APOCALIPSIS 4:2 - Chatino Tataltepec

² Hora ti ngua'ya Xtyi'i ycui' Ndyosi lo na' li'. Cla'be nde cua̱ bi' na'a̱ na' cha' ntucua sca yaca xlya tlyu nu tso'o tsa ña'a̱. Nde bi' ntucua sca ñati̱.

APOCALIPSIS 4:2 Iomraidhean Croise

SAN MATEO 22:43

Li' nchcuane Jesús ji'i̱ ngu' bi' chaca quiya': ―¿Ñi'ya̱ ndyu'u ta cha' re nti' cu'ma̱, cha' cua nchcui' jyo'o David cha' Xu'na yu laca nu Cristo bi'? Cua ngulu'u Xtyi'i ycui' Ndyosi cha' bi' ji'i̱ David, bi' cha' nchcui' yu ndi'ya̱:

HEBREOS 8:1

Ndi'ya̱ ndyu'u cha' nu nti' na' chcui̱' lo'o ma̱ juani: Ca cua̱ ntucua Jesús, nde la'a tsu' cui̱ ca su ntucua ycui' Ndyosi, cha' nclyo Ni cña tyucui ña'a̱ chalyuu; ca bi' ntucua Jesús cha' laca Ni sti jo'ó nu laca loo la cuentya ji'na.

APOCALIPSIS 1:10

Tsa̱ clyo ji'i̱ semana ngua, tsa̱ ji'i̱ ycui' nu Xu'na na, li' tyucui ña'a̱ na' ngua tii na' cha' ngua'ya Xtyi'i ycui' Ndyosi lo na' tsiya' ti; nga'aa ngua cua'ni na' xa' la cha'. Li' ndyuna na' cha' nchcui' tsaca ñati̱ nde chu̱' su ndu̱ na'; cui̱i̱ ngusi'ya bi' lo'o nchcui', ñi'ya̱ ndañi nclya'á ngu' sca cui'chcua̱.

APOCALIPSIS 12:5

Ngula sca sñi' qui'yu ji'i̱ nu cuna'a̱ bi' li'. Cua lijya̱ bi' chalyuu, cha' liñi ti culo bi' cña ji'i̱ lcaa ñati̱ chalyuu; pana hora ti ngüi'ya ycui' Ndyosi ji'i̱ sñi' nu cuna'a̱ bi', ndyalo'o Ni ji'i̱ yu nde su tlyu su ntucua ycui' Ni.

APOCALIPSIS 17:3

Li' ndyalo'o Xtyi'i ycui' Ndyosi 'na, ndyaa na' lo'o sca xca̱ ji'i̱ ycui' Ni ca ne' quixi̱' su ná ndi'i̱ ñati̱. Ca bi' na'a̱ na' su ntucua sca nu cuna'a̱ hichu̱' sca na'ni nga'a, nu chiya'a̱ tsa ña'a̱; hichu̱' ni' nscua quiña'a̱ tsa cha' cuxi, nu ti'í tsa nchcui' ji'i̱ ycui' Ndyosi. Ntucua cati tya'a hique ni', cuati ntucua tii tya'a sata ni'.

APOCALIPSIS 19:4

Li' nguxana nu calaa ntucua jacua tya'a ngu' cusu' bi', la cui' jua'a̱ nguxana nu jacua tya'a na'ni tacati, ndyaa stii ngu' lo yuu nde loo su tlyu su ntucua ycui' Ndyosi; ngua'ni tlyu ngu' ji'i̱ ycui' Ni. Ndi'ya̱ nchcui' ngu' bi': ―Jua'a̱ caca cha' lacua. Cua'ni tlyu na ji'i̱ ycui' Ni ―nacui̱ ngu' lo'o tya'a ngu'.

APOCALIPSIS 20:11

Lo'o li' na'a̱ na' cha' ntucua sca ñati̱ tlyu lo sca yaca xlya tlyu nu ndubi tsa ña'a̱. Li' nguti̱ lcaa chalyuu, jua'a̱ nguti̱ lcaa ca na nu ntsu'u nde cua̱, nu lo'o ndu'u tucua ycui' Ni; nga'aa tyaca̱' tsiya' ti ma nde su nguliji yu'u chalyuu bi'.

APOCALIPSIS 21:10

Li' ngua tii na' cha' ngua'ya Xtyi'i ycui' Ndyosi tyucui ña'a̱ loo na'. Ndyalo'o xca̱ bi' 'na ca lo sca ca'ya nu cua̱ tsa, ca lo xlya ca'ya tsiya' ti; ca bi' ngulu'u yu 'na ñi'ya̱ ña'a̱ quichi̱ Jerusalén cucui. Lubii tsa ña'a̱ quichi̱ bi', cha' nde su ntucua ycui' Ndyosi ngutu'u quichi̱ bi', ngua'ya nde lo yuu.

APOCALIPSIS 21:5

Nchcui' ycui' nu ntucua lo yaca xlya tlyu bi' li': ―Ña'a̱ ma̱ ya'a̱ ñi'ya̱ nu caca juani. Xa' cuiñá cui na' lcaa na nu tyu'u nde chalyuu cucui ―nacui̱ Ni. Chaca cha' nchcui' Ni lo'o na' li': ―Scua clya nu'u̱ cha' nu nchcui' na' lo quityi; chañi tsa laca cha' bi', taca jlya ti' ma̱ ji'i̱.

APOCALIPSIS 3:21

Cua ña'a̱ ca ñati̱ nu tyiji̱loo ji'i̱ nu xña'a̱ ña'a̱ cuayá' tye chalyuu, ta na' su tyucua ñati̱ bi' ca su ntucua na' cha' laca na loo; cha' jua'a̱ na', cua ntiji̱loo na' ji'i̱ nu xña'a̱ bi', lo'o juani nga'a̱ na' slo ycui' Sti na' su laca Ni loo.

APOCALIPSIS 4:10

Lcaa quiya' lo'o ndyula tu'ba na'ni bi', li' ndyatu̱ sti̱' nu ngu' cusu' bi' nde loo su ntucua ycui' Ni lo yaca xlya tlyu bi'; ndu'ni tlyu ngu' cusu' bi' ji'i̱ ycui' Ni cha' lcaa yija̱ lu'ú Ni. Li' nda'ya ngu' sne' oro nu ntucua hique ngu', nsta ngu' ji'i̱ nde loo su tlyu su ntucua ycui' Ni. Ndi'ya̱ nchcui' ngu' lo'o Ni li':

APOCALIPSIS 4:5

Lye tsa nguañi nchcui' tyi'yu li', lye tsa ndyubii ca su ntucua ycui' Ndyosi li'. Nde loo su tlyu su ntucua Ni ndu̱ cati tya'a quityee ya' ndyaqui̱, bi' laca nu cati tya'a cui'i̱ lubii nu laca Xtyi'i ycui' Ndyosi nu ndu'u ndyaa tyucui ña'a̱ chalyuu.

APOCALIPSIS 4:9

Lu'ba ti ndyula tu'ba nu ca ta'a jacua na'ni tacati bi' li'. Ndu'ni tlyu ni' ji'i̱ Ni, ndu'ni chi̱ ni' loo ycui' Ni; ndya tsa ni' xlya'be ji'i̱ ycui' Ni nu ntucua lo yaca xlya tlyu bi', cha' lcaa yija̱ lu'ú ycui' Ndyosi.

APOCALIPSIS 5:1

Li' na'a̱ na' cha' ntsu'u quityi ya' tsu' cui̱ nu cusu' laca loo nu ntucua lo yaca xlya bi'. Sca quityi nchcu̱', nu ngutu ti ña'a̱ laca bi'; jua'a̱ tyucuaa chu̱' quityi bi' cua nscua cha'. Cati se'i̱ nga'a̱ nguiña' tu'ba quityi su ndyacu̱' bi'.

APOCALIPSIS 5:13

Li' nguañi ndyula tu'ba lcaa ñati̱ tyucui ña'a̱ chalyuu, lcaa ngu' nu cua nda ycui' Ndyosi ji'i̱ lijya̱ nde chalyuu; masi nde cua̱ su ntucua ycui' Ni, masi nde lo yuu chalyuu, masi chaca ba'a chalyuu su ndyaa ñati̱ nu ngujuii, masi lo tyujo'o, lcaa ñati̱ bi' ndyu'ni tlyu ngu' ji'i̱ ycui' Ndyosi. Ndi'ya̱ nchcui' ngu': Cua'ni tlyu na ji'i̱ ycui' nu Cusu' nu ntucua ca su tlyu, nacui̱ ngu', cua'ni chi̱ na loo Ni. Jua'a̱ nu ñi'ya̱ ña'a̱ xlya' bi', cua'ni tlyu na ji'i̱ Ni. Sca ti ycui' Ndyosi ntsu'u chacuayá' ji'i̱ Ni cha' cua'ni Ni lcaa lo cña tsiya' ti; lo'o jua'a̱ ná nga'a̱ cha' tye cha' ji'i̱ ycui' Ni tsiya' ti, nacui̱ ngu'.

APOCALIPSIS 6:16

Li' ngusi'ya ngu' ji'i̱ ca'ya lo'o ji'i̱ quee tlyu: ―Cua̱a̱ clya ma̱ xasu ma̱ hichu̱' ya, cha' ná ña'a̱ ycui' nu Cusu' nu ntucua su tlyu ji'i̱ ya; ñasi̱' tsa nu ñi'ya̱ ña'a̱ xlya' bi' ña'a̱ Ni ji'i̱ ya ―nacui̱ ngu'.