APOCALIPSIS 21:3 - Chatino Tataltepec

³ Cui̱i̱ tsa nchcui' sca nu ndu̱ cacua ti su tlyu ca su ntucua ycui' Ndyosi li': ―Ca juani ntucua tyi ycui' Ndyosi la cui' ca su ndi'i̱ ñati̱ nu ngusñi cha' ji'i̱ Ni nde chalyuu. Tyi'i̱ ycui' Ni ca su ndi'i̱ ñati̱ ji'i̱ Ni li'; jua'a̱ caca ngu' bi' ñati̱ ji'i̱ ycui' Ni, caca ycui' Ni loo ji'i̱ ngu' bi' li'.

APOCALIPSIS 21:3 Iomraidhean Croise

SAN JUAN 1:14

Ngua yu bi' ñati̱, la cui' yu nu laca cha' ji'i̱ ycui' Ndyosi. Stu'ba ti nguti'i̱ yu lo'o na nde chalyuu. Cua na'a̱ ya ji'i̱ yu cha' tlyu tsa cha' ntsu'u ji'i̱ yu, cha' laca yu nu sca ti Sñi' ycui' Ndyosi. Xcui' tso'o tsa ndu'ni yu lo'o na, xcui' cha' liñi nchcui' yu.

SAN JUAN 14:23

―Ñati̱ nu chañi cha' ntsu'u tsa tyiquee jna', taquiya' ngu' ji'i̱ lcaa cha' nu nchcui' na' lo'o ngu' ―nacui̱ Jesús―. Lo'o li' tso'o tsa caca tyiquee ycui' Ndyosi Sti na' ña'a̱ Ni ji'i̱ ngu' bi'. Cuati ca̱a̱ ya lo'o Sti na' cha' tyanu ya lo'o ngu' bi' ―nacui̱ Jesús―.

2 CORINTIOS 6:16

Ñi'ya̱ nti' cu'ma̱ nu tyaca'a tsa ma̱ ji'i̱ ycui' Ndyosi ni, ná taca cua'ni tya'a ma̱ lo'o xa' ñati̱ nu ngusñi cha' ji'i̱ cua ña'a̱ ca jo'ó; tyaca'a tsa na ji'i̱ ycui' Ndyosi nu lu'ú ca xqui'ya cha' ndyanu Xtyi'i ycui' Ndyosi ne' cresiya ji'na. Ndi'ya̱ nacui̱ ycui' Ndyosi: Tyi'i̱ na' ca slo ñati̱ bi', lo'o jua'a̱ tya'a̱ na' lo'o ñati̱ bi'; caca na' ycui' Ndyosi cuentya ji'i̱ ngu' bi', bi' cha' taca caca ngu' bi' ñati̱ 'na. Jua'a̱ nacui̱ Ni.

2 CORINTIOS 6:18

caca na' Sti ma̱; jua'a̱ cu'ma̱ caca ma̱ sñi' na', masi nu cuna'a̱, masi nu qui'yu. Jua'a̱ nacui̱ ycui' Ndyosi nu Xu'na ma̱, nu lcaa tsiya' ti cña nchca ji'i̱ Ni.

1 TESALONICENSES 3:11

Ntajatya ya ji'i̱ ycui' Ndyosi Sti na lo'o ji'i̱ Jesús nu Xu'na na ni jacua' ta Ni chacuayá' tsaa ya ca slo cu'ma̱.

HEBREOS 11:16

Pana si'i jua'a̱ ngua ti' ngu', xqui'ya cha' jlya ti' ngu' cha' ta ycui' Ndyosi sca se'i̱ su tso'o la tsiya' ti su tyi'i̱ ngu'; ngua ti' ngu' tyalaa ngu' la cui' ca su ntucua ycui' Ni. Bi' cha' ná tyuju'u ti' Ni lo'o nacui̱ ngu' cha' ycui' Ndyosi nu Xu'na ngu' laca Ni; na cua ngua'ni cho'o Ni sca se'i̱ su tyi'i̱ ngu' ca slo ycui' Ni.

HEBREOS 8:10

Lo'o juani nde laca cha' cucui nu cua quiñi ti 'na lo'o ngu' Israel juani, nacui̱ Ni. Nu lo'o tyalaa tyempo, li' cua'ni na' cha' tyanu tso'o lcaa cha' ne' cresiya ji'i̱ ngu', ñi'ya̱ nu chcui' na' lo'o ngu' li'. Tyucui ti' tyiquee ngu' cua'ni ngu' cña 'na li'; caca na' ycui' Ndyosi nu Xu'na ngu' li', lo'o jua'a̱ caca ngu' bi' ñati̱ jna'.

HEBREOS 8:2

Ndu'ni Ni cña ca sca se'i̱ su tacati tsa nu ngüiñá ycui' Ndyosi; si'i ñati̱ chalyuu ti nu ngüiñá ji'i̱, cha' laca bi' ñi'ya̱ nu ngua ti' ycui' Ndyosi cha' caca.

APOCALIPSIS 10:4

Lo'o ndye nchcui' tyi'yu bi', li' cua scua ti na' cha' nu nda tyi'yu bi', pana ndyuna na' nchcui' sca nu ntucua ca slo ycui' Ndyosi li': ―Xu'ba cuatsi' nu'u̱ cha' nu nda nu cati tya'a tyi'yu bi' ―nacui̱ Ni jna'―. Nga'aa scua nu'u̱ cha' bi' lo quityi.

APOCALIPSIS 10:8

Li' chaca quiya' nguañi nchcui' nu ntucua ca slo ycui' Ndyosi bi', nchcui' lo'o na': ―Yaa xñi nu'u̱ quityi piti ti nu cua nchcana ntucua ya' xca̱ nu ndu̱ lo tyujo'o nu ndu̱ lo yuu chalyuu bi'.

APOCALIPSIS 12:10

Lo'o li' cui̱i̱ tsa nguañi nchcui' sca ñati̱ nde cua̱: ―Juani taca ña'a̱ na ñi'ya̱ ngua'ni lyaá ycui' Ndyosi ji'i̱ ñati̱ chalyuu ya' nu xña'a̱ ―nacui̱ ngu'―. Nguula tsa cña ndu'ni Ni chalyuu, bi' cha' laca Ni loo juani, lo'o jua'a̱ cua ndyalaa tyempo cha' caca Cristo loo tyucui ña'a̱ chalyuu. Nu ngua tya tsubi' la ndu̱ nu xña'a̱ bi' ca slo ycui' Ndyosi, cha' tsa̱ lo'o talya ngusta bi' qui'ya hichu̱' ñati̱ tya'a ngusñi na cha' ji'i̱ Jesús; pana juani cua ngulo'o Ni ji'i̱ ca su ntucua ycui' Ni, cua ndyu'u laja ngu' bi' li'.

APOCALIPSIS 21:7

Ndi'ya̱ caca ji'i̱ ñati̱ nu tyiji̱loo ji'i̱ nu xña'a̱ ña'a̱ cuayá' tye chalyuu; cua'ni tlyu ngu' bi' 'na cha' na' laca̱ ycui' Ndyosi cuentya ji'i̱ ngu', lo'o jua'a̱ caca ngu' bi' sñi' na'.

APOCALIPSIS 22:3

Pana lquichi̱ bi' nga'aa caja cha' ti'í ji'i̱ ngu' tsiya' ti, ñi'ya̱ nu ntsu'u nde chalyuu xqui'ya yabe' nu ntsu'u ji'i̱ ñati̱. Ca quichi̱ bi' stu'ba ti caca loo ycui' Ndyosi lo'o nu ñi'ya̱ ña'a̱ xlya' bi'; ndacua ntucua yaca xlya tlyu ji'i̱ Ni, cha' cua'ni tlyu lcaa ñati̱ nu ndyu'ni cña ji'i̱ Ni ji'i̱ ycui' Ni nu ntucua ca ndacua.

APOCALIPSIS 7:15

Bi' cha' ndu̱ ngu' nde loo su tlyu su ntucua ycui' Ndyosi juani ―nacui̱ nu cusu' bi'―, cha' tsa̱ lo'o talya ndyu'ni ngu' bi' cña ji'i̱ Ni ca su ndi'i̱ Ni. Ycui' Ni nu ntucua lo yaca xlya tlyu bi' tyanu cacua ti su ndi'i̱ ngu', cha' cua'a ji'i̱ ngu' cha' ná tyacua cha' cuxi ji'i̱ ngu'.