APOCALIPSIS 3:16 - Chatino Tataltepec

¹⁶ Ñi'ya̱ laca si co'o na hitya nu conu' ti chcatsu̱, ni si'i na tyique', ni si'i na tyacala', na conu' ti chcatsu̱ bi'; ná tso'o ndyi'yu bi', salú na ji'i̱ nde lo yuu, nga'aa co'o na ji'i̱. Jua'a̱ laca cu'ma̱ cuentya jna', cha' sa cla'be ti ná ngusñi ma̱ cha' 'na.

APOCALIPSIS 3:16 Iomraidhean Croise

APOCALIPSIS 2:5

Bi' cha' juani cua'ni clya ma̱ cha' tyi'u ti' ma̱ ñi'ya̱ nu tso'o tsa ntsu'u tyiquee ma̱ ña'a̱ ma̱ jna', nu lo'o ngusñi ma̱ cha' 'na tya clyo; lo'o juani ña'a̱ ti nga'a̱ cha' cua'ni ma̱ la cui' cha' tso'o bi' chaca quiya'. Si ná tyaja'a̱ ma̱ cua'ni ma̱ jua'a̱, li' ca̱a̱ na' ca̱qui'ya̱ ji'i̱ candyeru ji'i̱ ma̱ ca su ntucua bi', tyalo'o na' ji'i̱, nacui̱ Ni.

APOCALIPSIS 3:15

Cua jlo ti' na' lcaa ña'a̱ nu ndu'ni cu'ma̱; jlo ti' na' cha' ni si'i na ngusñi tso'o ma̱ cha' 'na, lo'o jua'a̱ ni si'i na ndya'a̱chu̱' ma̱ cha' 'na. Tso'o la masi tyucui tyiquee ma̱ xñi ma̱ cha' 'na, masi xtyanu ma̱ cha' 'na tsiya' ti.

APOCALIPSIS 3:17

Quiña'a̱ tsa cha' ntsu'u ji'i̱ ya, nacui̱ ma̱. Cua ngujui sca chalyuu tso'o ji'i̱ ya, bi' cha' nga'aa ntsu'u cha' nu lyiji ji'i̱ ya, nacui̱ ma̱. Pana ná nda ma̱ cuentya cha' tya'na tsa ma̱ nti' na' ña'a̱ na' ji'i̱ ma̱. Tso'o la si ca tyuju'u ti' ma̱, nti' na', cha' nga'aa ntsu'u cha' ji'i̱ ma̱ tsiya' ti; ntsu'u tsa cha' nu lyiji ji'i̱ ma̱ nti' na' ña'a̱ na' ji'i̱ ma̱, bi' cha' ná nchca culacua tso'o ti' ma̱ tsiya' ti.