APOCALIPSIS 16:5 - Chatino Tataltepec

⁵ Li' ndyuna na' nchcui' xca̱ nu laca loo ji'i̱ hitya: ―Liñi tsa cña ndyu'ni nu'u̱ cha' nchcube' nu'u̱ ji'i̱ ñati̱ cuxi bi', Xu'na ―nacui̱ ji'i̱ ycui' Ndyosi―, cha' lubii tsa cresiya ji'i̱ ycui' nu'u̱. Lu'ú nu'u̱ juani, jua'a̱ nu ngua tya clyo lu'ú nu'u̱.

APOCALIPSIS 16:5 Iomraidhean Croise

SAN JUAN 17:25

Sti na' ―nacui̱ Jesús―, xcui' cha' liñi ndu'ni nu'u̱. Nslo na' jinu'u̱, masi ná nslo ñati̱ chalyuu jinu'u̱. Pana jlo ti' ñati̱ nu ngusñi cha' jna' cha' nu'u̱ laca nu nda 'na lijya̱a̱ nde chalyuu.

ROMANOS 2:5

Ná ntaja'a̱ ma̱ taquiya' ma̱ ji'i̱ cha' nu nchcui' ycui' Ndyosi lo'o ma̱, ná ntaja'a̱ ma̱ ca tyuju'u ti' ma̱ tsiya' ti; bi' cha' ndyanu cha' xcube' Ni ji'i̱ ma̱ lo'o tyalaa tsa̱, nu lo'o ña'a̱ ngu' cha' liñi tsa cua'ni cuayá' Ni ji'i̱ ñati̱ chalyuu.

ROMANOS 3:5

Cha' nu na ni, ntsu'u tsa cha' cuxi nu ndyu'ni na; lo'o nu cha' cuxi bi' ni, ndu'ni cha' taca ca cuayá' la ti' na cha' liñi tsa laca ycui' Ndyosi. ¿Ñi'ya̱ ta ñacui̱ na li'? ¿Ha ná liñi ndu'ni Ni lo'o na? ¿Ha ná tso'o si xcube' Ni ji'na lo'o ndyu'ni na cha' cuxi? Ntsu'u ñati̱ nu nchcui' jua'a̱.

APOCALIPSIS 1:4

Juan laca na' nu nda̱ quityi re tsaa nde cati tya'a quichi̱ loyuu su cuentya Asia, ca su ndi'i̱ taju ñati̱ nu ngusñi cha' ji'i̱ Jesucristo. Nda na' xlyo ni'i̱ ji'i̱ ma̱ chacuayá' ji'i̱ ycui' Ndyosi Sti na, jua'a̱ chacuayá' ji'i̱ Xtyi'i ycui' Ndyosi, jua'a̱ chacuayá' ji'i̱ Jesucristo. Cua nti' na' cha' ña'a̱ ti cua'ni ycui' Ndyosi cha' tso'o lo'o ma̱, ña'a̱ ti cua'ni Ni cha' ti̱ ti tyi'i̱ tyiquee ma̱. Nu ngua tya clyo lu'ú ycui' Ndyosi, na lu'ú Ni juani, lo'o ña'a̱ ti tya lu'ú Ni tyempo nde loo la. Ntucua Xtyi'i ycui' Ni nde loo su tlyu su ntucua ycui' Ni, la cui' cati tya'a cui'i̱ lubii nu nda Xtyi'i Ni laca bi'.

APOCALIPSIS 1:8

“Ñi'ya̱ nti' letra A, jua'a̱ nguxana lcaa cha' lo'o na'; ñi'ya̱ nti' letra Z, jua'a̱ tye lcaa cha' lo'o na'”, nacui̱ ycui' nu Xu'na na nu lcaa cña nchca ji'i̱ Ni. Nu ngua tya clyo lu'ú ycui' Ndyosi, na lu'ú Ni juani, lo'o ña'a̱ ti tya lu'ú Ni tyempo nde loo la.

APOCALIPSIS 11:17

Ndi'ya̱ nchcui' ngu' li': Ndyosi Xu'na ya, nacui̱ ngu', cua nchca jinu'u̱ cua'ni lcaa cña. Na lu'ú nu'u̱ juani, lo'o la cui' ti lu'ú nu'u̱ nu ngua tya clyo la, jua'a̱ tya lu'ú nu'u̱ nde loo la. Tsa xlya'be jinu'u̱ cha' cua nguxana nu'u̱ ndyu'ni nu'u̱ quiña'a̱ tsa cña tlyu nde chalyuu. Ndube tsa ti' ya cha' cua nguxana nu'u̱ laca nu'u̱ loo,

APOCALIPSIS 16:4

Lo'o li' ndyaa xca̱ nu nchca tyuna, ndyaa ngusalú na nu ntsu'u ne' ca'ña ji'i̱ tyucui ña'a̱ to' sta'a̱, lcaa su ntyucua hitya tyucui ña'a̱ chalyuu; ngutsa'a̱ hitya bi' li', ngua tañi.

APOCALIPSIS 16:7

Li' ndyuna na' cha' nu nchcui' ñati̱ nde su ntucua mesa su ndyaqui̱ msta̱: ―Ndyosi Xu'na ya ―nacui̱ ngu'―, ycui' nu'u̱ ni, lcaa cña nchca jinu'u̱ ―nacui̱ ngu'―. Liñi tsa ndyu'ni nu'u̱ lo'o nchcube' nu'u̱ ji'i̱ ñati̱ bi' jua'a̱; chañi tsa cha' nu nchcui' nu'u̱ ji'i̱ ñati̱ bi', cha' cuxi tsa cña ndu'ni ngu' bi'.

APOCALIPSIS 19:2

Chañi tsa laca lcaa cha' nu nchcui' ycui' Ni lo'o ñati̱, liñi tsa ndyu'ni cuayá' Ni ji'i̱ ñati̱ chalyuu. Cua nchcube' Ni ji'i̱ ngu' quichi̱ tlyu nu lye tsa ngua'ni ñu'u̱ ji'i̱ chalyuu, xqui'ya cha' suba' nu ndyu'ni ngu' lo'o tya'a ngu'; jua'a̱ nchcube' Ni ji'i̱ ngu' bi', xqui'ya cha' cua ndyujuii ngu' ji'i̱ ñati̱ nu ndyu'ni cña ji'i̱ ycui' Ni.

APOCALIPSIS 4:8

Scuá tya'a lu'be ntsu'u ji'i̱ scaa na'ni bi', pana ntucua cloo ni' tyucui ña'a̱ hichu̱' lu'be ni'; lo'o nde ne' lu'be ni', la cui' jua'a̱ ntucua cloo ni'. Nga'aa nchca ti̱ cha' ndula tu'ba ni' tsa̱ lo'o talya: Xcui' na lubii tsa cresiya ji'i̱ ycui' Ndyosi nu nchca ji'i̱ ndu'ni lcaa cña, nacui̱ ni' lo'o ndyula tu'ba ni'. Nu ngua tya clyo lu'ú ycui' Ni, la cui' jua'a̱ na lu'ú Ni juani, lo'o ña'a̱ ti tya lu'ú Ni tyempo nde loo la. Jua'a̱ nacui̱ ni' lo'o ndyula tu'ba ni'.

APOCALIPSIS 6:10

Cui̱i̱ ngusi'ya jyo'o bi': ―Ndyosi Xu'na ya ―nacui̱ ngu'―, xcui' lubii tsa cresiya jinu'u̱; xcui' cha' liñi ndu'ni nu'u̱ ―nacui̱ jyo'o bi'―. ¿Ha tya tiya' tsa cua'ni cuayá' nu'u̱ ji'i̱ ñati̱ chalyuu? ¿Ha tya tiya' tsa xcube' nu'u̱ ji'i̱ ngu' xqui'ya cha' cua ndyujuii ngu' ji'i̱ ya? ―nacui̱ jyo'o bi'.