APOCALIPSIS 22:4 - Chatino Tataltepec

⁴ Tyuloo tso'o ngu' ji'i̱ ycui' Ndyosi li', cha' ca bi' tyalaa lcaa ngu' nu nscua xtañi Ni nde tyaca̱a̱ ngu'.

APOCALIPSIS 22:4 Iomraidhean Croise

SAN MATEO 5:8

’Lo'o jua'a̱ tso'o ntsu'u tyiquee ñati̱ nu lubii cresiya ji'i̱, cha' ji'i̱ ñati̱ bi' cua nda ycui' Ni chacuayá' cha' ña'a̱ ji'i̱ ycui' ca Ni nde loo la.

SAN JUAN 12:26

Lo'o nti' ñati̱ cua'ni cña 'na ―nacui̱ Jesús li'―, nga'a̱ cha' tsaa ngu' mala nti' na' cha' tsaa, cha' li' taca tyi'i̱ msu bi' 'na ca su ndi'i̱ ycui' na'; lo'o ycui' Sti Na' cua'ni chi̱ Ni loo ngu' nu cua'ni cña 'na li'.

SAN JUAN 17:24

’Sti na' ―nacui̱ Jesús ji'i̱ ycui' Ndyosi Sti yu―, cua nti' na' cha' tyi'i̱ ñati̱ nu nda nu'u̱ 'na ca su tyucua na'. Li' ña'a̱ ngu' bi' 'na nde su tlyu la su nda nu'u̱ 'na, cha' tyaca'a tsa na' jinu'u̱ tya lo'o tya lyiji xana chalyuu.

1 CORINTIOS 13:12

Jua'a̱ laca cha' ji'na su ndi'i̱ na chalyuu; juani nguxa' ti ndyiji sca cha' ji'i̱ ycui' Ndyosi ji'na, si'i tsa liñi ti nduna na cha' bi'. Ñi'ya̱ nti' si ña'a̱ na ji'i̱ ycui' ca na lo sca cuanaa, tsa lyiji ti ña'a̱ na ji'na; pana nde loo la, li' caca cuayá' tso'o ti' na lcaa cha' bi'. Cua laca ti cha' jlo ti' na juani, pana nde loo la ta na cuentya ji'i̱ lcaa lo cha'; li' tyuloo na ji'i̱ ycui' Ndyosi ñi'ya̱ ndyuloo Ni ji'na.

HEBREOS 12:14

Cua'ni cña ti' ma̱ cha' tso'o ti tyi'i̱ ma̱ lo'o lcaa ñati̱, cua'ni ma̱ cha' caca lubii cresiya ji'i̱ ma̱; ni tsaca na, ná caca ña'a̱ na ji'i̱ ycui' Ndyosi si tya lyiji caca lubii cresiya ji'na.

APOCALIPSIS 14:1

Lo'o li' na'a̱ na' chaca quiya' ca ndacua su ndu̱ nu ñi'ya̱ ña'a̱ xlya' bi' lo xlya ca'ya Sión; stu'ba ti ndu̱ bi' lo'o sca siyento ntucua tu'ba ntucua jacua mil tya'a ñati̱. Nde tyaca̱a̱ ñati̱ bi', ndacua nscua xtañi nu ñi'ya̱ ña'a̱ xlya' bi', lo'o la cui' bi' nscua xtañi ycui' Ndyosi Sti Ni.

APOCALIPSIS 3:12

Cua ña'a̱ ca ñati̱ nu tyiji̱loo ji'i̱ nu xña'a̱ ni, tlyu tsa caca ñati̱ bi' laja ñati̱ 'na lo'o cua ndyee chalyuu; tso'o tsa tyi'i̱ ngu' bi' ca su ndi'i̱ na'. Scua na' xtañi ycui' Ndyosi Sti na' loo ngu' bi', lo'o jua'a̱ scua na' ni naa quichi̱ tlyu nu ca ji'i̱ ycui' Ni; Jerusalén cucui naa quichi̱ bi'. Tyu'u bi' nde su ntucua ycui' Ndyosi, ca̱a̱ ca'ya bi' lo yuu. Jua'a̱ scua na' xtañi ycui' na' loo ngu' bi', cha' laca ngu' ñati̱ 'na.

APOCALIPSIS 7:3

Ndi'ya̱ nchcui' yu lo'o ngu' xca̱ bi' li': ―Ná cala' ma̱ chalyuu, ná cala' ma̱ tyujo'o, ná cala' ma̱ yaca; tya lyiji cua'a̱ ycui' Ndyosi cuayá' nde tyaca̱a̱ ñati̱ nu ndyu'ni cña ji'i̱ ycui' Ni.