APOCALIPSIS 21:4 - Chatino Tataltepec

⁴ Lo'o li' cua'ni ycui' Ndyosi cha' nga'aa xi'ya ngu' nu ndyunaa tsa tya tsubi' la ―nacui̱ nu nchcui' bi'―. Nga'aa ntsu'u cha' cajaa ñati̱ li', nga'aa ntsu'u cha' ca xñi'i̱ ti' ngu', nga'aa xi'ya ngu', ni nga'aa tyacua cha' ti'í ji'i̱ ngu' li'; cua ndye lcaa cha' nu ngua ji'i̱ ngu' lo'o nguti'i̱ ngu' chalyuu cusu' ―nacui̱ nu nchcui' bi'.

APOCALIPSIS 21:4 Iomraidhean Croise

SAN MATEO 24:35

Masi tye lcaa na nu ntsu'u nde cua̱, masi tye chalyuu re, pana ná tye tsiya' ti cha' nu nchcui' na' re, cha' xcui' cha' liñi laca cha' nu nchcui' na'.

1 CORINTIOS 15:26

Lo'o cua ndye lcaa cha', li' cua'ni tye Ni cha' ndyijii ñati̱.

1 CORINTIOS 7:31

masi ntsu'u tsa cha' tso'o ji'i̱ ma̱ nde chalyuu, ná culiji tsa ma̱ tyempo ji'i̱ ma̱ xqui'ya cha' tso'o bi'. Cua lijya̱ ti tye tyucui ña'a̱ chalyuu, lo'o jua'a̱ lcaa na nu ntsu'u chalyuu nga'a̱ cha' tye cha' bi'.

2 CORINTIOS 5:17

Lo'o juani nu lo'o cua ngusñi sca ñati̱ cha' ji'i̱ Cristo, li' cua nguxcutsa'a̱ Ni cha' ji'i̱ ñati̱ bi'; cua ndye cha' ji'i̱ yu lo'o cha' cuxi nu ngua'ni yu nu ngua tya tsubi' la. Chaca chalyuu cucui, bi' laca nu cua ngujui ji'i̱ yu juani.

2 CORINTIOS 6:17

Lo'o jua'a̱ nchcui' ycui' nu Xu'na na chaca quiya' lo'o na, nu ngusñi na cha' ji'i̱ Ni. Ndi'ya̱ nacui̱ Ni: Tyu'utsu' ma̱ nde su ndi'i̱ ngu' cuxi; ná cua'ni tya'a ma̱ lo'o nu ngu' cuxi bi', cha' ná tyatí̱ cha' ji'i̱ ma̱ lo'o cha' cuxi nu ndyu'ni ngu' bi'. Li' quiñi cha' 'na lo'o ma̱,

HEBREOS 12:27

Lo'o nacui̱ Ni: “chaca tya quiya'”, jua'a̱ ca cuayá' ti' na cha' ntsu'u cha' xquiña Ni tyucui ña'a̱ lcaa chalyuu nu cua ngüiñá Ni, culotsu' Ni ji'i̱ cha' bi' li'. Tsa ña'a̱ ti na nu ntsu'u ji'i̱ ycui' Ndyosi, bi' ti na nu tyanu li', xqui'ya cha' ná nchca clyiji na bi' tsiya' ti.

2 PEDRO 3:10

Chañi cha' tyalaa tsa̱ bi' lo'o ca̱a̱ ycui' nu Xu'na na chaca quiya', pana ná jlo ti' na ni tsa̱ caca bi'. Ñi'ya̱ laca si cua ca̱a̱ ti sca nu cuaana to' tyi na lo'o ná jlo ti' na, jua'a̱ caca tsa̱ bi'. Cati̱ jua'a̱ ti lcaa na nu ntsu'u nde cua̱, lye tsa cañi cha' bi'; lo'o li' tye tsiya' ti tyaqui̱ lcaa na nu ntsu'u nde cua̱. Jua'a̱ tyucui ña'a̱ chalyuu ni, tye tsiya' ti li'.

1 JUAN 2:17

Yala ti tye chalyuu re, culiji jua'a̱ ti lcaa cha' cuxi nu ndiya ti' ñati̱ chalyuu; pana ñati̱ nu taquiya' ji'i̱ cha' nu nchcui' ycui' Ndyosi ni, ná nga'a̱ cha' tye chalyuu ji'i̱ ngu' bi'.

APOCALIPSIS 20:13

Li' chaca quiya' ndyu'ú ñati̱ nu cua ngujuii lo hitya tyujo'o, jua'a̱ chaca quiya' ndyu'ú ñati̱ nu ndyalo'o La Muerte ji'i̱, jua'a̱ chaca quiya' ndyu'u xa' la jyo'o ca su nga'a̱ cha' tsaa ngu' lo'o ndyijii ngu'; lcaa ngu' bi' ndu'u ngu' lijya̱ ngu'. Li' ngua cuayá' ji'i̱ lcaa ngu' cuentya ji'i̱ lcaa cña nu ngua'ni ngu' lo'o ya̱a̱ ngu' chalyuu.

APOCALIPSIS 20:14

Li' nguxcua̱a̱ Ni ji'i̱ La Muerte, lo'o jua'a̱ nguxcua̱a̱ Ni chalyuu su nguti'i̱ jyo'o bi', ndyaa bi' nde lo tayu' su ntsu'u quii' tlyu ndyaqui̱. Lcaa nu ndyaa ca lo tayu' bi' ni, cua ndyaa ngu' chalyuu talya, cua ndye cha' ngujuii ngu' bi'; nga'aa tyu'ú ngu' bi' tsiya' ti.

APOCALIPSIS 21:1

Lo'o li' na'a̱ na' cha' cua ndyaca cucui tyucui ña'a̱ nde cua̱, cua ndye ndya' chaca ba'a chalyuu cucui. Nguliji yu'u lcaa na nu ntsu'u nde cua̱ tya tsubi' la; jua'a̱ chalyuu cusu' re, jua'a̱ tyucui ña'a̱ tyujo'o, nguliji yu'u bi', nga'aa ña'a̱ na' ji'i̱ tsiya' ti.

APOCALIPSIS 22:3

Pana lquichi̱ bi' nga'aa caja cha' ti'í ji'i̱ ngu' tsiya' ti, ñi'ya̱ nu ntsu'u nde chalyuu xqui'ya yabe' nu ntsu'u ji'i̱ ñati̱. Ca quichi̱ bi' stu'ba ti caca loo ycui' Ndyosi lo'o nu ñi'ya̱ ña'a̱ xlya' bi'; ndacua ntucua yaca xlya tlyu ji'i̱ Ni, cha' cua'ni tlyu lcaa ñati̱ nu ndyu'ni cña ji'i̱ Ni ji'i̱ ycui' Ni nu ntucua ca ndacua.

APOCALIPSIS 7:17

Ña'a̱si̱i̱ nu ñi'ya̱ ña'a̱ xlya' bi' ji'i̱ ngu', cha' ndi'i̱ Ni la cui' ca su ntucua ycui' Ndyosi loo; bi' laca nu tsalo'o ji'i̱ ngu' su caja hitya co'o ngu' cha' caja chalyuu cucui ji'i̱ ngu' li'. Lo'o jua'a̱ xquityi Ni hitya cloo ngu' cha' nga'aa cunaa ngu' li'.