APOCALIPSIS 5:2 - Chatino Tataltepec

² Li' na'a̱ na' cha' ndu̱ sca ñati̱ nguula, sca xca̱ ji'i̱ ycui' Ndyosi. Cui̱i̱ tsa ngusi'ya xca̱ bi': ―¿Tilaca laca nu ntsu'u chacuayá' ji'i̱ cha' suu nguiña' nu nga'a̱ tu'ba quityi nchcu̱' bi', cha' chcana quityi bi'? ―nacui̱.

APOCALIPSIS 5:2 Iomraidhean Croise

APOCALIPSIS 10:1

Li' laja coo ti na'a̱ na' chaca xca̱ nu ngutu'u ca slo ycui' Ndyosi, nu ya̱a̱ nde cua̱ ngua'ya nde lo yuu li'; lcaa cña nchca ji'i̱ xca̱ bi'. Ndu̱ cuaña taa lo xlya hique xca̱ bi', jua'a̱ ndubi tsa ña'a̱ cloo xca̱ bi' ñi'ya̱ ndubi ña'a̱ loo cuichaa; lo'o jua'a̱ tyijya̱ quiya' yu, jua'a̱ tyijya̱ nda̱ yu, lye ndyu'u xee ñi'ya̱ laca lo'o ndyatu̱ quii'.

APOCALIPSIS 18:21

Lo'o li' ya̱a̱ sca xca̱ ji'i̱ ycui' Ndyosi nu tlyu tsa cña ngua ji'i̱ cua'ni. Ngusicua̱ xca̱ bi' sca quee tonu nu lo scuii ti ña'a̱; ñi'ya̱ ña'a̱ sca quee ji'i̱ molino, jua'a̱ ña'a̱ quee bi'. Ngu̱ ji'i̱ ndyaa nde lo hitya tyujo'o li'. ―La cui' jua'a̱ caca ji'i̱ quichi̱ Babilonia, quichi̱ tlyu bi' ―nacui̱ xca̱ bi'―, cha' xlyú ngu' ji'i̱ quichi̱ bi' ca lo yuu tsiya' ti; nga'aa ña'a̱ ngu' ji'i̱ quichi̱ bi' chaca quiya' li'.

APOCALIPSIS 5:1

Li' na'a̱ na' cha' ntsu'u quityi ya' tsu' cui̱ nu cusu' laca loo nu ntucua lo yaca xlya bi'. Sca quityi nchcu̱', nu ngutu ti ña'a̱ laca bi'; jua'a̱ tyucuaa chu̱' quityi bi' cua nscua cha'. Cati se'i̱ nga'a̱ nguiña' tu'ba quityi su ndyacu̱' bi'.

APOCALIPSIS 5:5

Li' nguxana nchcui' sca nu cusu' lo'o na': ―Nga'aa xi'ya nu'u̱ juani ―nacui̱―. Cua ngujui nu scana ji'i̱ quityi bi', nu taca ji'i̱ suu nguiña' bi', masi nu cati tya'a nguiña' nu nga'a̱ tu'ba quityi bi'. Ycui' yu bi' laca loo ji'i̱ ngu' Judá, cha' la cui' tya'a ñati̱ ji'i̱ jyo'o David laca yu bi'. Cua ntiji̱loo yu ji'i̱ nu xña'a̱, bi' cha' juani taca ji'i̱ yu scana yu quityi bi'.