ nu jacua tya'a ngu' xca̱ bi'. Ndaca'a xca̱ bi' ji'i̱ ca ta'a jacua cui'i̱ nu nclyatu'u lo chalyuu; nga'aa nda ngu' xca̱ bi' chacuayá' culatu'u cui'i̱ bi', masi nde lo yuu, masi nde tyujo'o, ni sca chu̱' yaca ná culatu'u cui'i̱.

APOCALIPSIS 7:2

Li' na'a̱ na' ndu'u tucua chaca yu xca̱, nu ndu'u tucua lijya̱ nde su ntyucua cuichaa. Ndyi'ya yu cuayá' nu cua nda ycui' Ndyosi ji'i̱ yu, cha' cua'a̱ yu hichu̱' ñati̱ ji'i̱ ycui' Ndyosi; la cui' Ni nu nda chalyuu ji'na laca bi'. Cui̱i̱ nchcui' yu lo'o nu jacua tya'a xca̱ nu ntsu'u chacuayá' ji'i̱ cha' cua'ni ñu'u̱ ji'i̱ chalyuu lo'o ji'i̱ tyujo'o.

APOCALIPSIS 9:4

Nga'aa ngujui chacuayá' ji'i̱ ni' cua'ni ñu'u̱ ji'i̱ su quii, ji'i̱ yaca ndu̱. Ni sca na nu ndyataa ngu', ná ca cua'ni ñu'u̱ ni' ji'i̱; sca ti chacuayá' ngujui ji'i̱ ni' cha' ta xi nu ti'í ji'i̱ nu ngu' cuxi bi', ñati̱ nu ná nscua cuayá' ji'i̱ ycui' Ndyosi nde tyaca̱a̱ ngu'.