APOCALIPSIS 13:6 - Chatino Tataltepec

⁶ Li' nguxana na'ni chiya'a̱ ña'a̱ bi' nda ni' qui'ya ji'i̱ ycui' Ndyosi: nchcui' cuxi na'ni bi' ji'i̱ lcaa cña nu ndu'ni Ni; jua'a̱ nchcui' cuxi ni' ji'i̱ su tlyu nde cua̱ ca su ntucua ycui' Ni; jua'a̱ cuxi tsa nchcui' ni' ji'i̱ lcaa ñati̱ ji'i̱ ycui' Ni.

APOCALIPSIS 13:6 Iomraidhean Croise

SAN MATEO 12:34

Pana, ¡ñi'ya̱ nti' cuaña tyaala, jua'a̱ nti' cu'ma̱! Ná nchca chcui' ma̱ cha' tso'o laja lo'o ntsu'u tsa cha' cuxi tyiquee ma̱; ñi'ya̱ nu ntsu'u tyiquee scaa na, jua'a̱ ndyu'u cha' nu nchcui' na.

SAN MATEO 15:19

Ca ne' cresiya ji'i̱ ñati̱ ni, ca bi' ntsu'u su̱u̱ lcaa cha' cuxi: masi cujuii ngu' ji'i̱ tya'a ngu', masi tyu'u cha' ji'i̱ ngu' lo'o clyo'o xa' ñati̱, masi cua'ni suba' ngu' lo'o xa' ñati̱, masi cuaana ngu' na nu ntsu'u ji'i̱ tya'a ngu', masi chcui' ngu' cha' cuiñi ji'i̱ tya'a ngu', masi chcui' ngu' cuentyu ji'i̱ tya'a ngu'.

SAN JUAN 1:14

Ngua yu bi' ñati̱, la cui' yu nu laca cha' ji'i̱ ycui' Ndyosi. Stu'ba ti nguti'i̱ yu lo'o na nde chalyuu. Cua na'a̱ ya ji'i̱ yu cha' tlyu tsa cha' ntsu'u ji'i̱ yu, cha' laca yu nu sca ti Sñi' ycui' Ndyosi. Xcui' tso'o tsa ndu'ni yu lo'o na, xcui' cha' liñi nchcui' yu.

ROMANOS 3:13

Ñi'ya̱ nti' xtyi'i tyucu̱ nu ntsu'u to' cuaá nu tya lyiji tyacu̱' lo, jua'a̱ laca ngu' bi', cha' xcui' cha' cuxi ndyu'u tu'ba ngu'. Lye tsa ñilo'o ngu' ji'i̱ tya'a ngu' laja lo'o nchcui' ti ngu'. Ñi'ya̱ laca hitya tyaala nu ntsu'u tu'ba cuaña, jua'a̱ laca ngu', cha' tyaala tsa nchcui' ngu'.

COLOSENSES 1:19

Cua nacui̱ ycui' Ndyosi cha' caca Sñi' Ni ñi'ya̱ laca ycui' Ni tsiya' ti,

COLOSENSES 2:9

Pana nu Cristo bi' ni, ñi'ya̱ laca tyucui ña'a̱ ycui' Ndyosi, jua'a̱ laca yu lo'o ya̱a̱ yu nde chalyuu.

HEBREOS 9:2

sca chcua'ya late' ngüiñá ngu' bi' nu nscua cla'be ne' lo'o su ndya'a̱ sti jo'ó ti. Nde ne' chcua'ya bi' cua ntucua candyeru chcua̱ su ndyaqui̱ quii' lcaa hora; jua'a̱ ntucua sca mesa su nscua xlyá lo, nu caca msta̱ ji'i̱ ycui' Ndyosi. Lcaa tsa̱ ngusta sti jo'ó msta̱ bi'.

HEBREOS 9:24

Bi' cha' nga'aa ndyaa Cristo nde ne' laa nu ngüiñá ñati̱ nde chalyuu ti, masi ntucua bi' cuentya ji'i̱ ycui' Ndyosi; na cua ndyaa liñi Ni ca slo ycui' Ndyosi ca nde cua̱. Ca bi' ntucua Ni juani, cha' chcui' lo'o ycui' Ndyosi cuentya ji'na.

APOCALIPSIS 11:12

Li' ndyuna tyucuaa ñati̱ bi' lo'o ngusi'ya ycui' Ndyosi ji'i̱ ngu' ca su ntucua Ni nde cua̱: ―Tyacuí̱ clya ma̱ ca nde cua̱ re ―nacui̱ Ni. Laja lo'o ña'a̱ tya'a cusu̱u̱ ngu' ji'i̱ ngu', li' ngutu'u ngu' ndyaa ngu' nde cua̱; laja coo ti ndyaa ngu'.

APOCALIPSIS 12:12

Bi' cha' juani ―nacui̱ nu ntucua nde cua̱ bi'―, ca chaa ti' cu'ma̱ nu ndi'i̱ ma̱ nde su ntucua ycui' Ndyosi; pana tya'na tsa caca cu'ma̱ nu ndi'i̱ ma̱ nde chalyuu, nu ndi'i̱ ma̱ nde lo tyujo'o. Cua ngua'ya ycui' nu xña'a̱ nde su ndi'i̱ ma̱, lo'o juani ñasi̱' tsa bi' ndya'a̱; cua jlo ti' bi' cha' tya xi tya tsa̱ ndyanu ji'i̱ cha' cua'ni lya' ti' ji'i̱ ñati̱ chalyuu.

APOCALIPSIS 15:5

Tiya' la li' na'a̱ na' ne' laa tlyu ji'i̱ ycui' Ndyosi nu ntucua nde cua̱. Ca cla'be bi' ndu̱ ni'i̱ nu tacati tsa su ntsu'u co'o quee cuaja' nu nscua cha' lo; la cui' cha' nu cua nda ycui' Ndyosi lo'o ñati̱ tya clyo la laca bi'.

APOCALIPSIS 18:20

Pana cacha' na' ji'i̱ ma̱ juani, cu'ma̱ nu ndi'i̱ ca su ntucua ycui' Ndyosi nde cua̱, cua'ni ma̱ cha' ca chaa tsa ti' ma̱ lo'o tyalaa hora cati̱ quichi̱ bi'; lo'o jua'a̱ cu'ma̱ ñati̱ chalyuu nu ntsu'u cha' ji'i̱ ma̱ lo'o ycui' Ndyosi, lo'o cu'ma̱ ñati̱ nu ngua'a̱loo Ni ji'i̱ ma̱ cha' cua'ni ma̱ cña ji'i̱ Ni, lo'o cu'ma̱ nu laca ma̱ tu'ba ji'i̱ ycui' Ndyosi cha' nchcui' Ni lo'o ñati̱, cua'ni ma̱ cha' ca chaa tsa ti' ma̱ cha' liñi tsa ndu'ni Ni lo'o xcube' Ni ji'i̱ ngu' quichi̱ bi', xqui'ya cha' xña'a̱ tsa ngua'ni ngu' bi' lo'o ma̱.

APOCALIPSIS 21:3

Cui̱i̱ tsa nchcui' sca nu ndu̱ cacua ti su tlyu ca su ntucua ycui' Ndyosi li': ―Ca juani ntucua tyi ycui' Ndyosi la cui' ca su ndi'i̱ ñati̱ nu ngusñi cha' ji'i̱ Ni nde chalyuu. Tyi'i̱ ycui' Ni ca su ndi'i̱ ñati̱ ji'i̱ Ni li'; jua'a̱ caca ngu' bi' ñati̱ ji'i̱ ycui' Ni, caca ycui' Ni loo ji'i̱ ngu' bi' li'.

APOCALIPSIS 4:1

Li' nguxña'a̱ na' nde cua̱, na'a̱ na' cha' ntucua yaala sca toni'i̱ ca bi'. Li' xa' nguañi nchcui' nu ñati̱ nu cua nchcui' lo'o na' tsaca quiya' nu ngua tya tsa̱ la; ñi'ya̱ ndañi nclya'á cui'chcua̱, jua'a̱ nxi'ya nu bi' nchcui' lo'o na'. Ndi'ya̱ nchcui' nu bi' lo'o na' li': ―Tyacuí̱ clya nu'u̱ ca nde, culu'u na' jinu'u̱ lcaa cha' nu nga'a̱ cha' caca tyempo nde loo la.

APOCALIPSIS 4:4

Nde chu̱' la ntucua xa' la yaca xlya; lo yaca bi' ntyucua calaa ntucua jacua tya'a ngu' cusu', tsa lo scuii ti ntucua ngu' tyi'i̱ ca chu̱' su ntucua Ni. Lacu' ngu' bi' late' ngati̱, jua'a̱ ntucua sne' oro hique scaa ngu'.

APOCALIPSIS 5:13

Li' nguañi ndyula tu'ba lcaa ñati̱ tyucui ña'a̱ chalyuu, lcaa ngu' nu cua nda ycui' Ndyosi ji'i̱ lijya̱ nde chalyuu; masi nde cua̱ su ntucua ycui' Ni, masi nde lo yuu chalyuu, masi chaca ba'a chalyuu su ndyaa ñati̱ nu ngujuii, masi lo tyujo'o, lcaa ñati̱ bi' ndyu'ni tlyu ngu' ji'i̱ ycui' Ndyosi. Ndi'ya̱ nchcui' ngu': Cua'ni tlyu na ji'i̱ ycui' nu Cusu' nu ntucua ca su tlyu, nacui̱ ngu', cua'ni chi̱ na loo Ni. Jua'a̱ nu ñi'ya̱ ña'a̱ xlya' bi', cua'ni tlyu na ji'i̱ Ni. Sca ti ycui' Ndyosi ntsu'u chacuayá' ji'i̱ Ni cha' cua'ni Ni lcaa lo cña tsiya' ti; lo'o jua'a̱ ná nga'a̱ cha' tye cha' ji'i̱ ycui' Ni tsiya' ti, nacui̱ ngu'.

APOCALIPSIS 7:15

Bi' cha' ndu̱ ngu' nde loo su tlyu su ntucua ycui' Ndyosi juani ―nacui̱ nu cusu' bi'―, cha' tsa̱ lo'o talya ndyu'ni ngu' bi' cña ji'i̱ Ni ca su ndi'i̱ Ni. Ycui' Ni nu ntucua lo yaca xlya tlyu bi' tyanu cacua ti su ndi'i̱ ngu', cha' cua'a ji'i̱ ngu' cha' ná tyacua cha' cuxi ji'i̱ ngu'.

APOCALIPSIS 7:9

Tiya' la li' na'a̱ na' ndu̱ tsa tlyu ti ñati̱ nu cua ngua'ni lyaá Jesús ji'i̱; quiña'a̱ tsa ñati̱ nga'a̱, bi' cha' ná tucui ngua ji'i̱ culacua ji'i̱ ñati̱ bi'. Tyucui ña'a̱ chalyuu mala su ndi'i̱ ñati̱ ngutu'u ngu' ya̱a̱ ngu'; lcaa lo ñati̱ chalyuu ya̱a̱, cha' cua ña'a̱ ca quichi̱ tyi ngu' ngutu'u ngu', cua ña'a̱ ca lo cha'cña nu nchcui' ñati̱ chalyuu nchcui' ngu' bi'. Ndyatu̱ ngu' nde loo su ntucua yaca xlya tlyu, nde loo su ndu̱ nu ñi'ya̱ ña'a̱ xlya' bi'. Late' ngati̱ lacu' ngu', ntucua laca' nguiña ya' ngu' ndu̱ ngu'.