APOCALIPSIS 7:1 - Chatino Tataltepec

¹ Tiya' la li' na'a̱ na' ji'i̱ jacua tya'a xca̱ ji'i̱ ycui' Ndyosi; na'a̱ na' nde quiya' chalyuu, nde jacua se'i̱ su ndu̱ nu jacua tya'a ngu' xca̱ bi'. Ndaca'a xca̱ bi' ji'i̱ ca ta'a jacua cui'i̱ nu nclyatu'u lo chalyuu; nga'aa nda ngu' xca̱ bi' chacuayá' culatu'u cui'i̱ bi', masi nde lo yuu, masi nde tyujo'o, ni sca chu̱' yaca ná culatu'u cui'i̱.

APOCALIPSIS 7:1 Iomraidhean Croise

SAN MATEO 24:31

Nu lo'o lye cañi cui' chcua̱, li' culo na' cña ji'i̱ quiña'a̱ tsa tya'a xca̱ 'na cha' ca̱a̱ xca̱ bi', cha' xuti'i̱ se'i̱ ti ji'i̱ lcaa ñati̱ nu cua ngusubi ycui' Ni ji'i̱; macala su ndi'i̱ ngu' tyucui ña'a̱ chalyuu tyu'u ngu' ca̱a̱ ngu' li'.

SAN MARCOS 13:27

Li' culo na' cña ji'i̱ quiña'a̱ tsa tya'a xca̱ ji'i̱ ycui' Ndyosi, cha' tsaa xca̱ bi', cha' xuti'i̱ se'i̱ ti ji'i̱ lcaa ñati̱ nu cua ngusubi ycui' Ni ji'i̱; tsaa xca̱ bi' lcaa su ndi'i̱ ñati̱ bi' tyucui ña'a̱ chalyuu.

APOCALIPSIS 20:8

tsaa laja ti nu Satanás bi' xi cha' cñilo'o yu xi ji'i̱ lcaa ñati̱ tyucui ña'a̱ chalyuu, lcaa tya'a cusu̱u̱ ycui' Ndyosi; ngu' Gog lo'o ngu' Magog laca ñati̱ bi'. Ñi'ya̱ nu ná caca ji'na culacua na ni lcua tya'a satya yusi̱ ndi'i̱ to' tyujo'o, jua'a̱ ná caca culacua na ni tsa lo cua tya'a ñati̱ nu xuti'i̱ Satanás ji'i̱ cha' xu̱u̱ tya'a ngu' lo'o ycui' Ndyosi.

APOCALIPSIS 6:6

Li' ngua ti' na' cha' nguañi nchcui' sca ñati̱ nu nda xtyi'i laja su ndu̱ nu jacua tya'a na'ni tacati bi': ―Sa sca' ti nscua' caja ji'i̱ ngu' cua'ni ngu' cña sca tsa̱ ―nacui̱―, lo'o jua'a̱ sca milya ti si'yu nscua' jo'o caja ji'i̱ ngu' sca tsa̱; pana ña'a̱ ti quiña'a̱ nga'a̱ caca setye, lo'o jua'a̱ quiña'a̱ caca vino nu ndyi'yu ngu' ―nacui̱ yu bi'.

APOCALIPSIS 7:3

Ndi'ya̱ nchcui' yu lo'o ngu' xca̱ bi' li': ―Ná cala' ma̱ chalyuu, ná cala' ma̱ tyujo'o, ná cala' ma̱ yaca; tya lyiji cua'a̱ ycui' Ndyosi cuayá' nde tyaca̱a̱ ñati̱ nu ndyu'ni cña ji'i̱ ycui' Ni.

APOCALIPSIS 8:7

Li' ngula'á xca̱ nu nchca clyo lo'o cui'chcua̱ ji'i̱ yu; hora ti ndyalú tyo quee lo'o quii' nde lo yuu li'. Lo'o ndyalú bi' hichu̱' ñati̱, li' ndyalú tañi ngu'. Sa cla'be chalyuu ndye ndyaqui̱ li', jua'a̱ ndyaqui̱ sa cla'be yaca ndu̱, ndye ndyaqui̱ sa cla'be su quii ji'i̱ ngu'.

APOCALIPSIS 9:14

nchcui' bi' lo'o xca̱ nu nchca scuá nu ntsu'u cui'chcua̱ ya' yu: ―Clyaá ma̱ ji'i̱ nu jacua tya'a xca̱ nu ndi'i̱ ndyaaca̱' ca to' sta'a̱ tlyu, sta'a̱ Eufrates bi'.

APOCALIPSIS 9:4

Nga'aa ngujui chacuayá' ji'i̱ ni' cua'ni ñu'u̱ ji'i̱ su quii, ji'i̱ yaca ndu̱. Ni sca na nu ndyataa ngu', ná ca cua'ni ñu'u̱ ni' ji'i̱; sca ti chacuayá' ngujui ji'i̱ ni' cha' ta xi nu ti'í ji'i̱ nu ngu' cuxi bi', ñati̱ nu ná nscua cuayá' ji'i̱ ycui' Ndyosi nde tyaca̱a̱ ngu'.