APOCALIPSIS 3:3 - Chatino Tataltepec

³ Tyi'u ti' ma̱ cha' tso'o tsa ngusñi ma̱ cha' 'na nu lo'o ngulu'u ngu' cha' ji'i̱ ma̱ tya clyo; taquiya' ma̱ ji'i̱ cha' bi' chaca quiya', pana culochu̱' ma̱ cha' cuxi nu ndyu'ni ma̱ juani, nacui̱ Jesús. Si ná tyaja'a̱ ma̱ taquiya' ma̱ cha' 'na, li' tsiya' ca tyu'u tucua na' ca̱a̱ na' slo cu'ma̱, ñi'ya̱ nti' lijya̱ sca nu cuaana; ca̱a̱ na' cha' xcube' na' ji'i̱ ma̱ lo'o ná ca tii ma̱ ni hora laca nu ca̱a̱ na', nacui̱ Ni.

APOCALIPSIS 3:3 Iomraidhean Croise

SAN MATEO 25:13

Tya nchcui' la xi Jesús lo'o ngu' li': ―Bi' cha' tii ti ti' tyi'i̱ ma̱ lcaa hora, cha' ná jlo ti' ma̱ ni tsa̱ ni hora ca̱a̱ na' chaca quiya', na' nu cua nda Ni 'na lijya̱a̱ cha' caca na' ñati̱.

SAN MARCOS 13:33

’Tii ti ti' ma̱ tyi'i̱ ma̱, cua'ni yala ma̱ lo'o ntajatya ti ma̱ ji'i̱ ycui' Ni, cha' ná jlo ti' ma̱ ni jacua' caca tsa̱ bi'.

SAN MARCOS 13:36

Tii ti ti' ma̱ tyi'i̱ ma̱ lacua si tsiya' ca tyu'u tucua yu ca̱a̱ yu, cha' ná tyalaa ycui' nu Xu'na ma̱ laja lo'o laja' ti ma̱.

1 TESALONICENSES 5:2

cua laca ngua cuayá' ti' ma̱ cha' ni sca ñati̱ chalyuu, ná jlo ti' ngu' ni tsa̱ ca̱a̱ ycui' nu Xu'na na. Ñi'ya̱ ndyalaa sca nu cuaana to' ni'i̱ ji'i̱ ngu' talya, jua'a̱ cuaana ti ca̱a̱ Jesús.

1 TIMOTEO 6:20

Lo'o nu'u̱ Timoteo, cua'ni tyaca'a nu'u̱ ji'i̱ cha' nu ntsu'u cha' culu'u nu'u̱ ji'i̱ ñati̱ cuentya ji'i̱ ycui' Ndyosi. Ná taquiya' nu'u̱ tsiya' ti ji'i̱ cha' cuxi nu nchcui' nu ngu' cuiñi bi'. Jlo tsa ti' ycui' ca ngu', jua'a̱ nti' nu ngu' cuiñi bi'; pana ná nda ngu' bi' cuentya tsiya' ti ñi'ya̱ laca sca cha' liñi.

2 TIMOTEO 1:13

Ña'a̱ ti tya tyi'u ti' nu'u̱ lcaa cha' nu cua ngulu'u na' jinu'u̱ lacua. Cha' liñi laca bi', jua'a̱ tso'o tsa si xñi tso'o nu'u̱ cha' bi'. Tso'o ti tyu'u tyiquee nu'u̱ ña'a̱ nu'u̱ ji'i̱ ñati̱, xqui'ya cha' ntsu'u cha' jinu'u̱ lo'o Jesucristo.

HEBREOS 2:1

Tlyu tsa cha' laca ji'i̱ Jesús juani lacua, bi' cha' nga'a̱ cha' xñi tso'o na lcaa cha' nu cua nchcui' Jesús lo'o na, cha' ná tyu'utsu' na ji'i̱ tyucui̱i̱ liñi nu ngusñi na.

2 PEDRO 1:13

pana laja lo'o tya lu'ú na', cua'ni na' cha' ná cjlyaa ti' ma̱ ji'i̱ cha' liñi bi'. Tso'o la si cua'ni na' jua'a̱, nti' na',

2 PEDRO 3:1

Cu'ma̱ ngu' tya'a tso'o na, cua nguscua na' sca quityi ndyaa slo cu'ma̱ tya tsubi' la. Nu juani nde nscua na' chaca quityi, cha' ca tyi'u ti' ma̱ lcaa cha' nu ji'i̱ Cristo, cha' jua'a̱ caca culacua tso'o ti' ma̱ lcaa hora.

2 PEDRO 3:10

Chañi cha' tyalaa tsa̱ bi' lo'o ca̱a̱ ycui' nu Xu'na na chaca quiya', pana ná jlo ti' na ni tsa̱ caca bi'. Ñi'ya̱ laca si cua ca̱a̱ ti sca nu cuaana to' tyi na lo'o ná jlo ti' na, jua'a̱ caca tsa̱ bi'. Cati̱ jua'a̱ ti lcaa na nu ntsu'u nde cua̱, lye tsa cañi cha' bi'; lo'o li' tye tsiya' ti tyaqui̱ lcaa na nu ntsu'u nde cua̱. Jua'a̱ tyucui ña'a̱ chalyuu ni, tye tsiya' ti li'.

APOCALIPSIS 16:15

“Cua'a̱ jyaca̱ ma̱”, nacui̱ Jesús, “tsiya' ca tyu'u tucua na' tya̱a̱ na' ñi'ya̱ nti' sca nu cuaana. Tso'o caca tyiquee ñati̱ nu tii ti ti' tyi'i̱ chalyuu, xqui'ya cha' ngusñi ngu' cha' jna'; nga'aa ca tyuju'u ti' ngu' bi' slo ñati̱ lo'o tyalaa hora nu tya̱a̱ na' li'.” Jua'a̱ nacui̱ Jesús ji'i̱ ñati̱ ji'i̱ Ni.

APOCALIPSIS 2:25

masi sca ti cha' chcui' na' lo'o ma̱, cha' ña'a̱ ti tya tyanu tso'o cha' ne' cresiya ji'i̱ ma̱, lcaa cha' nu cua ndyuna ma̱ tya tsubi' la; tyanu cha' bi' ña'a̱ cuayá' nu ca̱a̱ na', nacui̱ Jesús.

APOCALIPSIS 2:5

Bi' cha' juani cua'ni clya ma̱ cha' tyi'u ti' ma̱ ñi'ya̱ nu tso'o tsa ntsu'u tyiquee ma̱ ña'a̱ ma̱ jna', nu lo'o ngusñi ma̱ cha' 'na tya clyo; lo'o juani ña'a̱ ti nga'a̱ cha' cua'ni ma̱ la cui' cha' tso'o bi' chaca quiya'. Si ná tyaja'a̱ ma̱ cua'ni ma̱ jua'a̱, li' ca̱a̱ na' ca̱qui'ya̱ ji'i̱ candyeru ji'i̱ ma̱ ca su ntucua bi', tyalo'o na' ji'i̱, nacui̱ Ni.

APOCALIPSIS 22:7

―Yala ti tya̱a̱ na' chaca quiya' ―nacui̱ Jesús. Tso'o tsa caca tyiquee lcaa ñati̱ nu taquiya' ji'i̱ cha' nu cua nda Ni lo'o na', nu cua nscua na' lo quityi re; cha' bi' laca nu ndacha' ji'na ñi'ya̱ caca chalyuu nde loo la.

APOCALIPSIS 3:11

Cua tya̱a̱ ti na'. Ná ta ma̱ chacuayá' cha' culiji yu'u jua'a̱ ti cha' tso'o nu ntsu'u ne' cresiya ji'i̱ ma̱, tya cua'ni ma̱ ñi'ya̱ nu ngua'ni ma̱ tya sa'ni la. Tii ti ti' tyi'i̱ ma̱ cha' caja chalyuu tso'o nu ta ycui' Ndyosi ji'i̱ ma̱ lo'o tye chalyuu re.

APOCALIPSIS 3:19

Lcaa ñati̱ nu tyaca'a tsa 'na, ndaca'a na' xi ji'i̱ ngu', nchcube' na' xi ji'i̱ ngu'. Cua'ni clya ma̱ lacua, cha' culochu̱' ma̱ cha' cuxi nu ndyu'ni ma̱.

APOCALIPSIS 3:2

Quee ti' ma̱ juani, cha' ndi'i̱ ma̱ ñi'ya̱ si laja' ti ma̱. Cua'ni clya ma̱ nu tya xi ca cha' tso'o nu tya jlo ti' ma̱ cha' cua'ni ma̱, cha' ná chcuna' cña bi' tsiya' ti; bilya ña'a̱ na' si cua ndu'u scua cña bi' ji'i̱ ma̱, nacui̱ Ni.