APOCALIPSIS 17:3 - Chatino Tataltepec

³ Li' ndyalo'o Xtyi'i ycui' Ndyosi 'na, ndyaa na' lo'o sca xca̱ ji'i̱ ycui' Ni ca ne' quixi̱' su ná ndi'i̱ ñati̱. Ca bi' na'a̱ na' su ntucua sca nu cuna'a̱ hichu̱' sca na'ni nga'a, nu chiya'a̱ tsa ña'a̱; hichu̱' ni' nscua quiña'a̱ tsa cha' cuxi, nu ti'í tsa nchcui' ji'i̱ ycui' Ndyosi. Ntucua cati tya'a hique ni', cuati ntucua tii tya'a sata ni'.

APOCALIPSIS 17:3 Iomraidhean Croise

SAN MATEO 27:28

Li' ngulo ngu' ste' Jesús, nguxacu' ngu' ji'i̱ lo'o sca late' nga'a ña'a̱.

LOS HECHOS 8:39

Ndye ntyucuatya ji'i̱, li' ndu'u ngu' lo hitya bi'. Hora ti ndyaa Felipe, ndyaa lo'o Xtyi'i ycui' Ndyosi ji'i̱ cha' tsaa chaca se'i̱; nga'aa na'a̱ nu cusu' bi' ji'i̱ Felipe li'. Ndyaa nu cusu', nu ngu' Etiopía bi' ni, ndyaa yu ca loyuu quichi̱ tyi yu li'; jua'a̱ tso'o tsa ntsu'u tyiquee nu cusu' bi' li'.

2 TESALONICENSES 2:4

Bi' laca nu nti' cua'a ji'i̱ lcaa lo jo'ó cha' ná cua'ni tlyu ngu' ji'i̱; ni ná cua'ni tlyu ngu' ji'i̱ ycui' Ndyosi, nti' yu, cha' nti' nu yu xña'a̱ bi' cha' cua'ni tlyu ngu' ji'i̱ ycui' ca yu. Tyatí̱ yu ne' laa tonu, tsaa tucua yu ca bi'; li' chcui' yu lo'o lcaa ñati̱ cha' cua'ni tlyu ngu' ji'i̱ ycui' ca yu, cha' ycui' Ndyosi laca ycui' yu, ñacui̱ yu.

APOCALIPSIS 1:10

Tsa̱ clyo ji'i̱ semana ngua, tsa̱ ji'i̱ ycui' nu Xu'na na, li' tyucui ña'a̱ na' ngua tii na' cha' ngua'ya Xtyi'i ycui' Ndyosi lo na' tsiya' ti; nga'aa ngua cua'ni na' xa' la cha'. Li' ndyuna na' cha' nchcui' tsaca ñati̱ nde chu̱' su ndu̱ na'; cui̱i̱ ngusi'ya bi' lo'o nchcui', ñi'ya̱ ndañi nclya'á ngu' sca cui'chcua̱.

APOCALIPSIS 12:14

Li' nda ycui' Ndyosi sca latya lu'be ji'i̱ nu cuna'a̱ bi', ñi'ya̱ ña'a̱ lu'be sca cua'ya tlyu, cha' taca ji'i̱ ma' tyacui ma' tsaa ma' ca su tyanu tso'o ti ma' ne' quixi̱', su tyijyu' tsa ji'i̱ ca su ndya'a̱ cuaña bi'. Ca bi' ña'a̱si̱i̱ Ni ji'i̱ ma', ña'a̱ cuayá' nu tyu'u scua sna yija̱ cla'be.

APOCALIPSIS 12:3

Yala ti ndyu'u tucua chaca cuayá' nde cua̱ li'; sca cuaña tlyu nu nga'a ña'a̱ laca bi', nu cati tya'a scua' que ni' ntucua. Jua'a̱ sca sne' oro ntucua ca ta'a scua' que ni' bi', lo'o jua'a̱ ntucua tii tya'a sata ni'.

APOCALIPSIS 12:6

Li' ngusna nu cuna'a̱ ndyaa ne' quixi̱' ca su tyi'i̱ ycui' ti ma'; cua laca ngua'ni cho'o ycui' Ndyosi sca su tyi'i̱ ma', su ña'a̱si̱i̱ Ni ji'i̱ ma', ca bi' tyanu ma' tii tyucuaa siyento ntucua snayala tsa̱ li'.

APOCALIPSIS 17:18

Nu cuna'a̱ nu na'a̱ nu'u̱ ni, ñi'ya̱ nti' nu quichi̱ tlyu nu laca loo bi', jua'a̱ laca nu cuna'a̱ bi'; nclyo bi' cña ji'i̱ lcaa ngu' nu laca loo chalyuu.

APOCALIPSIS 17:4

Late' cuaa ña'a̱, late' nga'a catsi ña'a̱ lacu' nu cuna'a̱ bi'; chu̱' late' bi' ndacui quiña'a̱ tsa chcua̱ tso'o lo'o quee ndubi lo'o xa' la quee nu quiña'a̱ tsa nga'a̱. Ntucua sca tasa oro ya' nu cuna'a̱ bi'; ne' bi' ntsu'u lcaa lo cha' cuxi, lcaa lo cha' suba' nu cua ngua'ni nu cuna'a̱ bi' ya̱a̱ nde chalyuu.

APOCALIPSIS 18:12

nga'aa cui'ya ngu' oro ji'i̱ ngu', masi plata, masi quee ndubi, masi tyaaca̱' quee ngati̱; nga'aa cui'ya ngu' late' ngati̱ ji'i̱ ngu', nu quiña'a̱ tsa nga'a̱, masi late' cuaa ña'a̱, masi late' sera, masi late' nu ntsu'u tyu̱u̱ tya'a color ji'i̱; jua'a̱ lcaa lo yaca nu ñaa tyijyu', lcaa na ndya' lo'o tyijya̱ sata ngati̱, masi na ndya' lo'o yaca nu quiña'a̱ nga'a̱, masi na ndya' lo'o chcua̱ ngatsi, masi na ndya' lo'o chcua̱ ti, masi na ndya' lo'o quee tacalya ti, nga'aa cui'ya ngu' ji'i̱ tsiya' ti;

APOCALIPSIS 18:16

Lo'o li' ndi'ya̱ chcui' ngu' bi': ―Ti'i tsa ma̱, cu'ma̱ ngu' quichi̱ re juani; tlyu tsa quichi̱ tyi ma̱ nquicha' ―ñacui̱ ngu' culiya' li'―. Tya sa'ni la xcui' late' ngati̱ ña'a̱, lo'o late' cuaa ña'a̱, lo'o late' nu ntsu'u tyu̱u̱ tya'a color nchcu' ngu' quichi̱ tyi ma̱; xcui' chcua̱ oro, lo'o quee ndubi, lo'o tyaaca̱' quee ngati̱ ndacui yane ngu', yane ya' ngu'.

APOCALIPSIS 21:10

Li' ngua tii na' cha' ngua'ya Xtyi'i ycui' Ndyosi tyucui ña'a̱ loo na'. Ndyalo'o xca̱ bi' 'na ca lo sca ca'ya nu cua̱ tsa, ca lo xlya ca'ya tsiya' ti; ca bi' ngulu'u yu 'na ñi'ya̱ ña'a̱ quichi̱ Jerusalén cucui. Lubii tsa ña'a̱ quichi̱ bi', cha' nde su ntucua ycui' Ndyosi ngutu'u quichi̱ bi', ngua'ya nde lo yuu.

APOCALIPSIS 4:2

Hora ti ngua'ya Xtyi'i ycui' Ndyosi lo na' li'. Cla'be nde cua̱ bi' na'a̱ na' cha' ntucua sca yaca xlya tlyu nu tso'o tsa ña'a̱. Nde bi' ntucua sca ñati̱.