APOCALIPSIS 17:2 - Chatino Tataltepec

² Quiña'a̱ tsa cha' suba' ndyu'ni ngu' nu laca loo nde chalyuu, cha' tyu̱u̱ tsa tya'a jo'ó ntsu'u ji'i̱ ngu' xqui'ya ngu' quichi̱ tlyu bi'; jua'a̱ ngunu'u̱ tyiquee ñati̱ tyucui ña'a̱ chalyuu xqui'ya cha' suba' nu ndyu'ni ngu' bi'.

APOCALIPSIS 17:2 Iomraidhean Croise

SAN JUAN 2:10

―Xa' ñati̱ ni ―nacui̱―, xcui' vino nu tso'o la laca nu nda ngu' ndyi'yu ñati̱ lo'o nxana ti ta'a; ña'a̱ cuayá' nu nguaala' ti' ngu' cha' ndyo'o tsa ngu' vino bi', ca li' nda ngu' vino cuxi la cha' co'o ngu' nu ndi'i̱ ta'a ―nacui̱ nu laca loo ji'i̱ ta'a ji'i̱ cutsii―. Pana nu'u̱ ni, masi cua tye ti ta'a, hasta li' nda nu'u̱ vino nu tso'o la cha' co'o na. Tso'o tsa bi'.

APOCALIPSIS 14:8

Lo'o ndyaa xca̱ bi', li' ndyalaa chaca xca̱ cha' chcui' lo'o ñati̱: ―Cua nguti̱ quichi̱ ―nacui̱ nu chaca xca̱ bi'―. Cua nguti̱ quichi̱ tlyu nu naa Babilonia, xqui'ya cha' ngua'ni ñu'u̱ ngu' quichi̱ bi' ji'i̱ lcaa ñati̱ chalyuu. Cuxi tsa cña nu ngua'ni ngu' quichi̱ bi', xqui'ya cha' ndu'ni tlyu ngu' ji'i̱ lcui̱ jo'ó; jua'a̱ ngulu'u qui'i̱ ngu' ji'i̱ xa' ñati̱ cha' cua'ni ngu' la cui' ti cha' cuxi slo jo'ó ―nacui̱ xca̱ nu nchca tyucuaa bi'.

APOCALIPSIS 17:13

Sca ti cha' nda'ya hique nu tii tya'a rey bi', cha' xtyucua ngu' ji'i̱ na'ni bi', cha' ta ngu' chacuayá' ji'i̱ ni'.

APOCALIPSIS 17:17

Cua ngua'ni ycui' Ndyosi cha' ca'ya cha' hique rey, bi' cha' cua'ni ngu' jua'a̱, cha' ta ngu' chacuayá' caca nu na'ni chiya'a̱ ña'a̱ loo, ña'a̱ cuayá' tyu'u scua lcaa cha' nu nacui̱ Ni cha' caca.

APOCALIPSIS 17:5

Nde tyaca̱a̱ nscua sca xtañi nu cuna'a̱ bi', pana ná ca cuayá' ti' na ji'i̱ si ná nslo na xtañi bi': “Babilonia tonu laca re, cha' nde laca quichi̱ tyi lcaa ñati̱ nu ndyu'ni cha' suba' tyucui ña'a̱ chalyuu”. Jua'a̱ nscua nde tyaca̱a̱ nu cuna'a̱ bi'.

APOCALIPSIS 17:8

Na'ni nu cua na'a̱ nu'u̱ jua, ngutu'u bi' nu ngua tya sa'ni la, nga'aa lu'ú bi' juani; pana cua ngulala ti tyu'ú ni' chaca quiya', masi nscua nde tyuquee qui'ñi bi', cha' tyaa ni' ca chalyuu talya su tye ni' cati̱ ni' tsiya' ti ―nacui̱―. Cua ña'a̱ ca ñati̱ nu ná nscua xtañi lo quityi ji'i̱ ycui' Ndyosi, quiña'a̱ tsa cha' culacua ti' ngu' lo'o ña'a̱ ngu' ji'i̱ na'ni bi'; pana tya clyo lo'o tya lyiji xana chalyuu re, cua nscua xtañi ñati̱ nu cua nda ycui' Ndyosi chalyuu nu ná nga'a̱ cha' tye ji'i̱. Ngutu'ú na'ni bi' nu ngua tya sa'ni la, masi nga'aa lu'ú bi' juani; pana ña'a̱ ti tya tyu'ú bi', masi chaca tya quiya'.

APOCALIPSIS 18:23

nga'aa tyaca̱' tsiya' ti tyu'u xee toni'i̱ ji'i̱ ngu' quichi̱, nga'aa cañi chcui' ngu' cuañi' lo'o tya'a ngujui clyo'o ca ti ngu'. Tya sa'ni la ná ntsu'u ngu' culiya' tyucui ña'a̱ chalyuu ñi'ya̱ nu culiya' cu'ma̱ quichi̱ bi'; pana cua nñilo'o ma̱ ji'i̱ quiña'a̱ tya'a ñati̱ chalyuu, xqui'ya cha' tlyu tsa cha' cucha'a̱ nchca ji'i̱ ma̱.

APOCALIPSIS 18:3

Tya sa'ni ngulu'u ngu' quichi̱ bi' ji'i̱ lcaa ñati̱ chalyuu cha' cua'ni ngu' cha' suba', cha' cua'ni tlyu ngu' ji'i̱ xa' jo'ó; lye ndatsaa ngu' bi' ji'i̱ ñati̱, cha' lo'o ngu' cua'ni ngu' cha' cuxi lo'o tya'a ñati̱. Suba' tsa ngua'ni lcaa nu laca loo chalyuu lo'o nguta'a̱ ngu' nde quichi̱ bi'. Ná tye chca cha' cuxi nu ngua'ni ngu' ca quichi̱ bi', bi' cha' ngua ji'i̱ ngu' culiya' ngua'ni tsa ngu' ngana.

APOCALIPSIS 18:9

Cunaa tsa lcaa ngu' nu laca loo chalyuu; xi'ya tsa ngu' lo'o ña'a̱ ngu' tyatu̱ sñii cha' ndyaqui̱ quichi̱ tlyu bi', cha' stu'ba ntsu'u cha' ji'i̱ ngu' lo'o ngu' quichi̱ bi'. Ndu'ni lya' ti' ngu' ji'i̱ tya'a ñati̱ ngu', lo'o jua'a̱ suba' tsa ndu'ni ngu' lo'o ngu'.

APOCALIPSIS 2:22

Bi' cha' juani ta na' cha' ti'í ji'i̱ ma' bi', nacui̱ Ni. Stu'ba ti caca quicha nu cuna'a̱ bi' lo'o nu ñati̱ nu suba' tsa ndyu'ni lo'o, lye tsa caca quicha ngu'. Jua'a̱ cua'ni na' lo'o ngu' bi', si ná ca tyuju'u ti' ngu' ji'i̱ cha' cuxi nu ndyu'ni ngu', cha' culochu̱' ngu' ji'i̱ cha' cuxi bi';

APOCALIPSIS 3:10

Cua ndyi'u ti' ma̱ cha' nu nacui̱ na' ji'i̱ ma̱ tsubi', cha' talo tyiquee ma̱ cha' tu̱ ti' ma̱ 'na ni tsa̱ tya̱a̱ na' chaca quiya'; bi' cha' juani cua'ni na' cha' ná sca caca ji'i̱ ma̱ lo'o tyalaa tyempo cuxi nde chalyuu. Cua lijya̱ caca cha' cuxi bi', nu cua'ni cuayá' ji'i̱ lcaa ñati̱ chalyuu.

APOCALIPSIS 9:21

Lo'o jua'a̱ ná ntaja'a̱ ngu' cua'ni tye ngu' cha' ndujuii ngu' ji'i̱ tya'a ñati̱ ngu', ni ná ndye cha' ndu'ni cucha'a̱ ngu', ni ná ndye cha' ndu'ni suba' ngu' lo'o xa' nu cuna'a̱, ni ná ndye cha' ntyucuaana ngu'.