Lo'o jua'a̱ cua ña'a̱ ca ñati̱ nu ntsu'u cha' tsaa tyijyu' cha' cua'ni ngu' cña cuentya jna', nu nguxtyanu lcaa na nu ntsu'u ji'i̱ ngu' cha' ndyu'ni ngu' cña bi', ná xtyanu na' ji'i̱ ngu' bi' jua'a̱ ti; masi tyi ngu', masi tya'a ngula ngu', masi sti ngu', masi xtya'a̱ ngu', masi sñi' ngu', masi yuu nu ntsu'u ji'i̱ ngu', masi xtyanu ngu' lcaa cha' bi', pana caja chalyuu nu ná nga'a̱ cha' tye ji'i̱ ngu'. Lo'o jua'a̱ xa' caja quiña'a̱ la cha' ji'i̱ ngu' bi', tsa ña'a̱ nu nguna' ji'i̱ ngu' bi' ngua ti' ngu'.
APOCALIPSIS 20:2 - Chatino Tataltepec2 Li' ndaya' xca̱ bi' ji'i̱ nu cuaña tlyu, la cui' cuaña laca nu ndi'i̱ chalyuu tya sa'ni, la cui' nu xña'a̱ nu naa Satanás laca bi'. Tachaa ngusca̱' xca̱ bi' ji'i̱ nu xña'a̱ bi' lo'o carena ña'a̱ cuayá' talo sca mil yija̱ ndyaaca̱'. Faic an caibideil |
APOCALIPSIS 20:2
31 Iomraidhean Croise
Ñi'ya̱ laca si'yu nu ndyalú lo yuu tacalya to' tyucui̱i̱ lo'o li' ndye si'yu ndyacu quiñi, jua'a̱ laca ñati̱ nu lo'o ndyuna ngu' cha' tso'o ji'i̱ ycui' Ndyosi, ná nduna tso'o ngu' li'. Ñi'ya̱ laca yuu tacalya bi', jua'a̱ laca cresiya ji'i̱ ñati̱ bi'. Ñi'ya̱ laca lo'o ndye ndyacu quiñi si'yu to' tyucui̱i̱, jua'a̱ ca̱a̱ Satanás cha' cuityi̱ cha' tso'o bi', cha' nga'aa tyi'u ti' ngu' cha' tso'o bi' li'.
Nu na, ñati̱ chalyuu na ni, sca ti cuaña' na, sca ti tañi na lo'o ngu' cusu' ji'na, jua'a̱ lo'o ngu' tya'a na. Ca ta'a na nu cua ngusñi na cha' ji'i̱ Jesús laca na ñati̱ chalyuu; bi' cha' lo'o nu Jesús bi' ngua yu ñati̱, cha' li' ngua ji'i̱ yu ngujuii yu cuentya ji'na. Sca ti jua'a̱ ngujui ñi'ya̱ tyiji̱loo yu ji'i̱ nu xña'a̱ nu nclyo cña nde ca bilyaa, su nti' nu xña'a̱ bi' cha' tsaa cresiya ji'i̱ lcaa ñati̱.
Nu cua sa'ni ni, ná ngua'ni clyu ti' ycui' Ndyosi ji'i̱ nu ngu' xca̱ ji'i̱ Ni nu ntsu'u qui'ya ji'i̱; nguxcua̱a̱ Ni ji'i̱ ngu' xca̱ nu xña'a̱ bi', ndyaa ngu' nde ca bilyaa, ca su talya ña'a̱ tsiya' ti. Ndyaaca̱' ngu' xca̱ bi' lo'o ju̱u̱ chcua̱, cha' ca bi' tyanu ngu' ña'a̱ cuayá' nu cua'ni cuayá' Ni ji'i̱ lcaa ñati̱ chalyuu, lo'o ji'i̱ ngu' xca̱ bi'.
Lo'o jua'a̱ tyi'u ti' ma̱ ji'i̱ xca̱ ji'i̱ ycui' Ndyosi nu ná ntaja'a̱ taquiya' ji'i̱ cña nu nda Ni ji'i̱ ngu' nu ngua sa'ni, bi' cha' nguxtyanu xca̱ bi' tyi ngu' ca slo ycui' Ndyosi. Pana juani cua ndu̱ xca̱ cuxi bi' ndyaaca̱' lo'o carena; ca su talya ña'a̱ tsiya' ti ndu̱ xca̱ cuxi bi', cha' preso ji'i̱ ycui' Ndyosi laca ngu' juani. Jua'a̱ ntsu'u cha' jatya xca̱ bi' ni jacua' tyalaa tsa̱ nu cua'ni cuayá' ycui' Ni ji'i̱ lcaa ñati̱.
Ngunasi̱' tsa nu cuaña bi' ji'i̱ nu cuna'a̱ bi' li', ndyaa ndyaana ni' cha' cusu̱u̱ lo'o lcaa ñati̱ nu tyu'u ji'i̱ nu cuna'a̱ ca tiya' la; nxu̱u̱ tya'a ni' lo'o lcaa ñati̱ nu taquiya' ji'i̱ cña nu ngulo ycui' Ndyosi ji'na, nu ña'a̱ ti ná ntsi̱i̱ ngu' cha' cacha' liñi ngu' cha' ji'i̱ Jesús ji'i̱ xa' ñati̱.
Ñi'ya̱ cuichi jo'ó, jua'a̱ ña'a̱ ni', ngua ti' na'; pana tyaala ña'a̱ quiya' ni', tyucui̱ tsa xcatya̱' ni' ñi'ya̱ ña'a̱ xcatya̱' oso. Lo'o tu'ba ni' ni, ñi'ya̱ ña'a̱ tu'ba cuichi sa'a cuiña', jua'a̱ ña'a̱ tu'ba ni'. Nda nu cuaña bi' cña loo ji'i̱ nu na'ni chiya'a̱ ña'a̱ bi', cha' caca ni' loo ji'i̱ ñati̱ chalyuu, ñi'ya̱ laca ycui' loo. Lo'o jua'a̱ nu cuaña bi' ni, nda ni' chacuayá' ji'i̱ na'ni chiya'a̱ ña'a̱ bi', cha' caca cua'ni ni' cña, cha' tyanu tlyu ni' macala su nti' ycui' ni'.
Ngua'ni tlyu lcaa ñati̱ ji'i̱ nu cuaña bi' li', cha' cua nda bi' chacuayá' cha' caca tlyu nu na'ni chiya'a̱ ña'a̱ bi'; jua'a̱ ngua'ni tlyu ngu' ji'i̱ ycui' na'ni chiya'a̱ ña'a̱. Nchcui' ngu' lo'o tya'a ngu' li': ―Ná tucui ndi'i̱ chalyuu nu stu'ba lo'o nu na'ni jua. Nga'aa nchca ji'i̱ ñati̱ xu̱u̱ tya'a lo'o ni'.
Lo'o li' tyucua ya' Ni ji'i̱ nu xña'a̱ nu ngüiñilo'o ji'i̱ ngu' tya clyo, tyalo'o Ni ji'i̱ lo tayu' su ntsu'u quii' ndyaqui̱ lo'o yuu sufri; la cui' se'i̱ laca su cua nchcua̱a̱ Ni ji'i̱ nu na'ni chiya'a̱ ña'a̱ bi', su cua nchcua̱a̱ Ni ji'i̱ nu cuiñi nu nacui̱ cha' tu'ba ji'i̱ ycui' Ndyosi laca. Tsa̱ lo'o talya ná tye cha' ti'í tsa chcube' ngu' ca bi'.
Sanasan