APOCALIPSIS 21:13 - Chatino Tataltepec

¹³ Sna tya'a tolo'o ntucua sca la'a to' quichi̱: nde la'a su ntyucua cuichaa ntucua sna tya'a tolo'o bi', nde la'a su ndyaa cuichaa ntucua tya xna tya'a tolo'o, chaca la'a ntucua chaca tya xna tya'a tolo'o, chaca la'a nde sii', la cui' jua'a̱ ntucua tya xna tya'a tolo'o.

APOCALIPSIS 21:13 Iomraidhean Croise

APOCALIPSIS 21:12

Cua̱ tsa lo'o nu ntsu'u ca to' quichi̱ bi', pana cua laca ntucua yaala ti tii tyucuaa tya'a tolo'o; sca xca̱ ji'i̱ ycui' Ndyosi ndu̱ cua̱ scaa tolo'o bi'. Chu̱' quee nu ntucua nde que tolo'o bi' nscua xtañi nu tii tyucuaa tya'a taju ñati̱ ngu' Israel, cha' bi' ñati̱ laca nu cua ngusubi ycui' Ndyosi ji'i̱ tya clyo lo'o nguxana cha' ji'i̱ ycui' Ni; scaa xtañi ngu' nscua nde que scaa tolo'o.

APOCALIPSIS 21:14

Tii tyucuaa tya'a quee tonu ntsiya quiya' lo'o; jua'a̱ hichu̱' quee bi' cua nscua xtañi nu tii tyucuaa tya'a ngu' nu ngua'a̱loo nu ñi'ya̱ ña'a̱ xlya' bi' cña ji'i̱ ngu', nu cua'ni ngu' cuentya ji'i̱ ycui' Ni.