APOCALIPSIS 17:1 - Chatino Tataltepec

¹ Li' ya̱a̱ sca xca̱ ca slo na', sca ngu' tya'a nu cati tya'a xca̱ nu ntucua ca'ña oro ya' bi'. Nchcui' lo'o na' li': ―Cua̱a̱ nu'u̱ ca nde cha' culu'u na' jinu'u̱ ñi'ya̱ xcube' Ni ji'i̱ ngu' quichi̱ tlyu nu lye tsa ndyu'ni ñu'u̱ ji'i̱ ñati̱ chalyuu; la cui' quichi̱ tlyu laca su ntsu'u tyu̱u̱ tya'a sta'a̱ cacua ti to' quichi̱.

APOCALIPSIS 17:1 Iomraidhean Croise

SAN LUCAS 24:32

Hora ti nacui̱ tsaca ji'i̱ tya'a: ―¿Ha ná chañi cha' tso'o tsa ngua ti' na? ―nacui̱―. Ti̱ ti nguti'i̱ cresiya ji'na lo'o lijya̱ ycui' nchcui' lo'o na tyucui̱i̱, nu lo'o nda yu cha' lo'o na, ñi'ya̱ nu nchcui' quityi cusu' ―nacui̱ ji'i̱ tya'a.

SAN LUCAS 9:30

Li' ndu'u tucua tucua tya'a ngu' qui'yu ca slo Jesús, ndu̱ ti ngu' bi' nchcui' ngu' lo'o Jesús; jyo'o cusu' Moisés lo'o jyo'o cusu' Elías nu nguti'i̱ chalyuu sa'ni ngua ngu' bi'.

APOCALIPSIS 1:1

Nde nscua na' cha' nu ngulu'u Jesucristo 'na. Juan laca na', lo'o nde nscua na' sca cha' nu ntsu'u yacu̱' ti tya sa'ni la. Tya clyo la cua nda ycui' Ndyosi cha' bi' lo'o Jesús cha' culu'u ji'i̱ ñati̱ ji'i̱ ycui' lcaa ña'a̱ cha' nu cua lijya̱ ti cha' caca nde chalyuu. Li' nda Jesús cha' bi' lo'o na', nu lo'o nda Ni sca xca̱ ji'i̱ Ni nu ngutu'u nde cua̱ ya̱a̱ ca slo na', cha' ndyu'ni na' cña ji'i̱ Ni.

APOCALIPSIS 15:1

Ngutu'u tucua chaca cuayá' tlyu nde cua̱ li'. Ndube tsa ti' na' lo'o na'a̱ na' ji'i̱, cha' ndu̱ cati tya'a xca̱ ji'i̱ ycui' Ndyosi nu ndu̱ lo'o cati tya'a quicha nu caca su cua tye ti chalyuu. Lo'o cua ndye ngua quicha bi' chalyuu, li' cati̱ cha' ñasi̱' ycui' Ni.

APOCALIPSIS 16:19

Ti'í tsa ngutsu yuu su nscua quichi̱ tlyu, nu quichi̱ Babilonia bi'; sna yu'be ngua quichi̱ bi' li'. Lo'o jua'a̱ nguti̱ lcaa quichi̱ tonu nu ndi'i̱ xa' chalyuu, cha' ndyi'u ti' Ni nchcube' Ni ji'i̱ ngu' quichi̱ tlyu bi'; tlyu tsa cha' ti'í ngua'ni ycui' Ndyosi lo'o ngu' bi', cha' ñasi̱' tsa Ni ji'i̱ ngu'.

APOCALIPSIS 18:1

Tiya' la li' na'a̱ na' ji'i̱ chaca xca̱ ji'i̱ ycui' Ndyosi lijya̱ ca'ya nde lo yuu chalyuu; tlyu tsa chacuayá' ntsu'u ji'i̱ xca̱ bi', lo'o jua'a̱ ndubi tsa ña'a̱ tyucui ña'a̱ yu, ña'a̱ cuayá' nda yu xee tyucui ña'a̱ chalyuu.

APOCALIPSIS 19:2

Chañi tsa laca lcaa cha' nu nchcui' ycui' Ni lo'o ñati̱, liñi tsa ndyu'ni cuayá' Ni ji'i̱ ñati̱ chalyuu. Cua nchcube' Ni ji'i̱ ngu' quichi̱ tlyu nu lye tsa ngua'ni ñu'u̱ ji'i̱ chalyuu, xqui'ya cha' suba' nu ndyu'ni ngu' lo'o tya'a ngu'; jua'a̱ nchcube' Ni ji'i̱ ngu' bi', xqui'ya cha' cua ndyujuii ngu' ji'i̱ ñati̱ nu ndyu'ni cña ji'i̱ ycui' Ni.

APOCALIPSIS 19:9

Nchcui' nu xca̱ ji'i̱ ycui' Ndyosi bi' lo'o na' li': ―Scua clya nu'u̱ cha' re lo quityi ―nacui̱―: “Tso'o ntsu'u tyiquee ñati̱ nu nguane na' ji'i̱ cha' tsaa su caja clyo'o lo'o yu nu ngujuii lo crusi cuentya ji'i̱ ngu'”, nacui̱ Ni. La cui' cha' liñi nu nda ycui' Ndyosi lo'o ñati̱ laca cha' bi' ―nacui̱ xca̱ bi' jna'.

APOCALIPSIS 21:15

Ya' xca̱ nu cua nchcui' lo'o na' ntucua sca chcua̱ oro, cha' xñi yu cuayá' ji'i̱ quichi̱ tlyu bi', jua'a̱ ji'i̱ tolo'o bi', jua'a̱ ji'i̱ lo'o nu ntsu'u to' quichi̱.

APOCALIPSIS 21:9

Ndyalaa sca xca̱ ji'i̱ ycui' Ndyosi ca slo na' li'; la cui' tya'a yu laca lo'o nu tya tyacati tya'a xca̱ bi', ngu' nu ntucua ca'ña oro ya', nu ntsu'u cati tya'a quicha bi'. Bi' quicha caca lo'o cua tye ti chalyuu. Nchcui' xca̱ bi' lo'o na' li': ―Cua̱a̱ clya nu'u̱ ca nde cha' culu'u̱ hi̱ ñi'ya̱ ña'a̱ quichi̱ tlyu ca su tyaa ma̱, lcaa cu'ma̱ nu ntsu'u cha' ji'i̱ ma̱ lo'o nu ñi'ya̱ ña'a̱ xlya' bi'. Tso'o tsa ña'a̱ quichi̱ bi'.

APOCALIPSIS 4:1

Li' nguxña'a̱ na' nde cua̱, na'a̱ na' cha' ntucua yaala sca toni'i̱ ca bi'. Li' xa' nguañi nchcui' nu ñati̱ nu cua nchcui' lo'o na' tsaca quiya' nu ngua tya tsa̱ la; ñi'ya̱ ndañi nclya'á cui'chcua̱, jua'a̱ nxi'ya nu bi' nchcui' lo'o na'. Ndi'ya̱ nchcui' nu bi' lo'o na' li': ―Tyacuí̱ clya nu'u̱ ca nde, culu'u na' jinu'u̱ lcaa cha' nu nga'a̱ cha' caca tyempo nde loo la.