APOCALIPSIS 5:5 - Chatino Tataltepec

⁵ Li' nguxana nchcui' sca nu cusu' lo'o na': ―Nga'aa xi'ya nu'u̱ juani ―nacui̱―. Cua ngujui nu scana ji'i̱ quityi bi', nu taca ji'i̱ suu nguiña' bi', masi nu cati tya'a nguiña' nu nga'a̱ tu'ba quityi bi'. Ycui' yu bi' laca loo ji'i̱ ngu' Judá, cha' la cui' tya'a ñati̱ ji'i̱ jyo'o David laca yu bi'. Cua ntiji̱loo yu ji'i̱ nu xña'a̱, bi' cha' juani taca ji'i̱ yu scana yu quityi bi'.

APOCALIPSIS 5:5 Iomraidhean Croise

SAN LUCAS 23:28

Li' nguxña'a̱ Jesús su ndu̱ ngu' cuna'a̱ bi', cha' chcui' lo'o ngu': ―Cu'ma̱ ngu' cuna'a̱ Jerusalén re, ná xi'ya ma̱ xqui'ya na' ―nacui̱ Jesús ji'i̱ ngu'―. Tso'o la xi'ya ma̱ xqui'ya ycui' ca ti ma̱, cuati xqui'ya sñi' ma̱.

SAN LUCAS 7:13

Lo'o na'a̱ Jesús nu Xu'na na ji'i̱ jyo'o bi', ngua tya'na ti' yu ji'i̱ nu cuna'a̱ ti'i xtya'a̱ jyo'o bi'. Li' nchcui' yu lo'o ma': ―Ná xi'ya nu'u̱ ―nacui̱.

SAN LUCAS 8:52

Nxi'ya tsa xi xa' la ngu' ndi'i̱ ngu' nde liya' xqui'ya cha' ngujuii nu cuna'a̱ piti bi'. Li' nchcui' Jesús lo'o ngu' bi': ―Ná xi'ya ma̱ ―nacui̱―. Si'i na ngujuii nu quicha re, na laja' ti re ―nacui̱ Jesús ji'i̱ ngu'.

SAN JUAN 20:13

Li' nchcuane xca̱ bi' ji'i̱ María: ―¿Ni cha' laca lye tsa ndyunaa nu'u̱? Li' nguxacui̱ María cha' ji'i̱ xca̱ bi': ―Cua ngulo ngu' ji'i̱ jyo'o Xu'na na' ―nacui̱―, lo'o ná jlo ti' na' mala ndyaa lo'o ngu' ji'i̱ ndyaa.

ROMANOS 1:3

Cha' tso'o ji'i̱ Jesucristo nu Xu'na na, nu laca Sñi' ycui' Ndyosi, bi' laca cha' nu nscua lo quityi bi'. Ngula Jesús lo yuu ñi'ya̱ nu nclya cua ña'a̱ ca sñi' ñati̱, cha' la cui' tya'a ñati̱ ji'i̱ jyo'o David laca Jesús;

ROMANOS 15:12

Lo'o jyo'o Isaías nguscua sca cha' lo quityi cusu' nu nacui̱ ndi'ya̱: Tyu'u tucua sca ñati̱ tya'a ñati̱ ji'i̱ jyo'o Isaí, ca̱a̱ yu bi' lo yuu cha' caca yu loo ji'i̱ ngu' xa' tsu'. Ndu̱ ti' ngu' xa' tsu' ji'i̱ yu bi', cha' cua'ni lyaá yu ji'i̱ ngu'. Jua'a̱ nchcui' quityi cusu' bi'.

HEBREOS 7:14

Cua jlo ti' ngu' cha' Judá ngua xtañi Jesús tya lo'o ngula yu; pana nu lo'o nchcui' jyo'o Moisés tilaca nu caca sti jo'ó, ná nchcui' tsiya' ti ji'i̱ ngu' tya'a xtañi Judá bi'.

APOCALIPSIS 1:1

Nde nscua na' cha' nu ngulu'u Jesucristo 'na. Juan laca na', lo'o nde nscua na' sca cha' nu ntsu'u yacu̱' ti tya sa'ni la. Tya clyo la cua nda ycui' Ndyosi cha' bi' lo'o Jesús cha' culu'u ji'i̱ ñati̱ ji'i̱ ycui' lcaa ña'a̱ cha' nu cua lijya̱ ti cha' caca nde chalyuu. Li' nda Jesús cha' bi' lo'o na', nu lo'o nda Ni sca xca̱ ji'i̱ Ni nu ngutu'u nde cua̱ ya̱a̱ ca slo na', cha' ndyu'ni na' cña ji'i̱ Ni.

APOCALIPSIS 22:16

Xa' nchcui' Jesús li': ―Cua nda na' xca̱ 'na cha' ca̱a̱ ca su ndi'i̱ taju ñati̱ cu'ma̱ macala laca su ntsu'u quichi̱ tyi ma̱. Na' laca̱ nu tya'a ñati̱ ji'i̱ jyo'o David, nu ñati̱ tlyu nu cua ya̱a̱ chalyuu nu ngua sa'ni. Ñi'ya̱ laca xee nu nda cuii tlyu nu ntyucua nde cuxee, jua'a̱ laca xee nu ta na' cha' tyu'u ne' cresiya ji'i̱ ñati̱ ―nacui̱ Jesús.

APOCALIPSIS 3:21

Cua ña'a̱ ca ñati̱ nu tyiji̱loo ji'i̱ nu xña'a̱ ña'a̱ cuayá' tye chalyuu, ta na' su tyucua ñati̱ bi' ca su ntucua na' cha' laca na loo; cha' jua'a̱ na', cua ntiji̱loo na' ji'i̱ nu xña'a̱ bi', lo'o juani nga'a̱ na' slo ycui' Sti na' su laca Ni loo.

APOCALIPSIS 4:10

Lcaa quiya' lo'o ndyula tu'ba na'ni bi', li' ndyatu̱ sti̱' nu ngu' cusu' bi' nde loo su ntucua ycui' Ni lo yaca xlya tlyu bi'; ndu'ni tlyu ngu' cusu' bi' ji'i̱ ycui' Ni cha' lcaa yija̱ lu'ú Ni. Li' nda'ya ngu' sne' oro nu ntucua hique ngu', nsta ngu' ji'i̱ nde loo su tlyu su ntucua ycui' Ni. Ndi'ya̱ nchcui' ngu' lo'o Ni li':

APOCALIPSIS 4:4

Nde chu̱' la ntucua xa' la yaca xlya; lo yaca bi' ntyucua calaa ntucua jacua tya'a ngu' cusu', tsa lo scuii ti ntucua ngu' tyi'i̱ ca chu̱' su ntucua Ni. Lacu' ngu' bi' late' ngati̱, jua'a̱ ntucua sne' oro hique scaa ngu'.

APOCALIPSIS 5:4

Ti'i tsa ngusi'ya na' li', cha' nga'aa ngujui nu scana ji'i̱ quityi cha' chcui' ngu' lo.

APOCALIPSIS 6:1

Li' na'a̱ na' cha' ngusuu nu ñi'ya̱ ña'a̱ xlya' bi' sca nguiña' nu nga'a̱ tu'ba quityi bi'. Ndyuna na' nchcui' sca na'ni tacati bi' li'. Lye tsa nguañi nchcui' ni' ñi'ya̱ lo'o ndañi nchcui' tyi'yu: ―Cua̱a̱ clya nu'u̱ ca nde ―nacui̱.

APOCALIPSIS 7:13

Li' nchcuane sca ngu' cusu' jna': ―¿Tilaca laca ñati̱ nu nchcu' late' ngati̱, nti' nu'u̱? ―nacui̱―. ¿Macala ndu'u ñati̱ bi' lijya̱?