APOCALIPSIS 21:1 - Chatino Tataltepec

¹ Lo'o li' na'a̱ na' cha' cua ndyaca cucui tyucui ña'a̱ nde cua̱, cua ndye ndya' chaca ba'a chalyuu cucui. Nguliji yu'u lcaa na nu ntsu'u nde cua̱ tya tsubi' la; jua'a̱ chalyuu cusu' re, jua'a̱ tyucui ña'a̱ tyujo'o, nguliji yu'u bi', nga'aa ña'a̱ na' ji'i̱ tsiya' ti.

APOCALIPSIS 21:1 Iomraidhean Croise

ROMANOS 8:21

cua tyalaa ti sca tsa̱ nu tye lcaa cha' cuxi nu ndu'ni cha' quiñu'u̱ chalyuu, lcaa cha' cuxi nu laca loo ji'na. Lo'o li' tso'o tsa caca lcaa lo na nu ngüiñá Ni nde chalyuu, cha' stu'ba ti cua'ni lyaá Ni ji'i̱ nu na bi' lo'o ji'na nu laca na sñi' ycui' Ni.

2 PEDRO 3:10

Chañi cha' tyalaa tsa̱ bi' lo'o ca̱a̱ ycui' nu Xu'na na chaca quiya', pana ná jlo ti' na ni tsa̱ caca bi'. Ñi'ya̱ laca si cua ca̱a̱ ti sca nu cuaana to' tyi na lo'o ná jlo ti' na, jua'a̱ caca tsa̱ bi'. Cati̱ jua'a̱ ti lcaa na nu ntsu'u nde cua̱, lye tsa cañi cha' bi'; lo'o li' tye tsiya' ti tyaqui̱ lcaa na nu ntsu'u nde cua̱. Jua'a̱ tyucui ña'a̱ chalyuu ni, tye tsiya' ti li'.

2 PEDRO 3:13

Pana xa' cuiñá Ni chaca chalyuu cucui, lo'o jua'a̱ cuiñá Ni lcaa lo na nu ntsu'u nde cua̱; cuiñá Ni sca chalyuu nu tso'o tsa ña'a̱, su xcui' tso'o ti cua'ni ngu' lo'o tya'a ngu' li'. Jua'a̱ nacui̱ Ni cha' caca; jlo ti' na cha' jua'a̱ caca bi', xqui'ya cha' xcui' cha' liñi nchcui' ycui' Ni. Bi' cha' ndu̱ ti' na ji'i̱ cha' bi' lacua.

APOCALIPSIS 13:1

Ndyaa na' ndyatu̱ na' to' tyujo'o li'. Na'a̱ na' nde to' hitya tyujo'o lijya̱ ndu'u tucua sca na'ni nu chiya'a̱ tsa ña'a̱; ntucua tii tya'a sata ni', cuati ntsu'u cati tya'a hique ni'. Ca ta'a sata ni' bi' cua ntucua sne' nu ndubi tsa ña'a̱, cha' laca ni' loo nde chalyuu. Ca ta'a scua' que ni' cua nscua xtañi cuiñaja, xtañi bi' nchcui' cha' ti'í ji'i̱ ycui' Ndyosi.

APOCALIPSIS 20:11

Lo'o li' na'a̱ na' cha' ntucua sca ñati̱ tlyu lo sca yaca xlya tlyu nu ndubi tsa ña'a̱. Li' nguti̱ lcaa chalyuu, jua'a̱ nguti̱ lcaa ca na nu ntsu'u nde cua̱, nu lo'o ndu'u tucua ycui' Ni; nga'aa tyaca̱' tsiya' ti ma nde su nguliji yu'u chalyuu bi'.

APOCALIPSIS 21:5

Nchcui' ycui' nu ntucua lo yaca xlya tlyu bi' li': ―Ña'a̱ ma̱ ya'a̱ ñi'ya̱ nu caca juani. Xa' cuiñá cui na' lcaa na nu tyu'u nde chalyuu cucui ―nacui̱ Ni. Chaca cha' nchcui' Ni lo'o na' li': ―Scua clya nu'u̱ cha' nu nchcui' na' lo quityi; chañi tsa laca cha' bi', taca jlya ti' ma̱ ji'i̱.

APOCALIPSIS 6:14

Nga'aa chcana ña'a̱ ngu' nde cua̱ li'; cua nguliji yu'u bi', cha' ngulatsu' ycui' Ndyosi ji'i̱. La cui' jua'a̱ ngulatsu' Ni ji'i̱ lcaa ca'ya cua̱; jua'a̱ lcaa yuu cla'be nu nscua cla'be hitya, ngulatsu' Ni ji'i̱.